Ram Narayan Mehta

सपोर्ट लघुवित्तद्वारा वित्तीय साक्षरता कार्यक्रम सम्पन्न

बिराटनगर, मोरङ — सपोर्ट लघुवित्त वित्तीय संस्था लिमिटेड अन्तर्गत दाँदर बैरिया शाखाले Global Money Week 2026 को अवसरमा एकदिने वित्तीय साक्षरता कार्यक्रम सम्पन्न गरेको छ।

श्री सरस्वती पब्लिक क्याम्पस को सभा हलमा आयोजित कार्यक्रममा ६५ जना विद्यार्थीहरूको सहभागिता रहेको थियो।
“Smart Money Talks” नारासहित सञ्चालन भइरहेको ग्लोबल मनि विक २०२६ चैत २ देखि ८ गतेसम्म (मार्च १६–२२, २०२६) नेपालसहित विश्वभर मनाइँदैछ। यस अभियानको मुख्य उद्देश्य युवाहरूमा वित्तीय सचेतना अभिवृद्धि गर्दै जिम्मेवार आर्थिक व्यवहारको विकास गर्नु रहेको छ।
कार्यक्रममा संस्थाको केन्द्रीय कार्यालय अन्तर्गत आन्तरिक लेखा परीक्षण विभागका कर्मचारी संजय कुमार चौधरी तथा सोकेन्द्र कुमार राय ले प्रशिक्षण तथा सहजीकरण गर्नुभएको थियो। सो अवसरमा बचतको महत्व, आय–व्यय व्यवस्थापन, वित्तीय अनुशासन, डिजिटल वित्तीय सेवा तथा पूँजी बजारसम्बन्धी जानकारी प्रदान गरिएको थियो।
कार्यक्रममा सहभागी विद्यार्थीहरूले प्राप्त ज्ञानले आफ्नो दैनिक जीवनमा सकारात्मक प्रभाव पार्ने विश्वास व्यक्त गरेका थिए।
यसै क्रममा क्याम्पसका प्रधानाध्यापक श्याम साह लाई मायाको चिनोस्वरूप घडी प्रदान गरी सम्मान गरिएको थियो।
संस्थाले वित्तीय साक्षरता अभिवृद्धि गर्ने उद्देश्यले आगामी दिनहरूमा पनि यस्ता कार्यक्रमलाई निरन्तरता दिने दाँदर बैरिया शाखाकी शाखा प्रमुख शुशिला कुमारी साह ले जानकारी दिनुभएको छ।