BurmeseHearts.com
Share
24/12/2022
Burma Act အရှိန်အဝါ
ဗီတိုနဲ့ ပယ်ချနေကျ နိုင်ငံတွေ ကြားနေဖြစ်သွားတာ အတည်မပြုခင်ကတည်းက တပ်လှန့်တဲ့အရှိန်အဝါ
သေငယ်ဇောနဲ့ လိုက်ညှိဖို့ကြိုးစားနေတဲ့ ဘေးကပ်လျက်က အာဏာရှင်အိမ်နီးချင်းနိုင်ငံ
(ဒီတပွဲဒို့နိုင်ရင် သူတို့နိုင်ငံသားတွေ ပုန်ကန်ထကြွလာကြမှာ မျက်ခုံးလှုပ်နေလို့ မအလကို တဆင့်လျှော့ဖို့ လေပြည်ထိုးနေတာ။ တကယ်က တို့ပြည်သူတွေက မအလအဖွဲ့ကို ခရေတဆုံးထိုးပြီး ဖြုတ်ချမြေလှန်ဖို့ သေချာခိုင်မာနေတာ ဒင်းတို့မသိရှာဘူး။ သနား ..... တယ်။)
မလှုပ်၊ မရှုပ်၊ မပြုတ် ထုံပေပေ အာဆံအဖွဲ့တောင် မအလရဲ့ မီးရှို့၊ ဗုံးကြဲ ၊ ရှေးရိုးစွဲလုပ်ရပ်တွေကြောင့် ငါတို့ရှူးပတ်မခံဘူးဆိုပြီး တဖြည်းဖြည်းတိုးလို့ သောက်ဖက်မလုပ်တော့တာလည်း Burma Act အသက်မဝင်လာခင်ကတည်းက အနံ့ခံ system တွေကြောင့်
Burma Act က ဘာရမလဲ အလွယ်ကူဆုံး အများနားလည်အောင် ပြောရရင်....
အိမ်ကို ဓါးပြဝင်တိုက်ရုံနဲ့အားမရ အိမ်ရှင်ကို မဟုတ်မမှန်စွပ်စွဲချုပ်နှောင်ထားပြီး အိမ်သားတွေကို ညှဥ်းဆဲ လုယက် မောင်ပိုင်စီးပြီး ကိုယ်ယူလို့မရရင်မီးရှို့ဖျက်စီး ကလေးလူကြီးမရွေး သတ်ဖြတ်ညှဥ်းဆဲ လုပ်နေတာကို မကြည့်နေနိုင်တော့တဲ့အဆုံး ဒီအိမ်ပြန်ဝင်စီးတာထက် ဒီအိမ်ကလွတ်လာတဲ့သူတွေကို ပြန်ဝင်စီးနိုင်တဲ့ အရည်အချင်းရှိဖို့ လေ့ကျင့်သင်ကြားပေးမယ်၊ လက်နက်တော့မကူဘူးနော်။ လက်နက်ဘယ်လိုလုပ်ရတယ်ဆိုတာတော့ Survival mood နဲ့ နည်းပညာတွေပေးမယ်။ ဒီအိမ်သားတွေထဲက ဒဏ်ရာရသူတွေ၊ အားပြတ်နေသူတွေ၊ ပညာသင်အရွယ်အတွက် ဆေး၊ အစာ၊ ပညာတွေကို လူသားချင်းစာနာမှုခေါင်းစဥ်အောက်ကနေပေးရင်း...မင်းတို့က ကိုယ့်အိမ်ကိုယ်ပြန်အုပ်စီးနိုင်ဖို့ ငါတို့က လိုအပ်တာတွေ ဒီလိုထောက်ပံ့မယ်ပေါ့။
ဓါးပြရှေ့က ဟိုပြော၊ဒီပြော ကာစီးပေးနေတဲ့ ဓါးပြအနွယ်ဝင်ဘေးအိမ်တွေကိုလည်း ဦးဘဒင်နဲ့ အပေါင်းအပါအင်အားကြီးအုပ်စုတွေက ဥပဒေနဲ့ကော၊ အလွတ်ရော ရပ်တည်ပြလိုက်တာပါ။
(ဗီတိုတွေ ဆက်မရှုပ်ရဲဖို့ ရှေး ခြောက်လအလွန်ကတည်းက ချော့လိုက်၊ မာန်လိုက်နဲ့ ငါတို့တော့ ဆက်မကြည့်နေနိုင်တော့ဘူး ဆွဲတော့မှာလို့ သတိပေးရင်း မင်းတို့လက်ရှောင်နေလို့ ဝိုင်းဟန့်နေခဲ့တာ အခုအရာပေါ်လာပြီ။)
Burma Act က တဖက် ၊ လုံခြုံရေးကောင်စီကတဖက်၊ အာဆံကတဖက် ၊ NUG ကတဖက်၊ တပ်လုံးပြုတ် ပြည်တွင်းစစ်ကတဖက်၊ အကြွေးပိလို့ဒေါ်လာပြတ်နေတဲ့အခြေအနေကတဖက်၊ လုံးဝအုပ်ချုပ်ခွင့်မရစေရဆိုတဲ့ ပြည်သူတွေကတဖက်၊ တနိုင်ငံလုံး ဘယ်သူက PDF မှန်းမသိနိုင်တော့တဲ့ ပြောက်ကျား PDF ရန်ကတဖက်၊ ရွေးကောက်ပွဲနဲ့ ပွဲဆက်ကမယ်ဖန်ထားပေမယ့် အဲဒီရွေးကောက်ပွဲကန့်သတ်ရက်ကိုတောင် အစီအစဥ်မချပြနိုင်လောက်အောင် အရူးမီးဝိုင်းနေတော့ကာ....
အားလုံးအားနဲ့ နောက်ဆုံးပွဲနွှဲဖို့ရာ....
များများကလစ်မယ်။ ပုံအောလှူကြမယ်။ ဒီအချီကြီးဆိုတာ နောက်ဆုံးပါပဲ။ စကစအဖွဲ့တွေ ဆွေးစဥ်မျိုးဆက် မျက်နှာငယ်စေသတည်း.....
24/10/2022
ပညာမတတ်ခဲ့တော့ လုပ်ချင်တာပဲသိတယ်။ နောက်ဆက်တွဲ ဘာတွေဖြစ်လာမလဲ မျှော်မြင်နိုင်စွမ်းမရှိတဲ့ လက်နက်အားကိုး လူမိုက်သူခိုးအဖွဲ့ကြီးဆိုတော့ သူတို့သေတွင်း သူတို့ကိုယ်တိုင်တူးနေမှန်းကို မသိနိုင်တာရယ်။
အခုလိုမျိုးအမှားတွေ ဆက်တိုက် မဆင်မခြင်လုပ်လေ ကိုယ်တွေရဲ့အောင်ပွဲနီးလာလေ။
နိုင်ငံအတွက် အသက်၊ သွေး၊ ချွေး ၊ ပိုင်ဆိုင်မှုစည်းစိမ်၊ ငွေ၊ ဘဝတွေ၊ လွတ်လပ်မှုတွေ ပေးလှူထားခဲ့ရတဲ့၊ ပေးလှူထားတဲ့ ပြည်သူ့ဘက်တော်သားတွေကို လေးစားပါတယ်။ အမြဲရင်ထဲမှာ မှတ်တမ်းတင်ထားပါတယ်။
တိုင်းပြည်လွတ်လပ်ရေးအတွက် မြေသြဇာဖြစ်ခဲ့ရတဲ့ အပြစ်မဲ့ ပြည်သူတွေအတွက် အောင်ပွဲက နီးသထက်နီးလာပါပြီ။
အမြန်အောင်ပွဲရဖို့ လှူကြမယ်၊ ကူကြမယ်၊ ကလစ်ကြမယ်နော်။
25/07/2022
ဒီမီး ထိန်းမရမယ့်အတူတူဆိုပြီး ဓါတ်ဆီတွေ ပုံးလိုက် ပစ်လောင်းပြီး ပြေးလွတ်မယ်လို့ ထင်နေရင်... ထင်သူသာအမှား။
ဝဋ်ဆိုတာကို မစောင့်နိုင်တော့တဲ့ တို့ပြည်သူတွေက နှောင်ကြိုးမှအပါး ဆုံးရှုံးရန်မရှိမို့ ....
ဆီလောင်းသောလက်ပိုင်ရှင်နဲ့ စီစဥ်သူအပေါင်း၊ နောက်ကွယ် ၊ နောက်လိုက်အပေါင်း ဒီမီးကြောင့်ပဲ စိတ်ရောကိုယ်ပါ လောင်မြိုက်စေ့မယ်။
ပေးဆပ်ခဲ့သော ၊ ပေးဆပ်နေသော ပြည်သူ့အာဇာနည်များအား ထာဝရဦးညွတ်လျက် ......
07/02/2022
စစ်သံသရာဝဲအပြီးသတ်လို့ အောင်ပဲြအပီနွှဲ
စစ်အာဏာရှင်လက်အောက် ဘဝတွေကခါးတယ်
မတရားမှုတွေအောက် အနာဂါတ်တွေပျောက်
မနက်ဖန်တွေအသာထား ဒီညမသေရင် အတော်ကံကောင်းပြီလို့မှတ်။
ငါ့ဘဝဆိုးလှချည်ရဲ့မတွေးနဲ့
တနိုင်ငံလုံး မီးကျီအုံး
တဖြုတ်ဖြုတ်နဲ့ ကြယ်တွေကြွေ
ငိုမနေအားဘူး တယောက်ကျရင်ဆယ်ယောက်ထ
ဒီအာဏာရူးကိုဖြုတ်ချမှ
တို့အနာဂါတ် တို့ပြန်ထုဆစ်ခွင့်ရမယ်။
ကြည့်စမ်းပါကွာ ....
အမှန်တရားတွေက တောထဲမှာ
အနာဂါတ်တွေက တောထဲမှာ
ပညာတတ်တွေက တောထဲမှာ
သူယုတ်မာတွေ ကောင်းစားတဲ့ခေတ်ထဲ
ကောင်းစားချင်တဲ့မင်းက ဘာလဲ?
ဒီတပွဲအပြီးနွှဲကြစို့။
ခေတ်ဆိုးကြီးကို ဖြတ်ချမယ်။
အာဏာရူးတွေကို ဝိုင်းဘေမယ်။
နိုင်ငံတော္သစ်တည်ဆောက်မယ်။
အာဆီ ဖာစီ နိုင်ငံတွေအလယ်
တခုတည်းသော ဒီမိုကရေစီအစစ်နဲ့နိုင်ငံသစ်
ပြည်သူတွေကိုယ်တိုင် ကိုယ့်လွတ်လပ်မှု ကိုယ်တိုက်ယူတဲ့ပွဲ
ရာဇဝင်တွင်တဲ့ပွဲ
တို့အနာဂါတ်အတွက်၊ တို့မျိုးဆက်အတွက်
အပြီးသတ်နွှဲရမယ့်ပွဲ။
စိတ်ဓါတ်အားနဲ့ နိုင်ကိုနိုင်မယ့်ပွဲ။
Click here to claim your Sponsored Listing.
