Micro World LLC

Нийслэлийн Эрүүл мэндийн газрын Эрүүл мэндийн хяналтын хэлтэс болон “Микро ворлд” судалгаа шинжилгээний төв (Micro World LLC) хооронд хамтын ажиллагааны санамж бичиг үзэглэлээ. 🤝

Хамтын ажиллагааны хүрээнд хийгдсэн анхны ажил бол хяналтын улсын байцаагч нарт зориулсан “Лабораторийн шинжилгээний оновчлол ба Био аюулгүй ажиллагаа” сэдэвт сургалт байлаа.

🔍 Сургалтын гол агуулга:

Лабораторийн шинжилгээний оновчлол: ISO/IEC 17025 стандартын хүрээнд шинжилгээний үзүүлэлтийг оновчтой сонгох, сорьц болон дээж авах үйл явцыг нэгдсэн арга барилд оруулах;

Био аюулгүй ажиллагаа: Био аюулгүй байдлын 2 болон түүнээс дээш зэрэглэлийн халдвартай голомтод ажиллах үеийн хамгаалалт, дээж авах техникийн шаардлага;

Тандалт судалгаа: Япон улсын Осака мужид 10 жилийн турш хийгдсэн Норовирусийн тархалтын динамик, насны бүлгүүдийн халдварлах онцлог судалгааны үр дүнг хэлэлцэв.

🔬 Бидний хамтын ажиллагаа нь нийтийн эрүүл мэндийг хамгаалах үйлсэд лабораторийн шинжлэх ухаан, хяналт шалгалтын үйл ажиллагааг нэгтгэж, эрсдэлээс урьдчилан сэргийлэх чадамжийг дээшлүүлэх зорилготой юм.

“Микро ворлд” — Иргэн бүрийн эрүүл мэндийн төлөө хамтдаа 🧪

🍀“Микро Ворлд” ХХК-ийн дэргэдэх Микробиологийн холбоо анхны нөлөөллийн ажлаа Олон улсын Ойн өдөрт зориулсан “Ойг танин мэдэхүй” өдөрлөгт амжилттай оролцож эхлүүллээ. #
🍀Энэхүү арга хэмжээ нь зөвхөн тэмдэглэлт өдрийг өнгөрүүлэх бус, өнөөгийн нийгэмд тулгамдаад байгаа байгалийн шинжлэх ухааны мэргэжилтний хомсдолыг шийдвэрлэх, ирээдүйн боловсон хүчнийг бэлтгэхэд чиглэсэн нийгмийн хариуцлагын томоохон алхам юм.
🍀Онцлох үйл явдлууд:
• Мэргэжил таниулах: “Бадамлянхуа” хүүхдийн төвийн өсвөр үеийнхэнд микробиологич мэргэжлийн үнэ цэнэ, дэлхий ертөнцийг аврахад гүйцэтгэх үүргийг бодит туршилтаар таниулав.
• Хамтын ажиллагааны шинэ түвшин: Үндэсний төв номын сан болон Хүлэмжийн шийдэл ТББ, Оюуны хөгжлийн институт ТББ-тай цаашид олон талт сургалт, судалгааны ажлуудыг тогтмол зохион байгуулахаар нягт хамтын ажиллагааны суурийг тавьлаа.
• Шинжлэх ухаанч хандлага: “Ойн цэвэрлэгч” бичил биетний нууцлаг ертөнцөөр аялуулж, хүүхэд багачуудад экологийн боловсролыг сонирхолтой аргаар олгосон юм.
💚 “Эх дэлхийгээ хайрлах ухаан хамгийн жижиг хэсгээс буюу бичил биетнээс эхэлдэг.”
💚Микробиологичдын холбоо нь цаашид ерөнхий зохион байгуулагч байгууллагуудтайгаа хамтран, мэргэжлийн боловсон хүчнийг дэмжих, нийгэмд шинжлэх ухаанч соёлыг түгээх олон төсөл хөтөлбөрийг хэрэгжүүлэх болно.

scienceeducation