NAP Nepal

“खोज्नेले जहिल्यै अवसर खोज्छ, नखोज्नेले जहिल्यै आराम रोज्छ” भन्नु हुन्थ्यो मेरो बुबाले।
मैले “पसल” सुरु गर्नु अघि घरमा:
“छल” गरेर राम्रो “फल” पाइदैन तर “छलफल” गरेर भने एउटा राम्रो निष्कर्षमा पुग्न सकिएला भनेर घरमा, “सल्लाह” गरेको बढि बढि “हल्ला” मात्र भयो । असहमति, “Job गर्दा गर्दै, किन अर्को टाउको दुखाउनु। सानो तिनो चलिराकै छ, यो भन्दा ठुलो नगरौं” भन्ने ।
मैले गर्न खोजेको खासै ठुलो काम होइन - एकदम सानो तर कठिन काम हो।
जस्तै: धेरैलाई थाहा छ: “चिनीले असर गर्छ। ग्रीन टि मा बानि गर्दा, धेरै हेल्थ बेनिफिट्सहरु पाइन्छ” भन्ने। तर पनि, धेरैले - "गुलियो नभाको पनि चिया हुन्छ र?" भन्नुहुन्छ। ४-५ वर्ष पछि, त्यहि मान्छे "चिनी नहालेको चिया ल्याउ, मैले चिनी छोडिसके" भन्दै हिडेको देख्छु। आखिर पहिल्यै सुधार गर्नु भएको भए स्वास्थ्य पनि राम्रो हुन्थ्यो। चिनी पनि जिन्दगीभर छोड्न पर्दैन थियो। हो, मैले यो पेज मार्फत बारम्बार यहि कुरा सम्झाइरहने काम गर्छु।
अनि अरु – “खानेकुरा खानु अघि सोचेर, स्वास्थ्यप्रति सजग भएर खाने गरौँ। त्यसले पार्न सक्ने दिर्घकालिन असर प्रति सचेत भएर खाऔँ। नियमित ब्यायाम गरौँ। स्वास्थ्य जिबन बाचौं।“
त्यसको लागी एक्सरसाइज तपाई आफैले गर्नु पर्छ। हेल्दि, र अर्गानिक खानेकुरा, मैले उपलब्ध गराउने प्रयास गरेको छु। आउनुहोला।

आशा छ, एकदिन मैले सोचे जस्तै भबिष्य हुनेछ। हेल्दी खाने, ब्यायाम गर्ने हाम्रो समूह अहिले भए भन्दा ठुलो हुनेछ। अनि हाम्रो भेट, हस्पिटलमा नभै, एक्सरसाइज गर्दा गर्दै कुनै एक पार्क तिर हुनेछ।
बुबाले अर्को कुरा "ब्यापार: कि वार, कि पार" भन्नु हुन्थ्यो तर गलत भन्नु भो जस्तो लाग्छ।

“ब्यापार: थोरै दिन रमाइलो, अनि सधै सधैको दिक्दार” पनि भन्नु पर्ने थियो।
किनकि, कति धेरै मेहेनत गर्यो, सामान प्रयोग गर्नु भएको ग्राहकहरुले “राम्रो लाइ राम्रो – नराम्रोमा सुधार” भन्नुहुन्छ। तर किन्ने इच्छा एकरत्ति पनि नहुनेहरु भने; सिधै फटाह, लुटेरा भनेर फैसला नै गरीदिने फेसन चलेको छ। हो यो बेला भने दिक्क नै लाग्छ।तर पनि, तपाई हाम्रो स्वास्थ्यमा सुधार गर्नु छ - अझै अघि बढ्नु छ। त्यसैले बढ्ने अघि नै हो - र हो, मैले खोजेको अवसर पनि।

NAPNEPAL स्टोर
पुरानो बानेश्वर बिजय चोक नजिकै, काठमाण्डौ
फोन : ९८०३५२०४०४

ाडो

🤺💪