Myanmar Sense Focus

စုံ/မစံနစ်ကတော့မဖျက်လောက်ဘူးထင်တယ်...660cc/1000ccတွေက1.3/1.5/2.0တွေနဲ့Quotaအတူတူဆိုတော့ 660ccတွေရှယ်ပေါ့။

■စက်သုံးဆီကို ယာဥ်စက်စွမ်းအားပေါ်မူတည်ပြီး တပတ်တကြိမ်ဖြစ်စေ၊ အများဆုံးနှစ်ကြိမ်ခွဲ၍ဖြစ်စေ ဝယ်ယူနိုင်မည့် အစီအစဥ်ကိုပြောင်းလဲသတ်မှတ်မည်

စက်သုံးဆီကို ယာဥ်စက်စွမ်းအားပေါ်မူတည်ပြီး တပတ်တကြိမ်ဖြစ်စေ၊ အများဆုံးနှစ်ကြိမ်ခွဲ၍ဖြစ်စေ ဝယ်ယူနိုင်မည့် အစီအစဥ်ကိုပြောင်းလဲသတ်မှတ်မည်ဟု စွမ်းအင်ဝန်ကြီးဌာနမှ သိရသည်။

စက်သုံးဆီ ဝယ်ယူရာတွင် ပိုမိုအဆင်ပြေစေရန် ယာဉ်၏စက်စွမ်းအားပေါ်မူတည်ပြီး တပတ်အတွင်း ဝယ်ယူခွင့်ရှိသည့်ပမာဏကို သတ်မှတ်ပြီး တပတ်အတွင်းတစ်ကြိမ်တည်းဖြစ်စေ၊ အများဆုံးနှစ်ကြိမ် ခွဲ၍ဖြစ်စေ ဝယ်ယူနိုင်မည့်စနစ်ကို Bar code နှင့် QR စနစ်အတွင်း ထည့်သွင်းပြီး လာမည့်ရက်သတ္တပတ်အတွင်း စတင်ဆောင်ရွက်မည်ဟု သိရသည်။

နိုင်ငံတော်အနေဖြင့် စက်သုံးဆီဖူလုံမှု ရက် ၅၀ စာ သိုလှောင်ထားရှိပြီး ပုံမှန်တင်သွင်းနေသည့်လမ်း ကြောင်းများအပြင် အခြားလမ်းကြောင်းများကိုလည်း ချိတ်ဆက်ဆောင်ရွက်ထားကြောင်း၊ ပြည်သူများ စိုးရိမ်ကြောင့်ကြပြီးဝယ်ယူခြင်း မပြုလုပ် ကြရန်နှင့် စက်သုံးဆီ ရောင်းချခြင်း မမှန်မကန် တွေ့ရှိပါက သက်ဆိုင်ရာသို့ ဖုန်းများဖြင့် တိကျစွာ တိုင်ကြားမှု ပြုလုပ်ခြင်းတို့ ဆောင်ရွက်ပေးကြရန် စွမ်းအင်ဝန်ကြီးဌာနက ထုတ်ပြန်သည်။

တိကျစွာတိုင်ကြားလာသည့် ဖြစ်စဉ်များကို သက် ဆိုင်ရာအရောင်းဆိုင်များသို့ သွားရောက်စစ်ဆေးကာ ရောင်းချခွင့်လိုင်စင် ပိတ်သိမ်းခဲ့သည်ဟု ဝန်ကြီးဌာနက ထုတ်ပြန်သည်။

မတ် ၁၂ ရက်တွင် မော်တော်ယာဉ်များအတွက် Bar Code အား Scan ဖတ်ခြင်း၊ ဆိုင်ကယ်များအတွက် QR Code ထုတ်ပေးခြင်း စနစ်ကို စတင်အကောင်အထည်ဖော် ဆောင်ရွက်ခဲ့ပြီး တွေ့ကြုံရသည့် အခက်အခဲများအပေါ်တွင် သက်ဆိုင်ရာဌာနများနှင့် ညှိနှိုင်းဖြေရှင်း ဆောင်ရွက်ပေးနေသကဲ့သို့ ပြည်သူလူထုအနေဖြင့် နားလည်မှုရှိစွာ ပူးပေါင်းဆောင်ရွက်ခဲ့သည်ကိုလည်း တွေ့ရှိရသည်ဟု ဝန်ကြီးဌာနက ထုတ်ပြန်သည်။

အရှေ့အလယ်ပိုင်းဒေသတွင် ဖြစ်ပေါ်လျက်ရှိသည့် စစ်ရေးပဋိပက္ခကြောင့် မိမိတို့နိုင်ငံအတွင်း စက်သုံးဆီသုံးစွဲမှု အခက်အခဲမဖြစ်ပေါ်စေရေး စွမ်းအင်ဝန်ကြီးဌာနအနေဖြင့် စောင့်ကြည့်ကြပ်မတ်၊ ထိန်းကျောင်းမှုများ ဆောင်ရွက်လျက်ရှိသည်ဟု သိရသည်။

■Read more >>>>>https://news-eleven.com/article/310667
■ Eleven Website: https://news-eleven.com

စက်သုံးဆီကို ယာဉ်စက်စွမ်းအားပေါ်မူတည်ပြီး တပတ်တကြိမ်ဖြစ်စေ၊ အများဆုံးနှစ်ကြိမ်ခွဲ၍ဖြစ စက်သုံးဆီကို ယာဉ်စက်စွမ်းအားပေါ်မူတည်ပြီး တပတ်တကြိမ်ဖြစ်စေ၊ အများဆုံးနှစ်ကြိမ်ခွဲ၍ဖြစ်စေ ပြောင်းလဲသတ်မ.....