Meldi Top Co.ltd
Share
04/05/2023
တစ်ခါတုန်းက အဖွားအိုတစ်ဦး ဟာ ရွာမှာ တစ်ယောက်တည်းအထီးကျန်ဆန်စွာနေရတယ် ။
တစ်နေ့တော့အဖွား အိုက သူ့ သား သူ့ချွေးမ
သူ့မြေးလေးတွေရှိတဲ့နေရာမှာ သွားနေမယ် ဆိုတဲ့ မျှော်လင့်ချက်နဲ့ ရွာကနေထွက်လာခဲ့တယ်။
ဒီလိုနဲ့ ခရီးရှည်ကြီးကိုဖြတ်သန်းပြီးတော့
သူ့သား ချွေးမ နဲ့ မြေးကလေးတို့နေတဲ့အိမ်ကိုရောက်လာပါတယ် ။
စစရောက်ခြင်းမှာ သားဖြစ်သူတို့မိသားစုက
၀မ်းပမ်းတသာကြိုဆိုကြတယ် ။
အိမ်ဦးခန်းမှာ နေရာပေးကြတယ် ။
ဒီလိုနဲ့ အဖွားအိုဟာ သူ့သားမိသားစုနဲ့အတူ
နေထိုင်ရင်း တစ်လတိတိ အချိန်ကိုရောက် လာခဲ့တယ် ။ နေ့တိုင်းနေ့တိုင်းမှာ မိသားစုထမင်းဝိုင်းမှာ
အားလုံးအတူဝိုင်းစားကြတယ်။
အဖွားးအိုရဲ့ မျက်လုံးတွေဟာ မှုန်ရီနေပါပြီ ။
လက်တွေကလည်း အသက်အရွယ်ကြောင့်
တုန်ယင်နေခဲ့တယ် ။
တခါတခါ ဇွန်းနဲ့ ခက်ရင်းတွေလွတ်ကျသလို ..
တခါတခါမှာလည်း ပန်းကန်ထဲက ထမင်းတွေဟာ ဘေးနားကိုဖိတ်လို့ ဖိတ်ကြမ်းပြင်ပေါ်ကျလို့ကျနဲ့ ပေပွနေခဲ့ရတယ် ။ တစ်လတိတိရှိလာတဲ့အခါ
သားဖြစ်သူ နဲ့ချွေးမတို့က မခံနိုင်တော့ပါဘူး ။
သူတို့တိုင်ပင်ကြတယ် ။
“ အမေ့ရဲ့ ထမင်းစားတဲ့အခါ ဟိုဖိတ်ဒီဖိတ်ဒါဏ်ကိုမခံနိုင်တော့ဘူး အမေက ထမင်းစားရင်လည်း
အသံမြည်တယ်ညစ်ပတ်နေတာပဲ ကြမ်းပြင်ပေါ်မှာလဲ ပေပွနေရော ငါတို့တစ်ခုခုလုပ်ရအောင် ” လို့ မိန်းမဖြစ်သူ ကိုတိုင်ပင်တယ် ။
ဒီလိုနဲ့ သူတို့ဟာ အမေအိုကို ထမင်းတစ်ဝိုင်းတည်းအတူစားခွင့်မပေးတော့ပဲ အခန်းထောင့်လေးမှာ စားပွဲခုံသေးသေးလေးနဲ့ ကျွေးပါတော့တယ် ။
အမေအိုဟာ ကြွေပန်းကန်နဲ့စားတဲ့အခါ မှာလည်း ခဏခဏပန်းကန်တွေကျကွဲတဲ့အတွက် သားဖြစ်သူက သစ်သားခွက်လေးလုပ်ပြီး ကျွေးတယ် ။
အဲဒီအချိန်ကစလို့အမေအိုဟာ တိတ်ဆိတ်စွာပဲ အခန်းထောင့်လေးက ထမင်း
စားပွဲလေးမှာ စားရပါတယ် ။ တခါတခါ
သားဖြစ်သူနဲ့ချွေးမဖြစ် သူရဲ့ ဒေါသတကြီးဆူပူကြိမ်းမောင်းသံတွေကိုလည်းခံရသေးတယ် ။
ဒီလိုနဲ့တစ်နေ့တော့ သူတို့သားကလေးဖြစ်သူဟာ အိမ်ရှေ့မှာ ငြိမ်ငြိမ်ကလေးထိုင်ပြီး တစ်ခုခုကို စိတ်၀င်တစားလုပ်နေတာတွေ့လိုက်ရတယ် ။
ဒီတော့ သားဖြစ်သူဆီသွားပြီး မိဘ
တွေကချိုသာတဲ့စကားနဲ့မေးလိုက်တယ် ။
“ သား ဘာလုပ်နေတာလဲ ဟင် ”
သားဖြစ်သူက သူ့ဖခင်နဲ့မိခင်ကို ပြုံးပြီးကြည့်လိုက်တယ်ပြီးတော့ ပြောလိုက်တယ် ..။
“ သားလည်း အဖေအမေတို့ကြီးလာရင်ကျွေးဖို့ သစ်သားခွက်ကလေးလုပ်နေတာပါ ”
အဲဒီလိုပြောပြီး သားဖြစ်သူက
သူ့အလုပ်သူဆက်လုပ်နေခဲ့တယ် ။
မိဘတွေဟာ သားဖြစ်သူစကား ကိုကြားပြီးအလွန်ပဲ
ထိတ်လန့်တုန်လှုပ်သွားခဲ့ရတယ် ။ သူတို့ ဘာစကားတစ်ခွန်းမှ မပြောနိုင်ဘူး တုန် လှုပ်ခြောက်ခြားသွားပြီး ပါးပြင်ပေါ်ကနေ မျက်ရည်တွေ စီးကျလာခဲ့ရတယ် ။ သူတို့အမှားကို သူတို့ထင်းကနဲ မြင်သွားခဲ့ရတယ် ။အိမ်ထဲကိုလှမ်းကြည့်လိုက်တော့
အဖွားအိုက တိတ်ဆိတ်စွာ
သူတို့ကို ငေးနေ တာတွေ့လိုက်ရပါတော့တယ် ။
သင်လည်းတစ်နေ့ အိုမင်းလာမှာပါ
မိဘတွေကို ချစ်ခင်ကြင်နာယုယပြီး
ကိုယ့်မျိုး ဆက်တွေအတွက်
မေတ္တာတရားကိုပြသပါ ။ ကလေးတွေဟာ
သင်တို့အပြုအမှုတွေကို မြင်တယ် ..
ကြား တယ် ..လိုက်မှတ်သားတယ် ..။
သင်တို့ပြုသမျှဟာ သင်တို့ထံပြန်လာပါလိမ့်မယ် ။
တစ်နေ့နေ့မှာ ကိုယ်ဟာ သားတစ်ယောက်
ပြီးတော့ ဖခင်တစ်ယောက်ပြီးတော့ အဖိုးအိုတစ်ယောက်ဖြစ် လာဦးမှာပါပဲ ။
မသေခင်လေး ကျွေးရတဲ့ မိဘအတွက် ထမင်းဟာ
သူတို့မြိုချလိုက်တိုင်း မနင် ..ပါစေနဲ့ ။
လျောလျောရှူရှု၀င်ပါစေ ..။
“ မိဘကျေးဇူးဆပ်နိုင်ကြပါစေ ”
Crd.
ဝိတ်တင် ဝိတ်ချ Group 🤩🤩
မည်သူမဆို Join နိုင်ပါတယ်☝🏻
အပြာစာတန်းလေးဖိပေးပါ 🤝🏻
Click here to claim your Sponsored Listing.
Category
Contact the business
Telephone
Website
Address
Yangon
11431
