Update.mn

Орхон аймгийн ИТХ-ын дарга асан Касены Даулетбай Монгол Улсын Гавьяат эдийн засагч цолоор шагнагдлаа

Тэрээр төрийн албанд нийт 38 жил, үүнээс 28 жилийг төрийн захиргаа болон нутгийн өөрөө удирдах байгууллагад тасралтгүй ажиллаж, эх орон, орон нутгийнхаа хөгжил дэвшилд үнэтэй хувь нэмэр оруулсан эрхэм юм.

Ажил хөдөлмөрийн гараагаа Эрдэнэт хотын Санхүүгийн хэлтэст эдийн засагчаар эхэлж, бүртгэлийн мэргэжилтэн, хяналт шалгалтын ахлах байцаагч, Санхүүгийн хэлтсийн дарга, Хотын Ардын Депутатын Хурлын Гүйцэтгэх Захиргааны санхүү, эдийн засаг, үйлдвэр эрхэлсэн дэд дарга, Орхон аймгийн Засаг дарга, Засаг даргын орлогч, аймгийн Иргэдийн Төлөөлөгчдийн Хурлын дарга зэрэг хариуцлагатай албыг нэр төртэй хашсан билээ.

Түүний олон жилийн хөдөлмөр, зүтгэл нь Монгол Улсын хууль тогтоомжийг орон нутагт хэрэгжүүлэх, төрийн сахилга, хариуцлагыг бэхжүүлэх, аймгийн нийгэм, эдийн засгийн хөгжлийг ахиулах, нутгийн удирдлагын тогтолцоог төлөвшүүлэхэд бодит хувь нэмэр оруулснаар үнэлэгдэж байна.

Касены Даулетбай нь мөн Эрдэнэт хотын Хүндэт иргэн бөгөөд энэхүү төрийн дээд шагнал нь түүний олон арван жилийн хөдөлмөр, зүтгэлийн бодит үнэлгээ болж байна.

Монгол Улсын Гавьяат эдийн засагч цол хүртсэн эрхэм Касены Даулетбай танд халуун баяр хүргэж, эрүүл энх, аз жаргал, сайн сайхан бүхнийг хүсэн ерөөе. 👏

Эрдэнэт 50 жил | Хандивлагчдаа алдаршуулья

Эрдэнэт хотын түүхт 50 жилийн ойг угтан
ЕБ-ын 4 дүгээр сургуулийн гадна талын спорт талбайг 100 сая төгрөгийн хандиваар иж бүрэн тохижуулж, албан ёсоор хүлээлгэн өглөө.

Энэхүү бүтээн байгуулалт нь үе үеийн төгсөгчид, Эрдэнэт нутгийн зөвлөл болон хандивлагчдын хамтын санаачилга, сэтгэл зүтгэлийн үр дүн бөгөөд хүүхэд, залуусын эрүүл чийрэг өсөж хөгжих, спортоор хичээллэх орчныг сайжруулахад чиглэсэн чухал хөрөнгө оруулалт боллоо.

Нээлтийн үеэр хандивлагч Эрдэнэт нутгийн зөвлөл болон бүтээн байгуулалтыг дэмжин оролцсон бүх байгууллага, иргэдэд талархал илэрхийлж, хамтын сэтгэлээр бүтсэн энэхүү ажил нь Эрдэнэт хотын 50 жилийн ойд зориулсан үнэ цэнтэй бэлэг болсныг онцоллоо.

Өнөөдрийн энэ талбайгаас ирээдүйн аваргуудын анхны алхам тавигдаж, шинэ мөрөөдөл, шинэ амжилтын түүхүүд эхлэх болтугай хэмээн арга хэмжээнд оролцогчид ерөөсөн юм.