Gegeelegcom Gegeelegcom

Хэрээ сонин шувуу. Магадгүй хамгийн ухаантай бас учир битүүлэг шувуу.
Хэрээ хэдий хар ч бурханы шувуу
Хөхөө хэдий уяхан дуутай ч чөтгөрийн шувуу гэж эмээ минь хэлдэгсэн.
Гэрийн гадаа хэрээ гуагалвал “хурай, хурай, есөн цагаан өндөг гаргаарай” хэмээн ерөөх нь бий. Хэрээ зүс нь хар ч зүрх нь цагаан хэмээн хөгшчүүл ярьдагсан.
Хэрээ гэр бүлийн хувьд бусад шувууг бодвол илүү бат бөх харилцаатай, нэг хостойгоо бүхий л насаараа хамт байдаг, нэгнийгээ үхэж үрэгдсэний дараа үлдсэн хугацаандаа ганцаараа амьдардаг.
Сайн муу хүнийг хараад мэднэ, нэг харсан хүнээ хэзээ ч мартахгүй. Өөрт нь муу зүйл хийсэн хүнийг хүний нүд хүрэхгүй газраас таньж, зугтах төдийгүй бусаддаа ч анхааруулна. Бусад шувуу амьтад хэрээний гуаглахыг сонсож мөн хөдөлгөөнөө зохицуулна. Анчид буугаа доош нь харуулж үүрдэг нь бас учиртай. Учир нь хэрээ бууг өргөнөөсөө нарийссан хэлбэртэй буюу гозгор мод мэт дээшээ үзүүртэй байгаагаар нь таньж гуаглавал тэр өдрийн аз хийморь анчинг дайрахгүй гэдэг. Учир нь хэрээ бууг таниад бүгдэд зарласан гэж ойлгож болно.
Хэрээ эзэмшил нутагтаа байж байгаль эх дэлхийгээ элдэв сэг зэм, үхэж хатсан амьтны үлдэгдлийг цэвэрлэн, халдвар нян тарахаас сэргийлдэг байгалийн ариун цэвэр сахиулагч.
Өтөлж хөгширсөн нэгэндээ хоол хүнс зөөж асарч тойлдог шувуу. Бас нэг сонирхолтой зүйл бол хэрээ үхэж үрэгдсэн нэгнийгээ оршуулдаг. Тиймдээ ч энд тэнд үхсэн хэрээний сэг зэм харагддаггүй...

Залуус сонголтоо хийж бна. Баяр хүргэе!