Guimaras Explorer

NAGBUKAS SANG TAXI KAG NANGLAMPOS SANG BANGKO SA PASAHERO SA SERVICE ROAD SA BOLILAO, MANDURRIAO NAKILALA NA; INSIDENTE GINA-IMBESTIGARAN NA

BY: FARRAH MAE MORANO | JAN 28, 2026

ILOILO—Padayon nga gina-imbestigaran sang kapulisan ang pag-inaway sang pasahero sang taxi kag ang nangbukas sang pwertahan kag naglampos sa iya sang bangko sa service road sakop sang Bolilao, Mandurriao (atubang sang SM Strata).

Suno kay Police Captain Val Cambel, hepe sang Police Station 10 sa Mandurriao, natabo ang insidente mga las-8 sang aga sang Enero 26.

Sa imbestigasyon suno kay Cambel, antes ang insidente sa service road, nagasuyaay na sa G-Park pa lang ang pasahero kag ang nanglampos. May komprontasyon nga natabo pero ginahibalo pa sang pulis ang dugang nga detalye.

Ginpabutyag ni Cambel nga base sa alegasyon sang pasahero sang taxi, may hapiton lang sila kuntani malapit sa Injap Tower pero nakibot na lang nga samtang nagapondo ang taxi, may nagpalapit sa ila, ginbuksan ang pwertahan sa unahan kag ginlampusan sang bangko ang nagapungko sa front seat.

Nagguwa ang pasahero sa front seat kag nagbato sa lalaki tubtob nakalab-ut sa kilid sang barber shop. Sa video nga nakuha sang netizen, nagsumbaganay ang duha.

May nag-report kag ginrespodehan sang pulis ang insidente pero wala na nila naabtan.

Nakilala naman sang pulis ang ginlampusan kag nanglampos.

Nagatipon na ang pulis sang dugang nga detalye agud makilala pa gid ang iban nga involved

*Watch: https://www.facebook.com/share/r/1DsdMaM19i/?mibextid=wwXIfr