Adecanwrite

™

The security guy lead Kazeem and Pascal into the banking hall.

"Everybody, down!!!!" Pascal and Kazeem scream. Bank workers and customers go down low at once.

"I want everybody behind the desk and the counters, out here, before I count one to three...one!...Pascal order.

"If anyone makes any phone call or any funny move, especially those of you wey dey inside office, ago make sure say everybody wey dey here, dye. I get enough bullet. I no dey play oh" Kazeem talk.

Everybody begin waka fast come the open floor, dey lie down, face down.

"If phone dey your body, put am for your front, and stretch your hands forward...now!" Kazeem shout.

Soon, everywhere don full. One heavily pregnant woman wey hold one boy for hand, kneel down, she no fit lie down.The boi dey cry, the woman use her hand cover him mouth.

"Hey you! Sit down. Control that boi, Ano want noise...if I count three and all of you wey dey inside office no come outside, I go kill this pregnant woman" Pascal talk, point him rifle to the pregnant woman. The woman begin shake.

Office doors open immeadiately. David, Shade and about four other staffs, raise hand, waka come out of their offices.

Pascal look him watch.

"Whoz the manager!? Pascal ask.

Silence.

Pascal waka go meet the pregnant woman. "Release him to me"

"😭 😭 Please...please...."

"Release him now or else l go shoot you for belle!" Pascal pulls the boy away from the woman. The woman scream, begin cry.

Pascal drag the boi to the front of the others. The boi dey cry loudly. Pascal make the boi kneel, point him rifle.

"I want the manager to stand up now!"

David stand at once, raise hands, dey shake.

"You are stewpid for wasting my time!" Pascal talk, walk to David, and punch him in the face. David stagger, fall down. People exclaim.

Pascal Cork him rifle, aim David in the head. "U dey craize!? U think say I dey play!?

"😢 Am sorry!" David beg.

"I want make you open the vault right now, amd fill up these bags, with all the money inside the vault. You have five minutes"

"I dey sorry, I cannot do that" David reply.

Kazeem walk to the pregnant woman.

💥pa!

One shot for centre of fore head. The pregnant woman fall like a log of wood. Everybody for bank scream. Pascal and David, shock. What da sheeet just happened? Dem look Kazeem like, no be the plan be this, guy? U dey craize!?

Kazeem walk to another man. "Get up! I say get up! The man stand up. E dey shake..."💥pa!" Kazeem shoot am for belle. Dem wan sef land for floor, gba.

Pascal and Kazeem drop jaw.

"Kz!!! Stop! Pascal scream.

"I go begin shoot everybody if you and your staffs no open that vault, fill up the bags with all the money and bring it back here in 7minutes!"

David brain fess confuse. Jeez! What the hell just happened. He jump up. Two other staffs wey dey unlock the vault with David, also stand.

"Three of you no go reach. Three more staffs shud join them. If una like, make una do anyhow. If I see police for outside. I go kill everybody, and I go go jail" Kazeem warn.

David, Shade and the other staffs rush enter.

************

Chima heart dey beat fast. New customers wey dey pass, the bus, dey look say "why this one park like this"? As dem dey enter bank premise, dem dey enter punishment straight, because Ropo dey there, wey dey lie them down codedly dey make them submit their phones...

***************


Shade na hustler wey dey live with her broda. Her broda don marry. The broda wife dey show her pepper. But because her bank work no really pay well, na manage she dey. She wan comot, but she no geh money to get him own apartment.

One day, while at the office, she knock waka enter David office go drop file. She see Margaret for the office. Their eyes jam and Margaret look her lustfully. David no notice because he dey busy with the laptop.

Days later, Shade jam Margaret again as she wan enter the bank entrance. That day, she do marketer work go, so she dey return to office. Margaret call her, greet her. "I don see this face before"

"I think so, ma 😊" Shade reply.

"Okay, you look good"

"Thank you ma"

"I go like to know you better. Give me your contact"

Margaret collect Shade number.

That weekend, dem meet for one bar. Na there Margaret tell Shade say, she dey bis*xual oh, she dey do man and woman. Say infact, for years now na only woman. Say, she go take care of her. Shade wey be say, she dey husstle. She say she go think about am.

That nyt she give Shade 200 kpa. Ehhh? Just like that? Dem begin talk, chat. Margaret begin press Shade money every two days, 200 kpa. Na like this? Shade come say e be like say na side hustle be this oh.

Margaret come invite Shade come her expensive house. Dem drink expensive wine to stupor, come high. Dem come begin do yamayama. Na Margaret lead because Shade na jjc. The thing irritate Shade sef, but she no get choice.

Wen them finish, Margaret come tell Shade say, Shade go enjoy if she calm down with her. Say, the money wey she hide for their vault alone, na 400m plus...and e no dey traceable. Say money dey to spend. Shade happy dye.

About a week later, David invite Shade to dinner. Shade immeadiately know say he need her help, because she don try many times to win his heart, no way. Even if he no date her, make he just fasi for her even if na once. He turn her down. So, this sudden invite get as e be.

When he come tell her about the heist. She come look am say come oh, na opportunity be this oh. Margaret talk say the money no dey traceable. And na just 10m David promise her, out of 400m! Haba!

She enter abete begin find boiz wey fit run level. She finally meet. Them be four n them be quadruplet. That means say dem born them the same day. Them no need to enter bank, dem just need to wait make dem Chima rob finish. Them, go come rob Chima and co. And she no want any of them alive. The quadruplet talk say even if she no talk am, dem go kee everybody because dem no dey wear face cover, so dem no dey leave exhibit...

************

Pascal no dey apy with wetin Kazeem do. But he understands. Time don dey do. Now they have just 5 minutes. If to say Kazeem no shoot, David go still dey argue, dey try act real, and time dey go......fok!

"Time up! Get out here or I go begin shoot again!" Kazeem warn.

The staffs begin drag bags come out one by one, na David last.

Kazeem waka go door, open am "Oya move!!"

Pascal drag the boy and one lady up. "Carry him! Now!"

The lady carry the boi. Pascal point them rifle dey watch. David and the other staffs exit the hall...

As dem dey come outside, Ropo set him rifle well.

"Move! Fast! Ropo begin shout for the back staffs as dem dey drag the bags down the entrance. "To the gate, fast! Fast! Abi u want make I put am for una body ni!?

Ropo use back waka go the gate, he open, give Chima signal. Chima turn on the bus engine. He come turn the bus, wey be say, the long door face the gate. He open the door automatically. The staffs just dey drag the bags, inside the bus, dey waka back inside the bank premise with their hands raise. David sef do same. The last bank staff, put the bag inside. Instead make e waka back, naso he tear run, begin run towards the road, dey shout "armed robber! Armed robber!"

Chima fess wan carry rifle. But shey he go shoot for outside ni? Beside, no killing.

"Let's go!" Chima shout for Ropo.

Ropo shout for everybody make dem lie down at once.

"If you call the police, I will kill the both of them!" Kazzem threaten as him and Pascal wan exit the bank hall.

Bank entrance door open, Kazeem and Pascal waka come outside with the lady and the boi.

Let's go!" Ropo shout for the two of them.

Ropo, Kazeem and Pascal run out of the bank premise, dem see say people don dey gather, dey make call. Kazeem waka leave others wey dey enter moto. He open faya on the little crowd..

"😡 Wetin concern una! Na una money!? Kazeem para.

💥💥💥💥💥💥

Everybody scatter. Bullets no touch anybody.

"Kazeeem!" Pascal shout.

Kazeem run go enter inside the bus. Dem close door. Chima drive out to the road, speed along the busy road.

The three of them remove their face cover dey breathe hard.

"Oh boi, armed robbers dey try oh!" Ropo talk.

"Kazeem, you dey mard!? Wetin dey worry you na!?😢😢😢 Pascal para.

"Wetin apun"? Ropo ask.

"He kill two people inside bank, e still dey shoot again for outside"

"Jesus! Why na? Chima and Ropo shock. "We agree say no killing "

"Iffa no shoot, we go still dey inside there dey negotiate. David just dey do mumu oh" Kazeem talk.

"Mumu keh"? Ropo ask.

"Omo na true oh" Pascal talk. "But I understand sha, e wan act real, so nobody go suspect anything" He added.

"We get time for that? Abeg" Kazeem reply.

"Guys, e get one benz wey dry follow us oh" Chima talk as he dey drive along a street at top speed.

The other three look one another. "Follow us keh"?

"Aje! I don even try maneuver, pass another route, e just dey follow"

💥💥💥💥💥💥💥

Bullet rain on the bus.

"Jesus, wetin be that? Who dey stone our bus"? Ropo ask.

"Na bullet! Mumu!" Pascal reply.

The bus screeche go one side, to another side before he continue. But e no balance again.

"Them don burst one tyre" Chima talk.

"Na police"? Pascal ask, nervously.

"😢 No... One pesin don betray us" Chima announce.

To be continued...

I thank ALMIGHTY GOD for giving me the gift of writing

© Adecanwrite

This na rated #22+

I know say some people no go hear. Dem go dey below 22years old, dem go still read am. My hand no dey oh.

For Bible, e get one verse wey talk say , there is a road, wey seem broad, nice n sweet, but no follow am oh, because e lead to destruction. Still, ano listen.

Years ago, ago buy fufu for one Igbo woman, around 7:30pm to eight. Naso I jam this pretty damsel. She fair, come lepa. She no get front or back, but she fine. I wait make she buy fufu finish, I come follow her dey word her. We exchange number.

From call, we begin chat for Facebook. Na from there I find out say she dey stay three streets away. That time, I dey stay with my friend.

I tell her make we meet again. She say make we meet for one junction for nyt, say before she agree to date me, she wan temme something. When we meet, this babe temme say she oh, she like totomeleto like mard. Say him and him ex boyfriend na almost everyday dem dey knack sef. I think am say, this one just dey find way to discourage me. I say make she no worry if na that one. She ask of my address, I tell her.

Two days later, she come. See better Semo and Igbo Egusi wey this babe bring. Damn! Una know Igbo Egusi na, orisirisi dey inside.

I chop to stupor. Ano fit finish the soup sef. After I finish, she begin use hand rub my body. I know, sebi I don chop, I must to work. I raise foam, carry rubber. She no wear pant. The thing wey she wear be like napkin. She say na disposable pata. Kpokpodikpokpodi-kpokpodikpokpodikpo!

She go auz.

I never wake up when she call me the next morning, say she dey bring me breakfast. The babe just finish skool, dey await service. Me, I dey third term holiday. Salary sef don finish. As u dey kolet salary, pay food seller gbese, money don yamutu.

The breakfast na Pap and milk with better akara wey geht orisirisi. Omoh, I chop finish. Naso I climb bed again oh.

She go around 11am.

2pm, she call me again say she dey bring lunch. Rice and chicken stew. I chop finish, she begin do smensmen again, I say ah, I never recover the one wey I do for morning oh. She say no oh, I must do oh, say sebi I don chop. Ehhh? Okay. I do again.

She bring dinner. I chop finish, she still wan collect. See, U wan make I dye? Abeg, I never recover. Omoh, see as she dey beg me. Ehhh? For my mind, I say Dapo, o ti doko dele Dalemon!(U don enter)

I say make she ride herself. U go think say we dey fyt. She ride me e-ride ku ride(anyhow) See as I shine teeth, open eyes kongba like say I wan get cardiac arrest. When she finish, I no fit stand up. E be like say dem disvirgin me. Poko come dey pain me. I no even fit see her off. Na midnyt when I wake up I go baff.

I look my self for mirror, fear cash me. E come be like say dem wan cast out my skeleton comot for my body. Jesus! Wha da sheeet! My face come gbo!(Aged) Ahhhh! Allahu!

The next morning, I see her call again. I do 👇👇👇"ehhhh!? No be me and you"! Naso I lie say I wan go my parent place, say e dey important, and I go spend three days. I come comot run go our side, and e no far. She call me taya. Are u back? Are you back? Back as how? I say na three days na. My friend call me say my babe come auz oh. I say Jesu! Shey mondaran bayi?

On the third day, na her call wake me. Ano pick. She text me say "Thank God u ll be back today. Can't wait to see you"

For my mind, I say no be me and you. Na around 6pm I go house. My friend don comot, drop key for me. As I enter compound, naso one of our neighbors wey dey lousy shout say "ah, uncle since morning. Your gf don dey wait oh" As I wan ask say wait where? Make I run. Naso she shout "Aunty yellow, e don come back oh, your bf don come"

"😡 Shey ya werey ni!?mo ranyin nse ni?(Madam u dey craiize, I send you message?) Naso she peep, see me, begin run come meet me. Ahhh! I say moku modaran! She hug me tight, begin cry oh. Walahi, Dapo, o ti gbe jombo! Emere poroun lo gbe yio!(U don carry wetin pass you)

As we dey enter like this, she begin comot my button. Wait na! Wait! Calm down!

She no hear oh! Naso I scream. "😡 Alaye leave me! Wetin apun na!? Naso she stop begin sob.

Ehhh, modaran! What da actual sheet I enter like this? The busheeet!

"I just dey come back na. Atleast let me rest. Not today, maybe tmao"

See cry. She stand for door dey cry. Say shebi she temme before she gree for me.

"Ehn ehn? Na him make I dye? My poko don lean. See as I be? U wan kee me? Nothing wey this gurl no use beg me finish. I pity her, say make she come. Naso I do one oh.

She come ask say shey she fit come spend the nyt the next day, say her parents no go dey. She no go come at all in the day. I say okay. Big error.

She bring three varieties of food, fruit, juice, and tea. She even meet my friend. That one follow us chop before he find him way.

Around 9pm after we chop finish...kpo kpo di! We baff.

I don even sleep go. I just begin feel say dem dey suck my nippus. I open eyes, see say she don climb me. "😢 Ehhh, az how na? She begin beg. Say she go do am herself. Faka fuku faka fuku! We finish, baff again.

Na from sleep, I begin feel something for my poko again, naso I open eyes. She don dey do that her eyes.

See as I vess. "Will you leave me alone!? She say make I please ..na last one be this, her body dey shake. Say after this one, she no go disturb me again.

I do 👇👇👇👇👇 Agbako! Iru kileleyi bayi Oloun! Wha da sheeet!

Last one oh, she say ehn. As I manage finish like this, I fess lie there for like ten minutes. She don waka enter bathroom go baff. As I stand up like this, e be like say I stand up enter realm of the spirit. Ano know where I dey again. Everything go blank, come black.

My mind come dey argue. "I don dye oh! No oh, u never dye joh! Where I come dey? Your room na! Na lie u don dye"

"Jesus save me...Jesus save me...Jesus save me..." I begin pray. Naso God hear my voice, everything begin return. I see say I stand for middle of room, hold waist.

"Are you okay"? She ask me. For my mind "Phuulish girl, I stand here since, dey fyt for my life, na now u see to ask abi"

I enter bathroom. I fetch water for pail. Make I bend carry water, naso I stagger go front kro-kro-kro like male hen wey wan climb, see as I use my chest and belle land for bucket. E do gbum! I say "Yeeee!Alagbawi eda oh!

How she no hear, ano know. I manage stand. I rest my back for wall come dey look the opposite wall. "God, if you help me for this one, ano go do again oh"

I rest well well. As I wan bend again, e come be like say my head comot, drop for ground, na back I stagger go, jam door, stagger go front again, kaoshshsgajahausgshh GBOSA!!!!

"Babe! Are you alright!? She ask from room.

I no even answer. I just manage stand. The fall come clear my head small. My chest don scratch ground, my head dey bang.

I just manage carry the pail, raise am up, pour the water for my head at once "Waaaaaaah!"

I open door, come outside slowly. "Babe, are you alright?" She ask again. I shake head.

I manage carry towel, clean body, wear jean trouser , wear belt, lie down gently, turn my back to her, face wall. I close eyes.

I sleep.

Walahi, I just dey feel am say something dey rob my poko again. I open eyes...this girl don unbuckle the belt, unbotton my trouser, zip me down , bring out my poko, put for mouth. My poko wey don over taya. That one just dey do jebele-jebele jebele-jebele for her mouth, like say small pikin dey lick Sisi Pelebe.

Walahi, I no know the anger wey enter me, the way I drag my poko comot for her mouth!

"😭 Ba mi gbe oko mi jo! Onshiere ni! Olobuuku omo! Shofe bayemi je ni!? O fe kagbako aiye sha!? (Give me my poko jo! U dey craiize!? U wan destroy my life ni?)

I look time. I see 6am. "Come and be going...and please, ano do again..."

She think say I dey play. I manage stand like this. I drag her up. "Get out!" She say "am naked! Let me wear my clothes! Na that time I see say tru tru she no wear clothe oh. So, I blind before? Ayilala oh! Totomeleto wan blind me.

She wear clothe finish. She still stand hold waist. "Are you breaking up with me? Am sorry"

"Wo, don't beg me. Just go. Am not doing again"

Naso she do okay, comot. I lock door. I go lie down back. Na my friend come back, wake me up. I narate my story, he laff taya.

Around 2pm, my fone ring again, I look the caller. Na she again, I do 👇👇👇👇👇👇Abiyamo aiye, e ma gbami!(Earthly mothers, make una save me oh) Shey moti kagbako bayi(Ah don dye oh)

I thank ALMIGHTY GOD for giving me the gift of writing.

© Adecanwrite