ISYU LOKAL

‎Launching san DRR.Center System, Ginbuhat sa Bungto san San Isidro, Northern Samar
‎
‎Naging manilampuson an ginbuhat nga paglunsar san Drr.Center System sa bungto san San Isidro, Northern Samar, kahapon nga adlaw Disyembre 12, 2025 sa munisipyo sa San Isidro.
‎
‎An paglunsar gin pasilitar san kompanya san Climate Survival Solution of the Philippines Inc. (CSSP) ngan gin atindiran sa mga Barangay DRRMO, Barangay BNS, Camp Manager, MHU, PNP, BFP, PCG, Radio Group, Kabalikat, CSO, ngan mga Department Heads.
‎
‎An Bungto san San Isidro mao an Pilot Project Municipality san CSSP sanglit nakuha ini san munisipyo nga libre.
‎
‎Sumala kan Ms. Reggie G. Bautista General Manager san CSS Philippines, dako an maibubulig sini nga system sa ira lugar para madali nga mahibaruan san mga taga San Isidro an mga posible nga mga kalamidad.
‎
‎Plano liwat nira nga paganahon ini nga mobile app nga mas accessible ngan diri na kailangan sin internet san mga users.
‎
‎Samtang nagpasalamat naman si Mayor Conrado G. Avila Sr. sa CSS Philippines san paghatag niya message of support tungod kay an ira bungto an napili nga maging pilot project san CSSP.
‎ #

Christian Dulon Nalazon