Giade Daily Post

Isra’ila: Netanyahu ya ce manufar yaƙin ita ce ɗaga Isra’ila zuwa ƙasar mai ƙarfin tasiri a duniya

Firayim Minista Benjamin Netanyahu ya bayyana cewa rikicin da ake yi da Iran wani ɓangare ne na ƙoƙarin faɗaɗa ƙarfin Isra’ila domin ta zama ƙasa mai tasiri a yankin da ma duniya baki ɗaya.

Ya jaddada cewa ayyukan da ake ci gaba da yi suna daidaita da wata doguwar manufa ta ƙarfafa matsayin Isra’ila a idon duniya.

Ana sa ran wannan furuci zai ƙara tayar da muhawara kan ainihin manufofin yaƙin da kuma yiwuwar sakamakonsa na dogon lokaci.

Shugaban APC tare da Gwamna Abba Kabir Yusf Sun Gana da Gwamna Bala Mohammed a yau

Shugaban jam’iyyar All Progressives Congress (APC) na kasa, Nentawe Yilwatda, tare da gwamnan Jihar Kano, Abba Kabir Yusuf, sun kai ziyara ga gwamnan Jihar Bauchi, Bala Abdulkadir Mohammed, a fadar gwamnati da ke Bauchi.

Rahotanni sun bayyana cewa an dauki ziyarar a matsayin ta kashin kai, domin ba a fitar da wata sanarwa ga manema labarai ba, haka kuma ba a yi wata hira da manema labarai ba bayan kammala ganawar.