Picovico

चलचित्र ऐन २०८१ संसोधनका लागी चलचित्र सभाले प्रस्तावित गरेका आधारभूत बुँदाहरु यस प्रकार छन् । चलचित्र क्षेत्रका सबै सरोकारवाला हरु सँग छलफलका लागी पेश गरिएको छ :

१) दफा २ को ख चलचित्र भन्नाले सार्बजनिक रूपमा प्रदर्शनको लागि श्रब्य दृश्यको माध्यमबाट उत्पादन गरिएको कथात्मक उत्पादन भन्ने मानिन्छ । नेपाली चलचित्र भन्नाले नेपाली नागरिकले निर्माण तथा निर्देशन गरेको चलचित्र भन्ने बुझिन्छ ।
२) दफा २ को ठ मन्त्रालय भन्नाले नेपाल सरकारको संस्कृती मन्त्रालय भन्ने बुझिन्छ
३) दफा ५ पर्यटन बोर्डको जस्तै सम्रचणात्मक रूपमा बोर्डको गठन हुनेछ जसमा कार्यकारी समिति को गठन तथा कार्यकारी प्रमुखको नियुक्ति गर्ने प्रकृया रहनेछ । चलचित्र सम्बन्धी सम्पूर्ण प्रसासनिक काम कर्तव्य र अधिकार सहितको एकद्वार प्रणाली अनुरूप बोर्ड गठन गरिनेछ।
४) दफा ५ को उपदफा ३ अध्यक्ष र कार्यकारी प्रमुखको अवधी
२ - २ बर्षको हुनेछ ।
५ ) दफा १७ डिजिटल प्लेटफर्म मार्फत चलचित्र प्रदर्शन गर्न इजाजत लिनुपर्ने अवस्था रहने छैन
६ ) दफा २५ विदेशी चलचित्रको छायाङ्कन गर्न चलचित्र बिकास बोर्डबाटै स्वइकृती लिन सकिनेछ र सम्पर्क अधिकृत पनि विकास बोर्डले नै तोक्ने छ
७ ) दफा २७ चलचित्र जाँच समिति भनिएकोलाई केन्द्रिय चलचित्र प्रमाणिकरण समिति नामाकरण गर्ने र यो बिकास बोर्ड अन्तर्गत कै विशेष समिति हुनेछ।
८ ) दफा २८ केन्दिय चलचित्र प्रमाणिकरण समितिको सभापति चलचित्र क्षेत्रकै एक विशेषज्ञ चलचित्रकर्मी हुनेछन् । उनको नेतृत्वमा ५ सदस्य समिती बनाइनेछ जसमा तीन चलचित्रकर्मी र एक गृह मन्त्रालयको प्रतिनिधी तथा एक उपसचिवले सदस्य सचिबको रुपमा काम गर्नेछन्।
९ ) दफा २९ टेलिचित्रको जाँच गर्ने अधिकार सम्बन्धित टेलिभिजन सँगै रहनेछ।
१० ) दफा ३० यो प्रमाणिकरण समितिले चलचित्र लाई उमेर समूह अनुसारको बर्गिकरण गर्नेछ र त्यही अनुरुपको प्रदर्शन अनुगमन गर्नेछ। विदेशी चलचित्रको हकमा विशेष प्रावधान राख्न सक्नेछ।
११ ) दफा ३१ यो बुँदा पूर्ण रूपले हटाइनेछ । यसको सट्टा चलचित्र बिकास बोर्डबाट चलचित्र निर्माण तथा चलचित्र प्रमाणिकरण समिति बाट प्रदर्सन अनुमती लिइसकेपछि अरु कुनै निकायले हस्तक्षेप गर्न नसक्ने प्रावधान किटान गर्ने
१२) सम्बन्धित चलचित्रको टिकट दर चलचित्र उत्पादन गर्ने संस्था र चलचित्र प्रदर्शन गर्ने संस्था मिलेर निर्धारण गर्न सक्नेछन् र यसको जानकारी स्थानिय निकायलाई दिनुपर्नेछ
१३) दफा ४५ लाई बिशिष्टिकरण गरेर नेपाली चलचित्र को अनुसन्धान तथा वैचारिक र कलात्मक समन्वयनकारी भुमिका निभाउन चलचित्र प्रज्ञा प्रतिष्ठान गठन गर्ने
१४ ) दफा ४४ लाई विशिष्टिकरण गरेर चलचित्र कोर्ट को स्थापना गर्ने
१५) बिदेशी चलचित्र कम्पनी हरुसँग चलचित्र सह निर्माण गर्न आधारभूत आधार उपलब्ध गराएर विदेशी लगानी भित्र्याउने
नोट # यो ऐनले संधियता को आधारभूत अवधारणा लाई आत्मसाथ गरेर सो अनुरूप दफाहरुमा बुँदा थप्नेछ।

Team
-- Thanks to all our team members 🙏 --