Khp-CAMAREROS

Sali na po kayo! 🙏
Tara na makiisa para sa Malinis, Tapat, at Mapayapang Halalan 2025 💪🤝💗

Talaktadaan ng mga gawain ngayong Semana Santa 2025

Ika-apat na Linggo ng Kuwaresma

Ika-apat na Linggo ng Kuwaresma | Marso 30

Ipinagdiriwang natin ngayon ang linggo ng “Laetare” na mula sa wikang latin na ang ibig sabihi’y “magalak”. Inaanyayahan tayo ng ating mga pagbasa na magalak sapagkat tapat ang Diyos sa kanyang pangako at siya ay ang Amang naghihintay sa ating pagbabalik, sa ikalawang pagbasa ipinapaalala sa atin ni San Pablo na sa pamamagitan ni Kristo ibinilang tayo ng Diyos bilang kaibigan—‘di na kaaway— at hinirang niya tayo upang ipagpanumbalik sa kanya ang mga tao.

Ika-3 Linggo ng Kuwaresma | Marso 23

Ipinapaalala ng Panginoon ang kahalagahan ng pagsisisi, pagbabagong buhay, at pakikinig sa kanya. Ipinakita ng Diyos ang kanyang kaluwalhatian sa mga sinaunang Israelita sa pamamagitan ni Moises; una, sa nagliliyab na punong-kahoy at kalauna’y sa pagpapalaya niya sa kanila mula sa Egipto, sa kabila ng lahat ng ito pinili pa rin nilang suwayin si Yaweh, kung tunay tayong nagsisisi at nagnanais na lumago sa pananampalataya, mananatili tayong tapat sa kanya.

PAANYAYA PO SA LAHAT!

Unang Linggo ng Kuwaresma | Marso 9

Ipinapaalala sa atin ngayong linggo ang buhay ay isang tuwinang pakikipagtunggali laban sa
demonyo,makahahango tayo ng lakas sa pagtatagumpay ni Hesus sa lahat ng tukso upang tanggihan natin ang anumang pakikipagkasundo sa demonyo. Ipanalangin natin ang isa’t isa, ang ating pamilya at komunidad upang mapagtagumpayan ang mga tukso, ipaubaya natin ang lahat sa Diyos na siyang lakas at sandigan natin ang ating bawat hinaing, suliranin at mga kahinaan natin.

Daan ng Krus sa San Marino Square at
Gitna Chapel
Marso 7 2025

PAANYAYA | Isasagawa natin ang Istasyon ng Krus sa komunidad ng SMS at Gitna Chapel Inaanyayahan ang lahat na makiisa. Magtitipon muna sa Ating Parokya sa ganap na ika-3 ng hapon bago ang simula. Ang Istasyon ng Krus ay magsisimula sa ganap na ika-4 ng hapon at susundan ng Banal na Misa pagkatapos ng Istasyon ng Krus.

Bilang pakikibahagi sa pagpasan ng krus ni Kristo ay hinihikayat ang lahat na makiisa sa aktibidad na ito.

PAALALA, ngayong Biyernes at sa mga susunod pang Biyernes ng Kuwaresma ay araw ng ABSTINENSYA, 'wag kumain ng karne.

MANALANGIN. MANGILIN. MAGKAWANGGAWA.