Ang Sentro

𝐋𝐀𝐓𝐇𝐀𝐋𝐀𝐈𝐍 | 𝐓𝐚𝐠𝐢𝐬𝐚𝐧 𝐧𝐠 𝐈𝐬𝐢𝐩: 𝐋𝐚𝐛𝐚𝐧𝐚𝐧 𝐧𝐠 𝐄𝐬𝐭𝐫𝐚𝐭𝐞𝐡𝐢𝐲𝐚!

Sa bawat galaw ng mga piyesa, at mga galaw ‘pang depensa—hinahangad ang matamis na sandaling pagbigkas ng mga katagang “Checkmate!” upang maisaradong panalo ang labanan sa apat na kuwadradong laro—Chess!

Tahimik na magkaharap sa isang lamesa—tanging galaw lamang ng mga piyesa ang iyong maririnig sa makapigil hiningang tagisan na nangyari noong Disyembre 1-3, 2025 sa mga piling silid sa gusali ng Senior High School sa ating sintang paaralan, City of Malolos Integrated School-Sto. Rosario (CMIS-SR) nang ganapin ang Chess City Meet.

Maaga pa lamang ay nagsimula ng dumating ang iba’t-ibang delegasyon mula sa iba’t-ibang paaralan sa ating mahal na lungsod ng Malolos upang ipakita ang talas ng isip at galing ng mga atletang Malolenyo sa larangang ito–inaasam ang matamis at kagalak-galak na tagumpay upang maging delegasyon ng ating lungsod sa darating na Central Luzon Regional Athletic Association (CLRAA). Isinaayos ang mga silid na pagdadausan ng laro ng mga atleta, hanggang dumating ang kapana-panabik na simula. Una muna na isinaayos ang mga magkakatapat na manlalaro, hanggang sila ay nagkamay—hudyat na nagsimula na ang laban sa Ahedresan.

Makikita ang seryosong mga mukha na nakatitig sa mga piyesa ng Ahedres, unti-unting iginagalaw—progresibo patungo sa tagumpay. Bawat tira ay tila ginto na kailangan pagtuunan ng pansin at pag-isipan ng maigi. Sumasalamin sa mga panahon na sila ay nagbuhos ng oras, pawis, pagod, at pagmamahal sa larangang ito upang mag-ensayo ng walang humpay, nang maging magaling at maging handa sa magiging laban. Hindi madali at tunay na nakakapagod laruin ito dahil kahit hindi buong katawan ang gumagalaw ay ang isipan naman ang gumagana—sa dami ng posibleng galaw na kailangan paghandaan, maisahan, at lagpasan ay patuloy ang paggana ng utak upang mag-analisa ng mga posibleng galaw patungo sa katagang “Checkmate!”.

Pamilya ang naging motibasyon, at araw-araw na pagpapatalas ng mga galaw ang ginawang paghahanda ni Daniella Bianca S. Cruz, isa sa kinatawan ng ating Secondary Girls (SG) upang magpakita ng kahanga-hangang mga galaw sa Chess City Meet 2025. Kaniyang nakuha ang ginto sa kategoryang Blitz at Standard sa Indibidwal na kategorya. Nang dahil dito, siya ang magiging representatibo ng lungsod ng Malolos sa paparating na CLRAA, handang dumurog at manaig muli!

“My motivation in playing chess is teaching me patience, every mistake builds humility; every win reminds me that strategy, focus and discipline pays off. On the board, I learn to think ahead, stay calm under pressure and accept responsibility for my decisions. Our coach allows us to study openings, solve chess puzzles everyday, play real games, play basic end games, and review our own games.” ang pahayag ni Kassaundra Carpio na isa sa ating kinatawan sa Secondary Girls (SG), matapang na ibinahagi ang kaniyang pamamaraan ng pag-eensayo at paghahanda, kasama na din kung ano ang mga naging motibasyon niya sa naturang laro.

Paglalaro ng mga “Chess puzzles” bago matulog at madalas na paglalaro kasama ang kanyang ama upang mas maging matalas sa Blitz at sa mahahabang laro ang naging pamamaraan ni Marcel Genevieve T. Santos, isa sa kinatawan ng Secondary Girls (SG) upang paghandaan ang kanyang mga laro.

Kasama na lumaban sina Mark Dhailen M. Temblique, KZ Emmanuel B. Vicente, at Ersey N. Mendoza na kinatawan ng Secondary Boys (SB), buong husay na ipinakita at inirepresenta ang ating sintang paaralan hanggang sa pinaka abot ng kanilang makakaya! Palakpak!

Ayon naman sa kanilang magaling na g**ong tagapagsanay na si Ginoong Mark Gil N. Santos, pagkatapos ng oras ng klase ay saka sila naglalaan ng oras upang puspusang mag-ensayo. Bukod pa doon, pag-uwi ng mga manlalaro ay hinihikayat silang maghanap at rumesolba ng mga ‘Chess puzzles” bilang ensayo. “‘yung desire na makuha nila ang Gold Medal sa kanilang piling larangan pagdating sa sports which is Chess. Masaya ako na matagumpay sila dahil ang tagumpay nila ngayon ay tagumpay nila sa hinaharap. Chess is life.” ang naging motibasyon naman ni Ginoong Mark upang sila ay hasain at mas lalo pang maging mahusay sa larangan ng Ahedres!

Mula sa pahayag ni Cyrus Nico Balute na mula sa paaralan ng Malolos Marine Fisheries School and Laboratory (MMFSL),indibidwal na pagsasanay, pagdayo sa mga toda, pagsali ng mga tournaments at palaro ng mga sikat na samahan katulad na lamang ng Mobile Chess Club ang kaniyang naging gawi upang pumuntos sa Chess City Meet 2025. Kaniyang naging motibasyon ang kagustuhang irepresenta ang kanilang paaralan, at kagustuhang makarating sa pinakamataas na antas sa larangan ng isports. Nakuha niya ang ika-apat na puwesto sa kategoryang Blitz na mayroong 4 na puntos at 4.5 na puntos naman sa kategoryang Standard. Nakuha naman ng MMFSL Secondary Boys (SB) Bronze sa Standard Team Event at Silver sa Blitz Team Event. Ang tagis umatake at dumepensa, iba din!

Sa bawat pagmamahal sa ginagawa ay mayroong matamis na gantimpala! Ang bawat paglalaan ng oras mag-ensayo nila Daniella, Marcel, at Kass upang maghanda noon sa Chess City Meet 2025 ay nagbunga na, sila ang nakakuha ng ginto sa Chess Standard Event (Team Category) at Silver sa Blitz Chess (Team Event)! Bawat pag-iisip ng mariin, paggalaw ng mayroong saysay, at paghahanda ay natumbasan ng matamis na tagumpay! Pagbati sa talim ng istilo at malawak na kaisipan na inyong naiukit sa larangan ng Ahedres!

Sa hulihan ng lahat, mahirap man gawin o laruin ang Ahedres, kung ikaw ay tunay na nagpupursigi sa larangang ito, pipiliin mong aralin, intindihin, at patuloy bigyang direksiyon ang bawat bitaw ng mga galaw, ayusin at pag-isipang maigi ang mga tira, at mahalin pa ito lalo na tila ba iyong ikamamatay kung wala ito. Sa ganoong paraan, iyong makakamtan ang bawat panalo at tagumpay!

𝐀𝐫𝐭𝐢𝐤𝐮𝐥𝐨 𝐧𝐢 | 𝐀𝐧𝐠𝐞𝐥𝐚 𝐂𝐚𝐦𝐢𝐥𝐥𝐞 𝐂𝐫𝐮𝐳
𝐊𝐫𝐞𝐝𝐢𝐭𝐨 𝐬𝐚 𝐦𝐠𝐚 𝐥𝐚𝐫𝐚𝐰𝐚𝐧 | 𝐀𝐧𝐠𝐞𝐥𝐚 𝐂𝐚𝐦𝐢𝐥𝐥𝐞 𝐂𝐫𝐮𝐳 𝐚𝐭 𝐄𝐥𝐢𝐣𝐚𝐡 𝐑𝐨𝐪𝐮𝐞

𝐒𝐇𝐒 𝐑𝐨𝐬𝐚𝐫𝐢𝐚𝐧𝐬, 𝐈𝐩𝐢𝐧𝐚𝐦𝐚𝐥𝐚𝐬 𝐚𝐧𝐠 𝐇𝐮𝐬𝐚𝐲 𝐬𝐚 𝐃𝐢𝐯𝐢𝐬𝐢𝐨𝐧 𝐅𝐞𝐬𝐭𝐢𝐯𝐚𝐥 𝐨𝐟 𝐓𝐚𝐥𝐞𝐧𝐭𝐬 𝟐𝟎𝟐𝟓 ✨

Ipinagmamalaki ng 𝐂𝐢𝐭𝐲 𝐨𝐟 𝐌𝐚𝐥𝐨𝐥𝐨𝐬 𝐈𝐧𝐭𝐞𝐠𝐫𝐚𝐭𝐞𝐝 𝐒𝐜𝐡𝐨𝐨𝐥 𝐒𝐭𝐨. 𝐑𝐨𝐬𝐚𝐫𝐢𝐨 ang paglahok ng mga 𝐒𝐞𝐧𝐢𝐨𝐫 𝐇𝐢𝐠𝐡 𝐒𝐜𝐡𝐨𝐨𝐥 𝐑𝐨𝐬𝐚𝐫𝐢𝐚𝐧𝐬 sa 𝐃𝐢𝐯𝐢𝐬𝐢𝐨𝐧 𝐅𝐞𝐬𝐭𝐢𝐯𝐚𝐥 𝐨𝐟 𝐓𝐚𝐥𝐞𝐧𝐭𝐬 2025 noong Disyembre 11, 2025 na ginanap bilang bahagi ng 𝐄𝐝𝐮𝐜𝐚𝐭𝐢𝐨𝐧 𝐖𝐞𝐞𝐤 𝐧𝐠 𝐃𝐢𝐯𝐢𝐬𝐢𝐨𝐧 𝐨𝐟 𝐂𝐢𝐭𝐲 𝐨𝐟 𝐌𝐚𝐥𝐨𝐥𝐨𝐬. Sa iba’t ibang larangan tulad ng akademiko, pananaliksik, musika, at sining, ipinakita ng ating mga mag-aaral ang kanilang galing, disiplina, at dedikasyon.

Sa 𝐌𝐚𝐭𝐡𝐞𝐦𝐚𝐭𝐢𝐜𝐬 𝐐𝐮𝐢𝐳 𝐒𝐞𝐜𝐨𝐧𝐝𝐚𝐫𝐲 𝐋𝐞𝐯𝐞𝐥, nagwagi ng 𝐈𝐤𝐚𝐭𝐥𝐨𝐧𝐠 𝐏𝐰𝐞𝐬𝐭𝐨 si 𝐉𝐨𝐮𝐚𝐧𝐧𝐚 𝐄𝐜𝐫𝐚𝐞𝐥𝐚 sa paggabay ni 𝐄𝐧𝐠𝐫. 𝐃𝐞𝐨 𝐀𝐧𝐠𝐞𝐥𝐨 𝐁𝐨𝐫𝐥𝐨𝐧𝐠𝐚𝐧. Sa 𝐒𝐓𝐄𝐌𝐚𝐳𝐢𝐧𝐠 𝐏𝐫𝐨𝐩𝐨𝐬𝐚𝐥 𝐖𝐫𝐢𝐭𝐢𝐧𝐠, nakamit ng pangkat nina 𝐉𝐨𝐬𝐬𝐢𝐚𝐡 𝐒𝐚𝐦𝐮𝐞𝐥 𝐌𝐚𝐫𝐜𝐞𝐥𝐨, 𝐂𝐞𝐥𝐢𝐧𝐞 𝐒𝐚𝐧𝐭𝐨𝐬, at 𝐃𝐲𝐥𝐚𝐧 𝐏𝐢𝐜𝐚𝐳𝐨 ang 𝐈𝐤𝐚𝐥𝐢𝐦𝐚𝐧𝐠 𝐏𝐰𝐞𝐬𝐭𝐨, habang naging 𝐃𝐢𝐯𝐢𝐬𝐢𝐨𝐧 𝐐𝐮𝐚𝐥𝐢𝐟𝐢𝐞𝐫𝐬 naman ang pangkat nina 𝐀𝐧𝐝𝐫𝐞𝐢 𝐉𝐨𝐬𝐞𝐩𝐡 𝐂𝐚𝐥𝐦𝐚, 𝐀𝐥𝐥𝐞𝐧 𝐉𝐨𝐡𝐧 𝐀𝐧𝐝𝐫𝐞𝐰 𝐒𝐚𝐧𝐭𝐨𝐬, 𝐚𝐭 𝐀𝐧𝐝𝐫𝐞𝐚 𝐃𝐞𝐥𝐚 𝐂𝐫𝐮𝐳, ang parehong grupo ay ginabayan ni 𝐄𝐧𝐠𝐫. 𝐁𝐨𝐫𝐥𝐨𝐧𝐠𝐚𝐧.

Hindi rin nagpahuli ang sining at pagtatanghal. Sa 𝐋𝐢𝐤𝐡𝐚𝐰𝐢𝐭𝐢𝐧, sina 𝐍𝐢𝐜𝐞𝐥𝐲 𝐍𝐚𝐯𝐚𝐥𝐥𝐨, 𝐆𝐚𝐝𝐳𝐞𝐧𝐭 𝐂𝐫𝐢𝐬𝐭𝐨𝐛𝐚𝐥, 𝐚𝐭 𝐉𝐨𝐡𝐧 𝐏𝐚𝐮𝐥 𝐂𝐚𝐛𝐚𝐥𝐥𝐞𝐫𝐨 sa ilalim ng paggabay ni 𝐌𝐫. 𝐀𝐫𝐝𝐢𝐞 𝐒. 𝐃𝐨𝐦𝐢𝐧𝐠𝐨, ay pinabilib ang mga manonood. Samantala, ipinamalas ng 𝐒𝐢𝐥𝐚𝐲𝐚𝐧 𝐃𝐚𝐧𝐜𝐞 𝐂𝐥𝐮𝐛 ang husay at damdamin sa kanilang pagtatanghal sa 𝐇𝐮𝐦𝐚𝐧 𝐕𝐢𝐝𝐞𝐨 𝐂𝐨𝐧𝐭𝐞𝐬𝐭 sa patnubay ni 𝐌𝐬. 𝐂𝐚𝐫𝐢𝐳𝐚 𝐃𝐒. 𝐆𝐢𝐫𝐨𝐧.

Isang mainit na 𝐩𝐚𝐠𝐛𝐚𝐭𝐢 sa ating mga 𝐑𝐨𝐬𝐚𝐫𝐢𝐚𝐧𝐬 at taos pusong pasasalamat sa mga 𝐠𝐮𝐫𝐨𝐧𝐠 𝐠𝐮𝐦𝐚𝐛𝐚𝐲 𝐚𝐭 𝐧𝐚𝐠𝐭𝐢𝐰𝐚𝐥𝐚 sa kanilang kakayahan. Patunay ang mga tagumpay na ito na patuloy na nangingibabaw ang 𝐭𝐚𝐥𝐞𝐧𝐭𝐨 𝐚𝐭 𝐡𝐮𝐬𝐚𝐲 ng mga 𝐑𝐨𝐬𝐚𝐫𝐢𝐚𝐧𝐬!

𝐃𝐢𝐛𝐮𝐡𝐨 | 𝐇𝐚𝐧𝐧𝐚 𝐒𝐚𝐛𝐫𝐢𝐧𝐚 𝐁𝐞𝐝𝐨𝐧𝐢𝐚
𝐊𝐚𝐩𝐬𝐢𝐲𝐨𝐧 | 𝐋𝐞𝐧 𝐋𝐲𝐫𝐞𝐡𝐬
𝐊𝐫𝐞𝐝𝐢𝐭𝐨 𝐬𝐚 𝐦𝐠𝐚 𝐥𝐚𝐫𝐚𝐰𝐚𝐧 | 𝐃𝐞𝐩𝐄𝐝 𝐓𝐚𝐲𝐨 𝐂𝐌𝐈𝐒-𝐒𝐑

𝐌𝐠𝐚 𝐁𝐨𝐬𝐞𝐬 ng 𝐊𝐚𝐫𝐮𝐧𝐮𝐧𝐠𝐚𝐧: 𝐍𝐚𝐭𝐢𝐨𝐧𝐚𝐥 𝐑𝐞𝐚𝐝𝐢𝐧𝐠 𝐌𝐨𝐧𝐭𝐡 𝐀𝐰𝐚𝐫𝐝𝐞𝐞𝐬

Buong pagmamalaki naming ipinakikilala ang mga 𝐧𝐚𝐠𝐰𝐚𝐠𝐢 sa patimpalak na 𝐈𝐬𝐥𝐨𝐠𝐚𝐧 para sa pagdiriwang ng 𝐍𝐚𝐭𝐢𝐨𝐧𝐚𝐥 𝐑𝐞𝐚𝐝𝐢𝐧𝐠 𝐌𝐨𝐧𝐭𝐡!

🥇𝐔𝐧𝐚𝐧𝐠 𝐩𝐮𝐰𝐞𝐬𝐭𝐨 HANINA MAE SORIANO (7-MOLAVE)
🥈𝐈𝐤𝐚𝐥𝐚𝐰𝐚𝐧𝐠 𝐩𝐮𝐰𝐞𝐬𝐭𝐨: KASSAUNDRA CARPIO (7-BAKAWAN)
🥉𝐈𝐤𝐚𝐭𝐥𝐨𝐧𝐠 𝐩𝐮𝐰𝐞𝐬𝐭𝐨: JOHN KELVIN TANIG (7-TALISAY)
🎖𝐈𝐤𝐚-𝐚𝐩𝐚𝐭 𝐧𝐚 𝐩𝐮𝐰𝐞𝐬𝐭𝐨: THEA BALITE (7-LAGUNDI)

Mabuhay ang mga kabataang may hilig sa 𝐩𝐚𝐠𝐛𝐚𝐛𝐚𝐬𝐚 at 𝐩𝐚𝐠𝐥𝐢𝐤𝐡𝐚 ng mga 𝐦𝐚𝐤𝐚𝐛𝐮𝐥𝐮𝐡𝐚𝐧𝐠 𝐦𝐞𝐧𝐬𝐚𝐡𝐞!

𝐊𝐚𝐩𝐬𝐢𝐲𝐨𝐧 | 𝐌𝐚𝐫𝐢𝐞𝐥 𝐄𝐬𝐩𝐚𝐫𝐚𝐠𝐨𝐳𝐚
𝐃𝐢𝐛𝐮𝐡𝐨 | 𝐂𝐥𝐲𝐯𝐞 𝐂𝐚𝐩𝐚𝐫𝐚𝐬

Noong 𝐍𝐨𝐛𝐲𝐞𝐦𝐛𝐫𝐞 7, 2025, matagumpay na isinagawa ang 𝐈𝐧𝐭𝐫𝐚𝐦𝐮𝐫𝐚𝐥𝐬 2025, 𝐆𝐲𝐦𝐧𝐚𝐬𝐭𝐢𝐜𝐬. Isinagawa ito sa 𝐒𝐇𝐒 𝐁𝐮𝐢𝐥𝐝𝐢𝐧𝐠 𝐧𝐠 𝐂𝐌𝐈𝐒–𝐒𝐭𝐨. 𝐑𝐨𝐬𝐚𝐫𝐢𝐨 sa pangunguna ng kanilang Coach na si 𝐌𝐚’𝐚𝐦 𝐌𝐢𝐫𝐚𝐜𝐥𝐞 𝐉𝐨𝐲 𝐂𝐚𝐛𝐞𝐫𝐭𝐨.

Isa sa mga tampok na pagtatanghal ngayong taon ay ang 𝐆𝐲𝐦𝐧𝐚𝐬𝐭𝐢𝐜𝐬, isang disiplina sa palakasan na nakatuon sa 𝐥𝐚𝐤𝐚𝐬, 𝐟𝐥𝐞𝐤𝐬𝐢𝐛𝐢𝐥𝐢𝐝𝐚𝐝, 𝐛𝐚𝐥𝐚𝐧𝐬𝐞, at 𝐤𝐨𝐧𝐭𝐫𝐨𝐥 𝐧𝐠 𝐤𝐚𝐭𝐚𝐰𝐚𝐧. Sa pamamagitan ng iba’t ibang galaw tulad ng 𝐭𝐮𝐦𝐛𝐥𝐢𝐧𝐠, 𝐛𝐚𝐥𝐚𝐧𝐜𝐢𝐧𝐠, 𝐚𝐭 𝐫𝐡𝐲𝐭𝐡𝐦𝐢𝐜 𝐫𝐨𝐮𝐭𝐢𝐧𝐞𝐬, ipinakita ng mga mag-aaral ang kanilang 𝐝𝐞𝐝𝐢𝐤𝐚𝐬𝐲𝐨𝐧, 𝐭𝐢𝐲𝐚𝐠𝐚, at 𝐝𝐢𝐬𝐢𝐩𝐥𝐢𝐧𝐚 sa bawat pagsasanay.

Muling napatunayan ng Intrams na ang tunay na diwa ng palakasan ay hindi lamang nasusukat sa panalo, kundi sa 𝐩𝐚𝐠𝐬𝐮𝐬𝐮𝐦𝐢𝐤𝐚𝐩 at 𝐩𝐚𝐠𝐤𝐚𝐤𝐚𝐢𝐬𝐚 ng bawat mag-aaral.

𝐊𝐫𝐞𝐝𝐢𝐭𝐨 𝐬𝐚 𝐦𝐠𝐚 𝐥𝐚𝐫𝐚𝐰𝐚𝐧 𝐚𝐭 𝐊𝐚𝐩𝐬𝐢𝐲𝐨𝐧| 𝐋𝐞𝐧 𝐋𝐲𝐫𝐞𝐡𝐬
𝐃𝐢𝐛𝐮𝐡𝐨 | 𝐋𝐞𝐧 𝐋𝐲𝐫𝐞𝐡𝐬