John Arcenas

Star Worx, rumampa na! Mahigit 50 talents ipinakilala ni Mr. M sa bagong talent arm ng TV5.

Bongga ang pasabog ng TV5 at MediaQuest matapos opisyal na ilunsad ang bagong talent management arm na Star Worx sa pangunguna ng tinaguriang “star maker” na si Johnny Manahan nitong Lunes.

Dating kilala bilang MQAA, nirebrand na ngayon bilang Star Worx ang talent arm ng Kapatid network, na target magbuo ng bagong henerasyon ng mga artista, performers, hosts, at digital stars.

Sa engrandeng launch event, mahigit 50 talents agad ang ipinakilala sa entertainment press at industry insiders, habang inilatag rin ni Mr. M ang vision niya para sa bagong grupo.
Ayon kay Mr. M, hindi lang simpleng talent pool ang Star Worx kundi isang “star-building community” na huhubog sa kabuuang pagkatao at career ng mga alaga nito.
Isa sa mga itinampok sa launch ang “Star Worx Block 1,” ang unang batch ng fresh talents na target i-develop para sa TV, digital platforms, pelikula, live events, at iba pang proyekto ng MediaQuest.

Say namin, tila agresibo na ngayon ang galawan ng TV5 pagdating sa entertainment at talent development, lalo na’t si Mr. M mismo ang nasa likod ng proyekto — ang utak sa likod ng ilan sa pinakamalalaking artista sa Philippine showbiz. Para sa akin maganda ang healthy competition dahil magpapagandahan ng offers at magpapatindihan ng projects ang mga talent management entities na mas papabor sa manonood na Pilipino.

Admin Two