Golden Future Myanmar Condominium Sales & Rent

ကမ္ဘာလုံးဆိုင်ရာ အလုပ်သမားနေ့မှာ
မြန်မာနိုင်ငံတဝှမ်းမှ ပြည်သူ့ဝန်ထမ်း၊ပုဂ္ဂလိက
CDM ဝန်ထမ်းများအားလုံးကို
လေးစား ဂုဏ်ပြုပါတယ်(non CDMမပါ)

မြန်မာပြည်အနှံ့ အခုလို ပူးပေါင်းဆောင်ရွက်မှုတွေနဲ့ အများပြည်သူနေရာတွေ ​နေရာအနှံ့မှာအများအပြား ပေါ်ပေါက်ပါစေလို့ ဆုတောင်း​ရင်း ပရောဂျက်လေး မြန်မြန်အကောင်အထည်ပေါ်အောင် အလှူငွေတွေလည်းအများအပြားရရှိပါ​စေ 😇.. ....

ပြည်သူတွေက အစပျိုးခဲ့တဲ့ လှလှပပ ပန်းခြံလေးတစ်ခု ရန်ကင်းမှာတော့ ဖြစ်ပေါ်လာပါတော့မယ်..

ပြည်သူတွေရဲ့ စုပေါင်းအင်အား + CSR လုပ်တဲ့ကုမ္ပဏီတွေရဲ့ပါဝင်မှု + အုပ်ချုပ်ရေးပိုင်းပူးပေါင်းဆောင်ရွက်မှု

ဒီလို ၃ ပွင့်ဆိုင် ပူးပေါင်းမှုတွေကနေ နောက်ပိုင်းမြန်မာပြည်မှာ အများပြည်သူနဲ့ ဆိုင်တဲ့နေရာတွေ ပေါ်ပေါက်လာပါစေလိုတဲ့ ရည်ရွယ်ချက်နဲ့ ဒီပိုစ့်လေးကို ရေးပါတယ်...

နောက်မျိုးဆက်တွေ အတွက် ကာယအားတက်နိုင်တဲ့သူက ကာယအားလှူ၊ ဉာဏအားတက်နိုင်တဲ့သူက ဉာဏအားလှူ၊ ဒါနအား တက်နိုင်တဲ့သူက ဒါနအားနဲ့ လှူကြတာပေါ့
,
ဒီပန်းခြံနေရာလေးက
- ရန်ကင်းGoldenCity နဲ့ မျက်နှာချင်းဆိုင်၊ ခုနှစ်ပင်လိမ်ချောင်းဘေးမှာ တည်ရှိပါတယ်။ ရန်ကင်း ၂ ရပ်ကွက်ထဲက နေရာလေးပါ။
နဂိုအခြေအနေ
- ကိုယ်တွေငယ်ငယ်တုန်းကတော့ အဲ့နေရာလေးမှာ စွန်လွှတ်ကြ၊ ခြင်းခက်ကြပေါ့..၊
အဲ့နေရာလေးက ရန်ကင်းတိုက်တွေနဲ့ ချောင်းဘေးမှာ မြေကွက်လပ် အလွတ်ဖြစ်နေတာ.
နောက်တော့ အဲ့ချောင်းလေးကို နှုန်းတွေဖော်တော့... အဲ့နှုန်းတွေကို အဲ့မြေကွက်လပ်အလွတ်မှာ ထားရင်းနဲ့
ကုန်းမြေကြီးဖြစ်လာ... ပေါင်းမြတ်တွေနဲ့ဖြစ်လာပြီး... ဒုစရိုက်လုပ်ချင်တဲ့သူတွေ၊ မကောင်းမှု လုပ်ချင်တဲ့သူတွေ ကျက်စားရာနေရာဖြစ်လာရော...
ရန်ကင်းစင်တာဖက်ကို သွားချင်ရင် ရန်ကင်း၂ရပ်ကွက် ဒီဖက်ခြမ်းကလူတွေက အဲ့နေရာလေးကို ဖြတ်သွားတဲ့အခါမျိုးလည်းရှိတယ်.. အဲ့မှာ အလုခံရတာမျိုး၊ အမျိုးသမီးတွေကို မဖွယ်မရာလုပ်တာမျိုးတွေ ရှိလာတယ်။
အဲ့နေရာကို ဖြတ်သွားရာမှာ မိန်းကလေးတွေအတွက် မလုံခြုံတော့ဘူးလေ...
အဲ့ဒါနဲ့ ၂၀၁၈ လောက်မှာ ဦးဆောင်တဲ့သူရှိလာတော့ ရပ်ကွက်ထဲကနေတဲ့ ပြည်သူတွေကလည်း တစ်ယောက် ငါးထောင်၊ တစ်သောင်း စသဖြင့် နည်းများမဆိုဝိုင်းထည့်ပြီး အဲ့နေရာကို ရှင်းမှ ဖြစ်တော့မယ် ဆိုပြီး လုပ်ကြတာပေါ့.။
စုလို့ ရတဲ့ သိန်း ၃၀ လောက်ကလည်း အဲ့ခြုံတွေ ရှင်းတာနဲ့တင် ကုန်တာပါပဲ... လူတစ်ရပ်လောက်မြင့်တဲ့ ကုန်းမြင့်ကြီးကိုး (စည်ပင်ဝန်ထမ်းတွေကို လုပ်ခ ပြန်ပေးပြီး ရှင်းရတာပေါ့)
- မြတ်ရှင်း၊ မြေရှင်း၊ ပေါင်းရှင်းတယ်ဆိုကလည်း တော်တော် အချိန်ပေးရတာလေ..မြွေစိမ်းမြှီးခြောက်တွေ ထွက်လာလိုက်တာ မနည်းဆိုပဲ..
တိုတိုပြောရရင် အဲ့နေရာလေးက ရှင်းရှင်းလင်းလင်းဖြစ်သွားရောဆိုပါတော့...
ဒုစရိုက်မှုတွေ မလုပ်နိုင်အောင် ဖြစ်သွားပြီဆိုပေမယ်.. (ဒုစရိုက်မှုဆိုလို့ အဲ့နေရာမှာ အရင်က 18+လို အခွေတွေပါ ထွက်တာပါဆို၊ ဒါကတော့ ရပ်ကွက်ထဲကလူတွေ ပြန်ပြောပြတာပါ။ ကြိုပြောထားရတယ် HD လင်းပါ လို့ လာပြောနေမှာစိုးလို့ 😁😎)
မြေကြီး အကွက်အကွင်းလည်း ပေါ်လာရော ခရိုနီတွေက မျက်စိကျပြီလေ..
အဲ့နေရာကို အပိုင်လိုချင်တဲ့သူနဲ့၊ ကားပါကင်ငှားစားဖို့လုပ်ချင်တဲ့သူနဲ့၊ စီးပွားဖြစ်ကစားတဲ့နေရာ လုပ်ချင်တဲ့သူတွေနဲ့ ဖြစ်လာတော့တာပေါ့။. အကျယ် ပေ ၇၀ ၊ အရှည် ပေ ၃၀၀ ဆိုတော့လည်း လိုချင်ကြမပေါ့..
အဲ့ဒါနဲ့ ရပ်ကွက်မှာ နေတဲ့သူတွေကလည်း ဒီနေရာက ရှင်းလင်းရုံနဲ့ ထားခဲ့လို့ မရတော့ဘူး။ မဟုတ်ရင် စီးပွားရေးသမားတွေစီ ပါတော့မယ်.. အများပြည်သူအသုံးပြုနိုင်တဲ့ ပန်းခြံလို ဖြစ်အောင်လုပ်ရတော့မယ်လို့ စဉ်းစားမိကြတော့တယ်..
(ကြားထဲမှာတော့ အခက်အခဲတွေ၊ အတိုက်အခိုက်တွေ၊ ကူညီချင်စိတ်မရှိတဲ့သူတွေ မျိုးစုံနဲ့ပေါ့)
- အဲ့မှာ ကံကောင်းချင်တော့ ရန်ကင်း မြို့နယ်အမတ် မဇင်မာအောင်တို့လည်း ပူးပေါင်းပါဝင်လာပြီး၊
အဲ့ဒီနေရာနဲ့ မျက်နှာချင်းဆိုင်မှာ ဒေါ်လာ သန်း ၄၀၀တန် ပရောဂျက်လာလုပ်နေတဲ့ Kajima ဆိုတဲ့ ဂျပန် ကုမ္ပဏီကို အကူအညီ တောင်းကြည့်တော့....
ဂျပန်ဆောက်လုပ်ရေး ကုမ္ပဏီကလည်း ဒီနားမှာပဲ ပရောဂျက်လုပ်နေတော့ သူတို့အတွက် CSR (Corporate Social Responsibility) သဘောမျိုး လုပ်ပေးချင်နေတာနဲ့ အတော်ဖြစ်သွားရော...
အဲ့ဒါနဲ့ Kajima က ယန္တယားတွေနဲ့ လုပ်အားအလှူ လုပ်ပြီး မြေကြီးတွေကို စနစ်တကျ ရှင်းလင်းပေးကြတယ်...
မြို့နယ်စည်ပင်နဲ့ အားကာကလည်း ပန်းခြံသုံး အားကစားပစ္စည်းတွေနဲ့ ပန်းအိုးတွေ ပန်းပင်တွေ လှူပေးတာပေါ့...( အစိုးရအနေနဲ့ကြတော့ ငွေကြေးတို့ အလုပ်တို့က ဘက်ဂျက်နဲ့ သွားရတာကိုး၊ လိုအပ်တာတွေကိုတော့ တက်နိုင်သမျှ ဝိုင်းကူကြပါတယ်)
နောက်ထပ် ကံကောင်းချင်တော့ Blue Temple ဆိုတဲ့ ဝါးတွေနဲ့ ဒီဇိုင်းလုပ်ပြီး social work တွေ လုပ်ပေးနေတဲ့ ဗိသုကာဒီဇိုင်းအဖွဲ့ကလည်း ဝင်ကူတယ်.. (အဲ့ဒီအဖွဲက နဂိုထဲက ရန်ကင်း ၃ ရပ်ကွက်က ကျောင်းမှာ ကလေးတွေ ကစားဖို့ ဝါးနဲ့ ဖန်တီးပြုလုပ်ထားတဲ့ကစားကွင်း လုပ်ပေးထားဖူးတယ်)..
အဲ့ဒီအဖွဲ့က ဒီဇိုင်း သေသေချာချာ လုပ်ပြီး Donar တွေဆီ ပြတော့.. ဟောင်ကောင်က အဖွဲ့ တစ်ဖွဲ့စီက အလှူငွေ(ကျပ် သိန်း ၁၆၀ ဝန်းကျင်) ရတော့ Phase 1 အတွက်ကိုတော့ ဒီဇိုင်းထဲက အတိုင်း လုပ်နိုင်ခဲ့တယ်..
ခု Phase 2 မှာတော့ ခြင်းလုံးရုံရယ်၊ လူကြီးတွေနားနေဖို့ဇရပ်ရယ်၊ Community Hall ပုံစံရယ်ကို ဒီဇိုင်းပုံတွေထဲကအတိုင်း လုပ်တော့မယ်။
ဒီမှာ အလှူငွေ ထပ်လိုလာပြီ... ခန့်မှန်းခြေ အဲ့ အမိုးအကာတွေကို လုပ်ဖို့ ဒေါ်လာ ၂၀၀၀၀ ဝန်းကျင်လောက် အလှူငွေ လိုပါတယ်။
လက်ရှိတော့ အလှူငွေ ဒေါ်လာ ၂၀၀၀ ဝန်းကျင် လက်ခံရရှိနေပြီး၊ အလှူငွေ ပြည့်ဖို့ လိုအပ်နေပါသေးတယ်...
ပရောဂျက်လေး မြန်မြန်အကောင်အထည်ပေါ်အောင် အလှူငွေတွေ လိုအပ်နေပါတယ်..
Blue Temple Team (Construction work) ကို လှူချင်ရင်တော့
26210126200569301 - KBZ အကောင့်
09958989220 - KBZ Pay မှလည်းလှူဒါန်းနိုင်ပါသည်။
ပန်းခြံအတွက် လိုအပ်တဲ့ မီးတိုင်တွေ၊ CCTV တွေ၊ ခြံစည်းရိုးနဲ့ နောက်ပိုင်းလိုအပ်လာမယ်ရေဖိုး၊ မီးဖိုးနဲ့ အထွေထွေ လိုအပ်တာတွေ အတွက်ကတော့
ပန်းခြံဖြစ်မြောက်ရေးကော်မတီရဲ့ Joint acc ဖြစ်တဲ့ Yoma ACC: 001444124506158
(မစိမ့်အေးနွေး + ဦးမောင်မောင်လွင် + ဒေါ်တင်မေဦး)
အကောင့်ကို လွဲပေးနိုင်ပါတယ်..
ပါဝင်လှူဒါန်းသူအားလုံးကိုလည်းကျေးဇူးတင်ပါတယ်။
ရန်ကင်းထဲမှာ ပန်းခြံနေရာကို အဆောက်အဦတွေ ဆောက်လိုက်တာ ၃ နေရာလောက်မှာ ပန်းခြံတွေ ပျောက်ကုန်တယ်.။ ကိုယ်သိသလောက်...
နဂို ပန်းခြံတွေတုန်းကသာ ရပ်ကွက်နေပြည်သူတွေကသာ ညီညီညွှတ်ညွှတ်နဲ့ ကောင်းကောင်းမွန်မွန်အဆင့်မြှင့်ထားရင် ဒီလို အဆောက်အဦတွေ လွယ်လွယ်နဲ့ဆောက်လို့ရမှာ မဟုတ်ဘူးလို့... ခုတော့ နောက်မျိုးဆက်တွေခမျာ ဆော့ကစားစရာ နေရာတွေ မရှိတော့ဘူးပေါ့... ဒီအတွက် ဒီရပ်ကွက်မှာ နေခဲ့တဲ့သူတစ်ယောက်အနေနဲ့ နောက်မျိုးဆက်တွေအတွက် စိတ်မလုံဘူး...
အဲ့ဒါကြောင့် ဒီပန်းခြံလေး ဖြစ်မြောက်အောင်မြင်ဖို့အတွက် ဉာဏအားနဲ့ အခုလို ပိုစ့်လေးရေးပြီး အားလုံးသိအောင် ပြောပြသလို၊ ဒါနအားဖြင့်လည်း ကိုယ်နိုင်သလောက်လေး ငွေ သုံးသိန်း လှူလိုက်ပါတယ်... (အားလုံးလည်း သာဓု ခေါ်နိုင်ကြပါစေ)...
နောက်လည်း မြန်မာပြည်အနှံ့ အခုလို ပူးပေါင်းဆောင်ရွက်မှုတွေနဲ့ အများပြည်သူနေရာတွေ ပေါ်ပေါက်ပါစေလို့ ဆုတောင်းရင်း....

အောင်မိုးလွင်
၁၅၊ ၁၂၊ ၂၀၂၀
--------------------

( ရန်ကင်းကိုချစ်တဲ့ လူကြီး၊ လူငယ် တွေရဲ့ထောက်ပံ့မှုနဲ့ စတင်လာတဲ့ ပန်းခြံလေးကို ဖြစ်မြောက်အောင် ဝိုင်းဝန်းကူညီသူတွေက
- ရန်ကင်းလွှတ်တော်မှ ဒေါ်ဇင်မာအောင်မှလည်း ရေမြောင်းပြုပြင်ခြင်းနှင့် မြေဖို့ခြင်း
- Blue Temple မှ ဗိသုကာ ဒီဇိုင်း
- အားကစားနှင့် ကျန်းမာရေးဝန်ကြီးဌာန (Ministry of Health and Sports, Myanmar) မှ ပြည်သူလူထုအတွက် အားကစားလေ့ကျင့်ရေးဆိုင်ရာ စက်ပစ္စည်းများ
- Design Trust အဖွဲ့အစည်းမှလည်း ဒီဇိုင်း ဆောက်လုပ်ရေးအတွက်အလှူငွေများ
- Kajima Overseas Asia Pte Ltd မှလည်း CSR Program အဖြစ်ပန်းခြံပုံဖော် ဆောက်လုပ်ခြင်းများ
- ရန်ကုန်မြို့တော်စည်ပင် (YCDC) မှလည်း ပန်ခြံထိန်းသိမ်းရေးဆိုင်ရာ လုပ်ငန်းများ
- We Love-Yangon အဖွဲ့အစည်းမှလည်း အပင်နှင့် အပင်စိုက်ပျိုးခြင်းများ
- Monkey Joint - bamboo players မှ ဝါးဆောက်လုပ်ရေး
စသည်ဖြင့် အတူတကွ ပူပေါင်းလုပ်ဆောင်နေကြပါတယ်။)

to original writer

နေ့စဉ်လူမှုဆက်ဆံရေးမှာ အဆင်မပြေမှုတွေ ကြုံနေရလား?

ဒါဆိုရင်တော့ ဒီရိုးရှင်းလွယ်ကူတဲ့ အချက်လေးတွေကို စတင်လုပ်ဆောင်ကြည့်လိုက်နော်။

1. တစ်ဦးနဲ့တစ်ဦးဆက်ဆံရေးတည်ဆောက်တဲ့အခါ ရိုးသားမှုလိုအပ်ပါတယ်။
2. ရိုးသားတဲ့ ထင်မြင်ချက်တွေ၊ အားပေးအားမြှောက်မှုပြုလုပ်မယ်ဆိုရင် တစ်ယောက်နဲ့တစ်ယောက်ယုံကြည်မှုတွေ ခိုင်မာလာမှာအသေအချာပါပဲ။
3. နောက်တစ်ချက်က အမြဲပြုံးထားပါ။ အပြုံးက ရန်သူကိုတောင် မိတ်ဆွေအဖြစ်ပြောင်းလဲပစ်နိုင်တဲ့ တန်ခိုးကြီးတဲ့ လက်နက်တစ်ခုပဲလေ။ အဲ့ကြောင့် အမြဲပြုံးဖို့ မမေ့ပါနဲ့။
4. ပြီးတော့ တစ်ဖက်လူရဲ့ တိုးတက်မှုကို ချီးမွမ်းပေးဖို့ မမေ့ပါနဲ့။
5. ရင်ဖွင့်စကားသံကို အချိန်ပေးပြီး နားထောင်ပေးပါ။

ကဲ ပိုမိုကောင်းမွန်တဲ့ ဆက်ဆံရေးကို တည်ဆောက်တဲ့အခါ ​နေ့စဥ်ဘဝမှာ လက်တွေ့လုပ်ဆောင်နေတဲ့ အချက်တွေကိုလည်း အားလုံးသိအောင် ဝေမျှပေးသွားပါဦး​​နော်...

ချစ်ခင်​စွာဖြင့်❣