BLACK RIDER

𝐓𝐈𝐍𝐆𝐍𝐀𝐍 | Hindi nasusukat sa dami ang halaga ng isang pangarap.

Sa unang araw ng pasukan, Hunyo 8, 2026, nagtulungan ang Pamahalaang Panlalawigan ng Quirino at DepEd SDO Quirino upang maihatid ang I Love Quirino Cares: Bantay Kalusugan sa Paaralan Program sa Pulang Lupa Elementary School, Dioryong Integrated School.

Maaaring kakaunti ang bilang ng mga mag-aaral, ngunit bawat isa sa kanila ay may dalang malaking pangarap at potensyal na maging susunod na karangalan ng Quirino. Malayo man ang kanilang lokasyon at kakaunti ang kanilang bilang, hindi ito naging hadlang upang maabot sila ng dekalidad na edukasyon at serbisyong pangkalusugan.

Bilang ikalawang lalawigan na may pinakamataas na literacy rate sa Rehiyon 2, patuloy na pinatutunayan ng Quirino na ang edukasyon ay pinakamabisang sandata laban sa kahirapan. Habang hinuhubog natin ang kanilang isipan, mahalaga ring linangin ang kanilang puso upang maging responsableng Kailyan at maging mabuting lider ng kinabukasan.