AMINU UMAR II

Abin da ya faru jiya a wasan ƙarshe na Gasannin Ƙasashen Afirka (AFCON) ya kasance abin mamaki ƙwarai. A wasan kusa da na ƙarshe da Najeriya, ’yan wasan Morocco tare da masu ɗaukar ƙwallo sun shafe wasan suna ɓoye tawulolin golan abokan hamayya, domin kada ya samu busar da safar hannunsa, abin da hakan zai iya sa ya yi kuskure a filin wasa mai laushi.

Saboda haka, a wasan ƙarshe na jiya, golan ajiyar Senegal, Yehvann Diouf, ya shafe duka wasan yana riƙe da tawul yana kare shi kusa da Édouard Mendy. Duk da cewa mutane da dama sun yi ƙoƙarin ƙwace masa tawul ɗin a tsawon wasan, ya ƙi sakin sa.

Duk lokacin da Mendy yake buƙatar tawul ɗin, Diouf yana miƙa masa shi, sannan nan take ya koma yana tsaron sa. A ƙarshe, Senegal ta lashe kofin gasar, kuma Diouf ya yi murnar nasarar tare da lambar yabonsa da kuma tawul ɗin. Lallai wannan kyakkyawan abin misali ne na haɗin kai da aiki tare a cikin ƙungiya.