CCR-Karnali

विषय: बालबालिकाको सुरक्षासम्बन्धी दुःखद घटनाप्रति ध्यानाकर्षण
वि.सं. २०८३ वैशाख ३ गते प्रकाशित एक अनलाइन समाचारअनुसार बित्थडचिर गाउँपालिका–१ स्थित माथिल्लो बित्थड क्षेत्रमा शौचालय निर्माणका लागि खनिएको खाल्डोमा जमेको पानीमा डुबेर दुई जना बालबालिकाको दुःखद निधन भएको घटनाप्रति कर्णाली प्रदेशमा बालअधिकारको क्षेत्रमा क्रियाशील नागरिक समाज संस्थाहरूको सञ्जाल (CCR–कर्णाली) को गम्भीर ध्यानाकर्षण भएको छ।

यस दुःखद घटनामा गगन बोहराका ५ वर्षीय छोरा जेनिस र सन्तोष बोहराका ६ वर्षीया छोरी प्रिन्साको असामयिक निधनप्रति हामी हार्दिक श्रद्धाञ्जली व्यक्त गर्दछौं। साथै शोकाकुल परिवारजनप्रति गहिरो समवेदना प्रकट गर्दछौं।

प्रारम्भिक रूपमा हेर्दा बालअधिकार संरक्षण र बालमैत्री पूर्वाधार निर्माणप्रति सम्बन्धित सरोकारवालाहरू पर्याप्त संवेदनशील नहुँदा यस्तो घटना हुन पुगेको देखिन्छ। निर्माणाधीन संरचनाहरूमा आवश्यक सुरक्षा उपायहरू अपनाइएन भने यस्ता जोखिमपूर्ण अवस्था सृजना भई बालबालिकाको ज्यानै जाने अवस्था दोहोरिन सक्छ।

यस प्रकारका दुःखद घटनाहरूको सत्यतथ्य छानबिन गर्न, जिम्मेवार पक्षको पहिचान गर्न तथा भविष्यमा यस्ता घटना पुनः नदोहोरिन ठोस नीतिगत तथा व्यवहारिक पहल गर्न हामी संघीय, प्रदेश तथा स्थानीय तहका सरकारहरूसमक्ष जोडदार अपिल गर्दछौं। साथै, बालबालिकाको सुरक्षा सुनिश्चित गर्न प्रत्येक निर्माण कार्यमा बालमैत्री मापदण्ड अनिवार्य रूपमा लागू गर्नुपर्ने आवश्यकता देखिएको छ।

बालबालिका समाजका आधारस्तम्भ हुन्। तसर्थ, उनीहरूको सुरक्षा, संरक्षण र समुचित विकास सुनिश्चित गर्नु परिवार, समुदाय र तीनै तहका सरकारहरूको साझा दायित्व हो। यसतर्फ सबै पक्ष गम्भीर, जिम्मेवार र जवाफदेही बन्न हामी अनुरोध गर्दछौं।

जय बालबालिका, जय बालअधिकार।

यस बाल अधिकारका लागि साझा अभियान कर्णाली प्रदेशको विज्ञापन नं. 01 April, 2026-D&A अनुसार Documentation and Advocacy Officer (Level-6) पदमा प्राप्त दरखास्तमध्ये छोटो सुचीमा सफल उम्मेद्धारहरु तपशिल अनुसार भएको व्यहोरा जानकारीका लागि अनुरोध छ । साथै लिखित परिक्षा यही मिति २०८२ चैत्र ३० गते दिउँसो १ बजे स्याक नेपाल सुर्खेतको सभाहलमा हुने व्यहोरा समेत सुचित गराईन्छ ।