Success Management Institute

သိရုံပဲ သိတာလား? တကယ်ရော သုံးတတ်ရဲ့လား? 🤔

​သင်တန်းတွေ အများကြီးတက်တယ်၊ Methodology တွေ (ဥပမာ - PDCA, Agile, Design Thinking စတာတွေ) အကြောင်း စာတွေအများကြီး ဖတ်ထားပေမယ့်... တကယ်တမ်း အလုပ်ထဲမှာ အသုံးမချဖြစ်တဲ့အခါ ဘာတွေကွာခြားသွားသလဲဆိုတာ သိပါသလား။

​ဒီနေ့မှာတော့ "သိရုံပဲသိသူ" နဲ့ "လက်တွေ့အသုံးချသူ" ကြားက အဓိကကွာခြားချက် (၃) ချက်ကို မျှဝေပေးချင်ပါတယ်။

​၁။ ပြဿနာဖြေရှင်းပုံ (Problem Solving)

​သိရုံပဲသိသူ: ပြဿနာတစ်ခုတက်လာရင် ဘယ်ကစရမှန်းမသိဘဲ ခံစားချက်နဲ့ ဆုံးဖြတ်တတ်ပါတယ်။ အလုပ်တွေက "မီးလိုက်ငြှိမ်းသတ်" နေရသလိုပဲ အမြဲဗျာများနေတတ်တယ်။

​လက်တွေ့သုံးသူ: စနစ်တစ်ခုကို အခြေခံပြီး ပြဿနာရဲ့ အရင်းအမြစ် (Root Cause) ကို ရှာပါတယ်။ အဖြေက ခိုင်မာတယ်၊ နောက်တစ်ခါ အမှားမထပ်အောင်ပါ ကာကွယ်နိုင်ပါတယ်။

​၂။ အလုပ်ပြီးမြောက်မှု (Work Efficiency)

​သိရုံပဲသိသူ: အလုပ်ကို ပင်ပင်ပန်းပန်း လုပ်ကြတယ် (Work Hard)။ ဒါပေမဲ့ အချိန်ကုန်သလောက် အလုပ်က မတွင်ကျယ်လှပါဘူး။

​လက်တွေ့သုံးသူ: Methodology ကိုသုံးပြီး မလိုအပ်တဲ့ အဆင့်တွေကို ဖြတ်ချတတ်တယ် (Work Smart)။ ဒါကြောင့် အချိန်တိုအတွင်းမှာ ပိုပြီး အရည်အသွေးရှိတဲ့ ရလဒ် ထွက်လာပါတယ်။

​၃။ ရေရှည်တန်ဖိုး (Career Growth)

​သိရုံပဲသိသူ: Skill တစ်ခုအပေါ်မှာပဲ ရပ်နေတတ်ပြီး ရာထူးတိုးလာလေလေ၊ စီမံခန့်ခွဲရခက်လေလေ ဖြစ်လာတတ်ပါတယ်။

​လက်တွေ့သုံးသူ: စနစ်တကျ လုပ်တတ်တဲ့ အကျင့်ကြောင့် အဖွဲ့အစည်းက ယုံကြည်ရတဲ့ ခေါင်းဆောင် (Leader) တစ်ယောက် ဖြစ်လာဖို့ အခွင့်အလမ်း ပိုများပါတယ်။

​နိဂုံးချုပ်အနေနဲ့ -

"ဘာတွေသိလဲ" ဆိုတာက အရေးကြီးပေမယ့်၊ လုပ်သက်တစ်ခု ရလာတဲ့အခါမှာတော့ "ဘယ်လို စနစ်တကျ စီမံခန့်ခွဲတတ်လဲ" ဆိုတာက သင့်ရဲ့ တန်ဖိုး (Value) ပါပဲ။

​"သိခြင်း" က လမ်းပြပေးရုံပဲ ရှိပါသေးတယ်။ "လက်တွေ့ကျင့်သုံးခြင်း" ကမှ သင့်ကို ပန်းတိုင်ရောက်စေမှာပါ။

​သင်ကော... အခုလက်ရှိ သိထားတဲ့ နည်းလမ်းတွေကို အလုပ်ထဲမှာ ဘယ်လောက်အထိ ထည့်သုံးဖြစ်နေပြီလဲ? မန့် (Comment) မှာ ဆွေးနွေးသွားကြရအောင်။

​

🚀 လုပ်ငန်းခွင်မှာ ပင်ပန်းရုံပဲရှိပြီး ရလဒ်မထွက်ဖြစ်နေလား? ဒါဆိုရင်တော့ 5S ကို သိဖို့လိုပါပြီ!

​လုပ်ငန်းလည်ပတ်မှု (Operation Management) အပိုင်းမှာ အောင်မြင်ချင်ရင် အလုပ်တွေ အများကြီးလုပ်နေဖို့ထက် "စနစ်တကျ" ရှိနေဖို့က ပိုအရေးကြီးပါတယ်။ အဲဒီအတွက် အခြေခံအကျဆုံးဖြစ်တဲ့ 5S အကြောင်းကို မျှဝေပေးချင်ပါတယ်။

​⚙️ Operation Management မှာ 5S ဘာကြောင့် လိုတာလဲ?

​၁။ အလေအလွင့် (Waste) လျှော့ချဖို့: ပစ္စည်းရှာရတာ၊ မလိုဘဲ စုပုံနေတာတွေကို ရှင်းထုတ်ပေးလို့ အချိန်နဲ့ ငွေကြေး ကုန်ကျစရိတ်ကို သက်သာစေပါတယ်။
၂။ ကုန်ထုတ်စွမ်းအား (Productivity) တက်ဖို့: အရာရာက သူ့နေရာနဲ့သူ ရှိနေတော့ အလုပ်တစ်ခုကို အမှားနည်းနည်းနဲ့ ပိုမြန်မြန် ပြီးမြောက်စေပါတယ်။
၃။ ဘေးကင်းပြီး စံချိန်မီဖို့ (Safety & Quality): ရှင်းလင်းနေတဲ့ လုပ်ငန်းခွင်က မတော်တဆမှုကို ကာကွယ်ပေးသလို၊ စနစ်ရှိနေတဲ့အတွက် ထွက်လာတဲ့ ရလဒ်ကလည်း အမြဲ Quality ကောင်းနေမှာပါ။

​🔍 5S ဆိုတာကို အကျဉ်းချုပ်မှတ်ရရင် -
​Sort (ဖယ်ထုတ်): မလိုတာတွေ အရင်ဖယ်ပါ။
​Set in Order (နေရာချ): အလွယ်တကူ ရှာတွေ့အောင် စီထားပါ။
​Shine (သန့်ရှင်း): အမြဲသန့်ရှင်းအောင် ထားပါ။
​Standardize (စံသတ်မှတ်): ဒါတွေကို လုပ်ထုံးလုပ်နည်း သတ်မှတ်ပါ။
​Sustain (အလေ့အကျင့်): ရေရှည်ဖြစ်အောင် ဆက်ထိန်းသွားပါ။

​အနှစ်ချုပ်ရရင်... 5S ဆိုတာ သန့်ရှင်းရေးလုပ်တာတင် မဟုတ်ဘဲ လုပ်ငန်းတစ်ခုလုံး ချောမွေ့အောင် စနစ်တကျ တည်ဆောက်တဲ့ Management Tool တစ်ခုပဲ ဖြစ်ပါတယ်။ မိမိတို့ လုပ်ငန်းခွင်မှာ ဒါကို ထိထိရောက်ရောက် ကျင့်သုံးခြင်းဖြင့် ပိုမိုကောင်းမွန်တဲ့ ရလဒ်တွေကို ဖော်ဆောင်နိုင်ကြပါစေ။

အသေးစိတ်တွေကိုတော့ Operation Management free course မှာ လုပ်ငန်းခွင်အတွေ့အကြုံများနဲ့ အသေးစိတ် ဆွေးနွေးကြတာပေါ့ 🤩

​

Business Management ဘာသာရပ်ကို လေ့လာခဲ့သူတဦးအနေဖြင့် လုပ်ငန်းဋ္ဌာနတွေကို အကဲဖြတ်ကြည့်ရာမှာ အရေးကြီးဆုံးတွေထဲမှ ၁ ခုဖြစ်သည့် Planning အားနည်းချက်ကို အများဆုံးမြင်ရလေ့ရှိပါတယ် ။

Project သေးသည် ကြီးသည်ဖြစ်စေ အစီအစဉ်ကြိုတင်ချထားပြီး လုပ်ဆောင်လေ့မရှိဘဲ တင်ပြချက်အပေါ်ကိုသာ သုံးသပ်ပြီး ဆောင်ရွက်အကောင်အထည်ဖော်လေ့ရှိကြပါတယ် ။

အမှန်တကယ် အကောင်အထည်ဖော်ကြသည့်အခါမှာတော့ မျှော်လင့်မထားသောအခက်အခဲများနှင့် ကြုံတွေ့ကြသည့်အခါမှာ နောက်တွန့်တာနဲ့ ဆက်လက်လုပ်ဆောင်ရန် နှောင့်နှေးတာတွေကို တွေ့ရပါတယ် ။

ကျွန်တော်ကိုယ်တိုင်က ဦးဆောင်လုပ်ဆောင်ရသည့်အပိုင်းတွေမှာတော့ မည်သည့် Project ကိုမဆို ရှင်းလင်းတိကျသော Objective ကို ချမှတ်ပြီး လက်ရှိမိမိတွင်ရှိသော Resources တွေကို အရင်သုံးသပ်ပါတယ် ။

ထိုနောက်တော့ Project Plan ကို Timeline ပါ ပါအောင် ထည့်သွင်းရေးဆွဲရင်း Planning ကို မဖြစ် ဖြစ်အောင် ရေးဆွဲအတည်ပြုပြီးမှသာ ဆောင်ရွက်ပါတယ် ။ ဖြစ်လာနိုင်ချေရှိသော Risk တွေပါ ယှဉ်တွဲဖော်ထုတ်တတ်ရတာပေါ့ ။

ဒါကြောင့် မည်သည့် Managment ဘာသာရပ်ကို လေ့လာပြီး ကျင့်သုံးလုပ်ဆောင်နေသူများဖြစ်စေ မိမိဆောင်ရွက်မည့်အပိုင်းအလိုက် Planning အပိုင်းကိုတော့ အားကောင်းအောင် ဆောင်ရွက်လုပ်ဆောင်ကြဖို့ကို တိုက်တွန်းလိုပါတယ် ။

Business Management နှင့် ပတ်သတ်ပြီး လေ့လာလိုသည်များရှိပါက Page ကို Like & Follow လုပ်ထားပေးနော် ။

Success Management Institute