FunPost Bardibas

अर्कैको अंगालोमा हेरी रुन म कसरी आउँ?
दियौ चुले निम्तो गोडा धुन म कसरी आउँ?

प्रेम गरेको थिए स्पर्श भए पनि खुसी,
डर मान्दा मान्दै शरीर छुन म कसरी आउँ?

दुनियाँ सामु हात समाई टाढा तिमी हुँदा,
आँखै छली नजिक हुन म कसरी आउँ?

पराईको घर पुगी खुब रोयौ रे,
बर्खेको भेल पुछ्न लौन म कसरी आउँ?

पायौं दुःख परिवारको कुरा तिम्ले मान्दा,
बचाउन रक्षक बनि सुन म कसरी आऊ?

रन्जन कुमार पोखरेल
गौरीडाँडा, बर्दिबास -०३