Consumer Electronics News

ဒီနေ့ Myanmar Phone Market အကြောင်းပြောကြမယ်

ဈေးကွက်ကို ကြည့်လိုက်တော့… သိပ်ပြီး ဟိုးအရင်တုန်းက ပုံစံမဟုတ်တော့ဘူးနော်။

အရင်တုန်းက high-end ဖုန်းတွေပဲ ရှာကြတယ်။ အခုတော့ “စျေးကြီးတဲ့ဖုန်း မလိုတော့ဘူး တန်တယ် သုံးရတာအဆင်ပြေတယ်ဆိုရင် ရပြီ” ဆိုတဲ့ အတွေးများလာတယ်။

အဲဒီတော့ လက်ရှိ ပြေးနေတဲ့ ဖုန်းတွေက ၆ သိန်းကနေ ၁၂ သိန်းကြား (ဒေါ်လာ ၂၀၀–၄၀၀) ဝန်းကျင်တွေပဲ။

ဘယ် brand တွေလဲဆိုတော့ — Xiaomi က spec ကောင်းပြီး ဈေးလည်းတန်တော့ လူကြိုက်များတယ်။ iPhone ကလည်း တစ်လက်သုံး တွေကို ဝယ်တဲ့သူ မနည်းဘူး။ Samsung, Oppo, Vivo တို့ကလည်း mid-range မှာ အကုန်ပြိုင်နေကြတယ်။

အတိုချုပ်ဆိုရရင် budget နဲ့ performance ညီမှ ခေတ်စားတယ်ပေါ့။

လူတွေ ဖုန်းဝယ်တဲ့အခါ ဘာကို အဓိကထားလဲဆိုတော့… မေးကြည့်လိုက်ရင် အကုန်လုံးနီးပါး အဖြေတူတူပဲ။

ပထမ camera ကောင်းရမယ်။ ဒုတိယ battery ခံရမယ်။ ပြီးရင် screen 120Hz ဆိုရင် ပိုကြိုက်တယ်။ ဘာလို့လဲဆိုတော့ လူတွေ Facebook, TikTok, game သုံးတာ များလာတာကိုး။

ဈေးကွက်အခြေအနေကလည်း ပြိုင်ဆိုင်မှု ပြင်းတယ်။ ဆိုင်တွေချင်း price competition ကြီးတယ်။ အွန်လိုင်းရောင်းတဲ့သူတွေကလည်း Facebook, Telegram ပေါ်မှာ ဈေးချိုချိုနဲ့ ပို့မြန်မြန် လုပ်နေကြတယ်။ တစ်ခါတစ်လေ import မတည်ငြိမ်လို့ ဈေးအနည်းငယ်တက်တာလည်း ရှိတယ်။

နောက်လာမယ့် trend ကိုကြည့်ရင် 5G ဖုန်းတွေ တဖြည်းဖြည်း ဝင်လာမယ်။ AI camera, AI feature တွေ hype ဖြစ်လာမယ်။ China brand တွေကလည်း ဆက်ဦးဆောင်သွားမယ် ထင်တယ်။

အတိုချုံးပြောရရင် — မြန်မာဖုန်းဈေးကွက်က “တန်မှ ဝယ်” ဆိုတာ ခိုင်မာနေတယ်။ Xiaomi လို brand တွေ ဦးနေပြီး used iPhone ကလည်း မကျသေးဘူး။

အခု ဘယ်လိုဖုန်းမျိုး သုံးနေလဲ။ အောက်မှာ comment လုပ်သွားခဲ့နော်