Erdmeat LLC

Үхрийн мах 40 мянгад хүрлээ гэж ярихаасаа өмнө ялгаж ойлгох нэг зүйл бий
Сүүлийн үед “үхрийн мах 40 мянгад хүрчихлээ” гэсэн яриа их сонсогдох боллоо. Гэхдээ ихэнхдээ энд яригдаж байгаа үнэ нь үхрийн гуяны цул махны үнэ байдаг.
Харин үхрийн гулууз ястай махан дотроос гуяны хэсэг нь үндсэн гулуузны үнээс ихэвчлэн 2,000–3,000 төгрөгөөр өндөр байдаг.
Энд ойлгох хамгийн чухал зүйл нь:
Ястай мах, цул мах хоёр ижил бүтээгдэхүүн биш. Үхрийн ястай махыг шулж, цэвэрлэж, ангилахад дунджаар 75 орчим хувийн гарцтай цул мах гардаг. Өөрөөр хэлбэл, 1 кг ястай махнаас 1 кг цул мах шууд гарна гэсэн үг биш. Тодорхой хэмжээний яс, илүүдэл өөх, шөрмөс, цэвэрлэгээний хаягдал гардаг.
Тиймээс та 35,000 төгрөгөөр 1 кг үхрийн гуяны цул мах авч байна гэдэг нь үнэн хэрэгтээ ойролцоогоор 26,000 төгрөгийн үнэтэй ястай гуянаас шулж, ангилж, цэвэрлэж бэлтгэсэн бүтээгдэхүүн авч байна гэсэн үг.
Ийм учраас цул махны үнийг ястай махтай шууд харьцуулаад “хэт үнэтэй байна” гэж дүгнэх нь нэг талын ойлголт болдог.
Үхрийн гуяны цул мах бол олон төрлийн хоолонд тохиромжтой, хэрэглэхэд эвтэйхэн, хаягдал багатай сайн сонголт. Гэхдээ зөвхөн гуя гэлтгүй үхрийн бусад олон хэсгээс ч амт чанартай, сайхан хоол хийх бүрэн боломжтой. Махны хэсэг бүр өөрийн гэсэн онцлог хэрэглээтэй байдаг.
Хамгийн гол нь махны үнэ, гарц, хэрэглээний талаар буруу эсвэл дутуу мэдээлэл түгэхээр худалдагч, худалдан авагч хоёрын хооронд үл ойлголцол, маргаан үүсэх нь элбэг.
Тиймээс махыг зөвхөн “кг-ын үнэ”-ээр нь бус, ямар хэсэг вэ, ястай юу, цул уу, гарц нь хэд вэ, ямар боловсруулалт орсон бэ гэдгээр нь хамт ойлгож сонголтоо хийх нь илүү зөв юм.

📦 Агуулах цэгцэлж, үлдэгдэл бараагаа танилцуулж байна.
Одоогоор дараах бараанууд бэлэн байна 👇

🐎 Адууны умс – 1 кг = 3,500₮ (үлдэгдэл ~6 тонн) (Адууны чив, шөрмөс жоохон жоохон байгаа)
🐄 Үхрийн шийр – үлдэгдэл~2,000 ширхэг
• Үстэй шийр – 2,000₮
• Хуйхласан шийр – 6,000₮
🐑 Хуйхласан толгой – 1ш = 7,000₮ (үлдэгдэл ~3,000ш)
👉 Үстэй толгой бараг дуусч байна
🐑 Хонины сархинаг – 1ш = 1,000₮ (үлдэгдэл ~2,000ш)
👉 Сархинагны ач тусыг мэдэх байх 😉
🐄 Үхрийн машиндсан дотор таташ – 1 кг = 4,000₮
Үлдэгдэл: 3,000 кг
🐑 Хонины дотор махан таташ – 1 кг = 3,500₮
Үлдэгдэл: 2,000 кг

📦 Агуулах чөлөөлж байгаа тул
👉 үлдэгдэл хурдан дуусах хандлагатай
📞 Лавлах утас: 94316328
мөн чатаар бичиж мэдээлэл аваарай.

Мах хэд вэ? гэж асуухаасаа өмнө аль мах гэдгээ тодорхой хэлээрэй
Монголчууд бид заримдаа буруу ярьж зөв ойлголцдог байсан байх. Харин одоо бол буруу асуувал буруу л хариулт авна.
Бидний хувьд “Мах хэд вэ?” гэдэг асуултанд шууд үнэ хэлэхэд хэцүү байдаг. Учир нь мах гэдэг чинь:
Адуу, Үхэр, Хонь, Ямаа цаашлаад Гахай, Тахиа
гээд эхлээд төрлөөрөө ялгаатай. Дээрээс нь:
ястай мах уу? ясгүй мах уу? хаа юу? гуя юу? цул мах уу? ястай жижиглэсэн мах уу? гэдгээ тодорхой хэлэх хэрэгтэй.
Жишээ нь:
“Үхрийн мах хэд вэ?” гэж асуучихаад дараа нь “Тэгвэл гуяны цул мах авъя” гэвэл энэ хоёр чинь өөр ангилал, өөр үнэ шүү дээ.
Тиймээс махны үнэ асуухдаа:
“Үхрийн ястай мах хэд вэ?”
“Үхрийн гуяны цул хэд вэ?”
“Үхрийн жижиглэсэн ястай мах хэд?” гэж тодорхой асуугаарай.
Ингэвэл илүү зөв ойлголцоно, илүү зөв үнэ авна.

Холбогдох утас: 94316328
Байршил: Говил баг, үйлдвэрийн байр

Агуулах чөлөөлөх хямдралтай худалдаа Өнөөдөр 20,000 ширхэг толгой Улаанбаатар хот руу борлуулагдчлаа ... одоо агуулахад хуйхалж бэлтгэсэн 11,000 ширхэг толгой үлдээд байна.

Үнэ:
Хонины хуйхалсан толгой – 7000₮

Хуйхалж, чанаж болгосон нэг толгойноос дунджаар 500–600 гр орчим мах болон хүнсэнд ашиглах хэсэг гардаг тул махны үнэ өндөр байгаа энэ үед өрхийн хэрэглээнд хэрэгтэй, хэмнэлттэй хүнс болох боломжтой.

Дундговиос ирсэн нойтон хонины гулууз 1кг=20300 төгрөг. 20-40кг жинтэй байна.
Утас: 94316328

Манай байгууллагаас гарч буй малын түүхий эдийг олон хэрэглэгч эцсийн бүтээгдэхүүн болгон боловсруулж, зах зээлд нийлүүлдэг.
Түүний нэг нь бидний мэдэх царцаамаг (стүжин) юм. Үхрийн шийрийг уламжлалт аргаар хуйхалж, сайтар цэвэрлэн, олон цаг чанаж, жижиглэн шөлтэй нь хамт царцааж бэлтгэдэг энэхүү бүтээгдэхүүн нь байгалийн коллаген, шим тэжээлээр баялаг билээ.
Бид энэхүү бүтээгдэхүүнийг цөөн тоогоор, чанарт анхааран үйлдвэрлэж байна.
👉 Манай царцаамгийг амсаж үзээд, сэтгэгдлээ хуваалцаарай.

Яагаад хуйхалсан толгой идэх ёстой вэ?
Хонины хуйхалсан толгой бол зүгээр нэг уламжлалт хоол биш.
Амт, шим тэжээл, ахуй соёл гурав нэг дор шингэсэн онцгой хүнс.
Яагаад гэвэл:
Толгой чанахад гардаг шөл нь гүн амттай, сэтгэлд хоногшсон монгол амтыг мэдрүүлдэг.
Зочин гийчин дайлах, гэр бүлийнхнээ дайлах, баяр ёслолын ширээнд тавихад утга учиртай.
Хэл, эрүү, чих, тархи гээд идэхэд сонирхолтой, ширээний яриа дагуулдаг.
Чанаж болгосон хуйхалсан толгой бол айлын тогоонд таарсан, тухтай мэдрэмжтэй хоол.
Өвлөж ирсэн хоол хүнсээ иднэ гэдэг зөвхөн ходоод дүүргэх биш, ахуй соёлоо үргэлжлүүлж байгаа хэрэг.
Цэвэр бэлтгэсэн хонины хуйхалсан толгой
уламжлалт амт, шимтэй зоог, гэр бүлийн ширээний сонголт.

Хонины хуйхалсан толгой гэдэг олон айлын ширээний дурсамжтай хоол доо.
Өвөө эмээ, аав ээжийн гал дээр чанаж байсан тэр амт одоо ч мартагддаггүй.
Өдөр тутмын хоолонд ч болно, зочин дайлгандаа ч болно, идээ шүүсээ арвижуулахад ч тохирно.
Бид хонины толгойг цэвэр, нямбай бэлтгэж хэрэглэгчдэдээ хүргэж байна.
**Монгол ахуй, монгол амт, монгол ширээний нэг хэсэг.**
#МонголАмт #ХониныХуйхалсанТолгой #Эрдмийт #УламжлалтХүнс