Kankrebihar Daily

सुर्खेतमा शुक्रबार बिहानैदेखि सार्वजनिक यातायातका साधनहरू बन्द गरिएको छ । यातायात व्यवसायीहरूले वीरेन्द्रनगरस्थित बसपार्कबाट छुट्ने सवारी साधनहरू बन्द गर्ने निर्णय गरेका हुन् । जसका कारण सयौँ यात्रुहरू बसपार्कमा अलपत्र परेका छन् ।
यातायात व्यवसायीहरूले सार्वजनिक सवारीका मजदुरमाथि प्रहरीले धरपकड गरेको आरोप लगाएका छन् । साथै, निजी प्रयोजनका लागि दर्ता भएका रातो प्लेटका सवारीहरूलाई खुला छाडिएको पनि उनीहरूको भनाइ छ ।

सुर्खेतमा यातायात व्यवसायीहरूले सार्वजनिक सवारी सञ्चालन ठप्प पार्ने चेतावनी दिएका छन् । प्रहरीले सार्वजनिक सवारीका मजदुरमाथि धरपकड गरेको र रातो प्लेटका सवारीसाधनमाथि कडाइ नगरेको आरोप लगाउँदै उनीहरू आन्दोलनमा उत्रिएका हुन् ।
जिल्लामा सञ्चालनमा रहेका १३ वटा यातायात प्रा.लि.हरूले संयुक्त रूपमा निर्णय गर्दै प्रहरीको ‘पक्षपातपूर्ण’ कारबाही तत्काल रोक्न माग गरेका छन् ।