Utga.mn

📡 ОРХОН АЙМГИЙН ХОЛБООНЫ ГАЗРЫН
👏 АХМАД ХОЛБООЧИН ХАС ОВОГТ БОЛДЫН ОЮУНЦЭЦЭГ

👩‍💼 Болдын Оюунцэцэг нь 1956 онд Сэлэнгэ аймгийн Зүүнхараа хотод төрсөн. 🎓 1974–1979 онд Монгол Улсын Их Сургуулийн Холбооны инженерийн ангийг төгссөн. 📡 Тэрээр 1979 онд Орхон аймгийн Холбооны газар анх ашиглалтад ороход монтажчнаар ажлын гараагаа эхэлж, инженер, Үйлчилгээний албаны дарга зэрэг албан тушаалыг хашин, нийт 34 жилийн турш үр бүтээлтэй ажилласан.

🛠️ 1979 онд ЛАЗ, хагас автомат, цахилгаан мэдээний КПП-10, МРУ-60 зэрэг коммутаторын монтажийн ажлыг Зөвлөлтийн мэргэжилтнүүдтэй хамтран гүйцэтгэж, Эрдэнэт хотын холбооны салбарын суурийг тавилцсан. 💡 Ажиллах хугацаандаа 20 гаруй шинэ бүтээл, оновчтой санал (ШБОС) гаргаж, 89 дүрэм журам, технологийн карт, хэрэглэгчийн үйлчилгээний зөвлөмж, анхааруулгыг шинэчлэн боловсруулсан бөгөөд түүний боловсруулсан ЕМ-48 станцын билл тооцооны системийн сайжруулалт нь Монгол Улсын Оюуны өмчийн хорооноос 20 жилийн хугацаатай патентын гэрчилгээ авч, 18 аймгийн холбооны газарт хэрэгжсэн бөгөөд өнөөгийн тоон технологийн төлбөр тооцооны системийн эхлэл болсон юм.

🌐 Түүнчлэн аналоги системээс тоон системд шилжих үйл явц, билл тооцооны шинэ систем, электрон сүлжээ NGN-CDMA, тарифын шинэчлэл, ADSL интернэт, багц үйлчилгээ зэрэг шинэ технологи, үйлчилгээг орон нутагт амжилттай нэвтрүүлэхэд удирдлага, хамт олонтойгоо хамтран оновчтой шийдвэр гаргаж, манлайлан ажиллаж Орхон аймгийн Холбооны газар Монгол Улсын холбооны байгууллагуудаас хамгийн анх "Тэрбумтан" холбооны газар болох түүхийг бичихэд үнэтэй хувь нэмэр оруулсан юм.

🏅 Тэрээр хөдөлмөр бүтээлээ төр, салбарын байгууллагаар өндрөөр үнэлүүлж:

🏆 1979 онд Орхон аймгийн Холбооны газрын "Аварга инженер"
🎖️ 1998 онд ДБХЯ-ны "Онц холбоочин" цол, тэмдэг
⭐ 1998 онд МЦХ ХК-ийн анхны "Үйлчилгээний тэргүүний ажилтан"
🏅 2005 онд Орхон аймгийн Засаг даргын "Хүндэт тэмдэг"
📡 2006 онд "Хүндэт холбоочин" цол
🤝 2006 онд "Залуу үеийг халамжлан хүмүүжүүлэгч" медаль
👑 2008 онд "Эрдэнэтийн лидер-50" эмэгтэй
⭐ 2010 онд "Алтан гадас" одон
🏅 2011 онд Монголын Ахмадын хорооны "Хүндэт тэмдэг"
🎖️ 2015 онд "Хөдөлмөрийн гавьяаны улаан тугийн одон"-гоор тус тус шагнагдсан.

🤝 Өндөр насны тэтгэвэрт гарсан хэдий ч үе үеийн холбоочдыг нэгтгэн Ахмадын зөвлөлийн тэргүүлэгчээр идэвхтэй ажиллаж байна.

🌟 Монгол Улсын харилцаа холбоо, мэдээллийн технологийн салбарыг хөгжүүлэх, холбооны салбарын хөгжилд оруулсан үнэтэй хувь нэмрийг нь өндрөөр үнэлж, Эрдэнэт хотын түүхт 50 жилийн ойн босгон дээр Монголын Цахилгаан холбоо ХК-ийн анхны эмэгтэй Монгол Улсын Гавьяат холбоочин цолоор шагнагдсан ахмад, хүндэт холбоочин Болдын Оюунцэцэг Танд нийт холбоочдынхоо өмнөөс халуун баяр хүргэж, 💐 эрүүл энх, аз жаргал, сайн сайхан бүхнийг хүсэн ерөөе.

ИРГЭДИЙН АНХААРАЛД

АРХАНГАЙ АЙМАГ: 2026 оны 07 дугаар сарын 03-ны 19 цаг 10 минутын орчимд Архангай аймгийн Өлзийт сумын төвөөс баруун өмнө зүгт Бодонт багийн Дөрөлж гэх газар усархаг аадар бороо, мөндөр орж нөөлөг салхи салхилж, 5 айлын гэр салхинд нурж, хэд хэдэн машины шил, толь хагарсан байна

Аялал, амралт зугаалгаар явахаар төлөвлөж байгаа бол гэнэтийн дуу цахилгаантай аадар бороо, үер ус, нөөлөг салхи, мөндөр, аянга цахилгааны аюулаас сэрэмжтэй байхыг анхааруулж байна

Эх сурвалж:Архангай аймгийн Цаг уурын байгууллага