Ghumphir Nepal

नयाँ सरकारले ५० लाख पर्यटक भित्र्याउने ‘टार्गेट’ लिनुपर्छ : अध्यक्ष शाह

Just a moment...

बर्दिया राष्ट्रिय निकुञ्ज खासगरी बाघ हेर्ने गन्तव्यका रूपमा प्रख्यात छ । हात्ती सफारी गर्दै वन्यजन्तु र चराचुरुंगी अवलोकन गर्न आन्तरिकसँगै विदेशी पर्यटक निकुञ्जमा आउँछन् । निकुञ्जसँगै जोडिएर बग्ने कर्णाली नदीमा कैलालीको चिसापानीदेखि टीकापुरसम्म र्‍याफ्टिङको मज्जा लिन सकिन्छ ।

९६८ वर्ग किलोमिटरमा फैलिएको निकुञ्जको ७० प्रतिशत भूभाग जंगलले ढाकिएको छ भने ३० प्रतिशत घाँसे मैदान छ । निकुञ्जमा ५४ प्रजातिका स्तनधारी जनावर, ४०० प्रजातिका चराचुरुंगी, २५ प्रजातिका घस्रने जन्तु र ६० भन्दा बढी प्रजातिका माछा पाइन्छन् ।

निकुञ्जभित्रको कर्णाली भँगालोमा हात्तीलाई नुहाइदिंदै माहुते ।
कर्णाली नदीमा डल्फिनको लोभलाग्दो दृश्य निकुञ्जको अर्को आकर्षण हो, जहाँ माछा मार्न सौखिन पर्यटक समेत आउँछन् । निकुञ्ज व्यवस्थापनसँग अनुमति लिएर निकुञ्ज क्षेत्रमा क्याम्पिङ गर्न पनि पाइन्छ ।

पश्चिम नेपालकै प्रमुख धार्मिक स्थलहरूमा पर्ने ठाकुरद्वारा मन्दिर निकुञ्ज नजिकै छ । लिच्छविकालीन मूर्तिहरू रहेको यो मन्दिरमा माघेसंक्रान्तिमा मेला लाग्छ । बर्दिया जिल्लाकै गौरव थारु संस्कृति निकुञ्ज यात्रामा जाँदा छुटाउने कुरै भएन । निकुञ्जबाट ५/६ किलोमिटरको दूरीमा रहेको डल्लागाउँको थारु होमस्टेले थारु परिकार र परम्परागत नाचगान सहित पाहुनाको स्वागत गर्छ ।

कसरी पुग्ने ?
हवाईजहाजमा जाने हो भने काठमाडौंबाट ५५ मिनेटको यात्रापछि नेपालगञ्ज र त्यसको दुई घण्टामा बर्दियाको ठाकुरद्वारा पुगिन्छ । बसमा जाँदा काठमाडौंबाट १२ घण्टामा पुग्न सकिन्छ । पूर्व–पश्चिम राजमार्ग अन्तर्गत बर्दियाको आम्बासाबाट १३ किलोमिटर टाढा छ, ठाकुरद्वारा । यहाँ बास बस्न सुविधायुक्त होटल र रिसोर्टहरू छन् ।

゚

ठुलो भेरी नदी र सानो भेरी नदीको संगम स्थल रीन्मा,जाजरकोटको सुन्दर दृश्य । तस्बिर : विशाल सुनार

पत्ताले बाट देखिएकेा विश्वकेा सर्वेाच्च शिखर सगरमाथा, पत्ताले सेालुखुम्बु र अेाखलढुगाकेा सिमाना पर्दछ ।पतालेबाट सगरमाथा (Mount Everest) — 8,848 मिटर, Lhotse — 8,516 मिटर, Makalu — 8,463 मिटर, Kanchenjunga — 8,586 मिटर लगायत धेरै हिमशिखरहरू देखिन्छन् । लगभग 3,000 मिटर (डाडो / भ्यू–प्वाइन्ट) उचाईमा रहेकेा छ ।

परमपरागत थारू नाच नाच्दै दाङका स्थानियहरू

माधवनारायण मेला — भक्तपुर, नेपाल

माधवनारायण मेला (Madhav Narayan Mela) भक्तपुर, especially हनुमानघाटस्थित त्रिवेणीधाम (Hanumanghat Triveni Dham) मा हरेक वर्ष पौष शुक्ल पूर्णिमादेखि माघ शुक्ल पूर्णिमासम्म (नेपाली पात्रोअनुसार लगभग जनवरी/फेब्रुअरीको बीचमा) एक महिनासम्म मनाइन्छ । यो हिन्दु दलिल अनुसार एक धार्मिक व्रत तथा मेला/उत्सव हो, जसमा ठूलो भक्तजनको भीड जुट्छ ।