Pyimyanmar Publishing

အဓိဌာန်စခန်းမှာ ကိုယ်တွေ့ဖြစ်ရပ်ဆန်းများ
တန်ဖိုး-5000

ဗုဒ္ဓဘာသာဝင်တစ်ယောက်အနေနဲ့ သဒ္ဓါ၊ သီလ၊ သုတ၊ စာဂ၊ ဝီရိယ၊ ပညာ၊ လေးဖြာသောဈာန်ဆိုတဲ့ သူတော်ကောင်းဥစ္စာ (၇) ပါးကို သိပြီးသားဖြစ်ကြမှာပါ။
သဒ္ဓါတရားဆိုတာ ထိပ်ဆုံးက ရှိနေပြီး အရင်းခံကျတဲ့ တရားလည်းဖြစ်ပါ တယ်။ ဘုရားကို ယုံကြည်လို့၊ ကြည်ညိုကိုးကွယ်တယ်။ တရားကို ယုံကြည်လို့ ကျင့်ကြံအားထုတ်တယ်၊ သံဃာတော်အရှင်မြတ်တွေကို ယုံကြည်လို့ လှူဒါန်းပူဇော် ကြတယ်။ ဒါဟာ ဘုရားဟောဒေသနာတော်တွေအရ (ဒါန၊ သီလ၊ ဘာဝနာ) (သီလ၊ သမာဓိ၊ ပညာ) တစ်ဆင့်ပြီးတစ်ဆင့် ဆက်ထုံးထားတဲ့ ရတနာပန်းခိုင်တွေပါပဲ။ တစ်နည်းအားဖြင့် ပါရမီဓာတ်ခံအလျောက် သမထတန်ခိုးနဲ့ ဝိပဿနာပညာတွေကို ပေါင်းစပ်ဖြည့်ဆည်းလို့ ဗုဒ္ဓဘာသာဝင်တို့ရဲ့ ရည်မှန်းချက်ပန်းတိုင်ဖြစ်တဲ့ ဘဝသံသရာက လွတ်မြောက်ပြီး နိဗ္ဗာန်သောင်ကမ်း ဆိုက်ကပ်ရေးကြိုးပမ်းကြရတာပဲ ဖြစ်ပါတယ်။

သို့ပေမယ့်...မျက်မှောက်ခေတ်ကာလမှာ လူအတော်များများဟာ အမျိုးမျိုးသော ပယောဂတွေရဲ့ မှိုင်းတိုက်မှုကြောင့် ကိုယ့်ဘာသာ၊ သာသနာကို တန်ဖိုးထားလေးစားခြင်း အားနည်းလာရာက မယုံသံသယတွေ ပွားနေကြတာတွေ့ရပါတယ်။ သံသရာကို မယုံဘူး ဆိုရင် ရှေးဘဝ၊ နောက်ဘဝတွေရှိတယ်ဆိုတာ မယုံတော့တဲ့အဓိပ္ပါယ်ပေါ့။ လူ့လောက တစ်ဘဝတည်းရှိတယ် ပြောရင်လည်း နတ်ဘဝ၊ အပယ်လေးဘုံဘဝ၊ ပရလောက ဆိုတာတွေလည်း လက်မခံနိုင်တော့ဘူးဆိုပါတော့။ နိဗ္ဗာန်ဆိုတာ တကယ်ရှိပါ့မလား တွေးလာရင်တော့ ဘုရားကို ကန့်လန့်တိုက် ဆန့်ကျင်ရာရောက်သွားပါလိမ့်မယ်။

ခုစာအုပ်မှာ တင်ပြထားတဲ့ အဖြစ်အပျက်တွေဟာ စာရေးသူရဲ့ အတွေ့ အကြုံတွေကို အစစ်အမှန်ဖော်ထုတ် ရေးသားထားတာတွေ ဖြစ်ပါတယ်။ လုပ်ကြံဖန်တီးမှုတွေ ချဲ့ကားမှုတွေ မရှိပါဘူး။ ရည်ရွယ်ချက်ကတော့ ဒီနေ့ခေတ် လူငယ်လူရွယ်တွေ ဘုရား၊ တရား၊ သံဃာ...ရတနာသုံးပါးရဲ့ တန်ခိုးတေဇော် အနုဘော်၊ ဂုဏ်ကျေးဇူးတော်တွေကို သိရှိနားလည်ပြီး ယုံကြည်သက်ဝင် လာဖို့သာ ရည်မှန်းပါတယ်။ ဒါမှလည်း...အတွေးအမြင်တွေ မှန်ကန်လို့ ကောင်းမှုကုသိုလ် တွေ တိုးပွားလာရသလို ဘာသာရေးခံတပ်ကြီး ခိုင်ခိုင်မာမာဖွဲ့ပြီး ဗုဒ္ဓဘာသာရဲ့အန္တရာယ် တွေကို ကာကွယ်စောင့်ရှောက်ရင်း သာသနာတော်ကြီး ဖွံ့ဖြိုးစည်ပင်အောင် စွမ်းဆောင် နိုင်ကြမှာပါ။

ပြည်မြန်မာစာအုပ်တိုက်မှ ထွက်ရှိသော စာအုပ်များကို မှာယူလိုပါက📬
~~~~~~~~~~~~~~~~~~~~~~~~~~~~~~
၁။ စာအုပ်အမည်
၂။ အရေအတွက်
၃။ မှာယူသူ၏ အမည်
၄။ လိပ်စာအပြည့်အစုံ (အိမ်နံပါတ်၊ လမ်းအမည်၊ ရပ်ကွက်/ကျေးရွာအုပ်စု အမည်၊ မြို့နယ်အမည်၊ ပြည်နယ်/တိုင်းဒေသကြီးအမည်)
၅။ ဖုန်းနံပါတ် တို့ကို Messenger Chat Box သို့ ရေးပို့ပြီး မှာယူနိုင်ပါသည်။
၆။ မြန်မာပြည်အနှံ့သို့ ပို့ဆောင်ပေးမည်ဖြစ်ပါသည်။
10 kg အထိနော် 🥳
ရန်ကုန်မြို့တွင်းဆို ပို့ခ - 2000 ကျပ်၊
နယ်ပို့ခ - 3000 ကျပ် ကျသင့်ပါမယ်။
စာတိုက်ဖြင့် ပို့ဆောင်လိုပါက စာအုပ် weight ချိန်အတိုင်း ကျသင့်ပါမယ်ခင်ဗျာ။
ပြည်မြန်မာစာအုပ်တိုက်
ဖုန်း-𝟎𝟗-𝟐𝟔𝟔 𝟒𝟒 𝟗𝟕𝟗𝟕
𝟎𝟗-𝟐𝟔𝟔 𝟒𝟒 𝟗𝟖𝟗𝟖 သို့ ဆက်သွယ် မှာယူနိုင်ပါသည်။

ဒီမယ် ဟိုရေးရှိုး...
ကောင်းကင်ဘုံနဲ့ မြေကြီးကြားက ဒီကမ္ဘာ လောကကြီးမှာ မင်းရဲ့ အတွေးအမြင်နဲ့ အိပ်မက်မက်ထားတာတွေထက် မင်း ဉာဏ်မမီသေးတဲ့ အရာတွေ တစ်ပုံကြီး ရှိသေးတယ်။
Hamlet, I.v.

ဆရာကြီးဟာ သိပ္ပံခေတ်သစ်ရဲ့ ကြေညာချက်တွေကို ချက်ချင်း တုံ့ပြန်ဖို့ ဟင်းမ လက်ရဲ့ စကားကို အသုံးချခဲ့တာ ဖြစ်ပါတယ်။ သူတို့ခေတ်က ဒဿနကလည်း နာမ် လောကကို စွန့်ခွာပြီး ရုပ်ဝါဒီသမားတွေဘက် ပိုပြီး နီးကပ်ခဲ့တာကလား။
ဘာပဲပြောပြော ဟင်းမလက်ရဲ့စကားတွေက ဒီစာအုပ်ထဲပါတဲ့ တွေးခေါ်ရှင်တွေရဲ့ ရည်ရွယ်ချက် စရိုက်လက္ခဏာတွေကို ဖော်ကျူးခဲ့တာပါပဲ။

ဒီနေ့ (၂၁)ရာစုရဲ့ မဟာအင်အားကြီး စူပါပါဝါနိုင်ငံတွေဖြစ်တဲ့ အမေရိကန်နဲ့ ရုရှားတို့ဟာTom Paine နဲ့ Karl Marx တို့ရဲ့ ဒဿနစာပေတွေကြားက ပေါက်ဖွားလာ တာပါ။ အခုလို သတင်းနဲ့ နည်းပညာခေတ်ကြီးကလည်း ယုတ္တိဗေဒပညာရှင်ကြီး Frege ရဲ့ အားထုတ်ကြိုးပမ်းမှုတွေ မပါဘဲနဲ့ ဖြစ်လာမှာ မဟုတ်ပါဘူး။
အမျိုးသမီးတွေ မဲပေးနိုင်ခွင့်ဆိုတာWollstone Craft ပေါ်လာတဲ့ နောက်ပိုင်းကျမှ အလေးအနက်ထားလာကြတာ မဟုတ်လား။

အသိပညာ အလင်းရောင်တွေမှာ Voltaire ကို လိုအပ်ခဲ့ပါတယ်။ Einstein အဖို့လည်းNewton လိုအပ်ခဲ့သလို Newton ကလည်း Einstein ကို အမှီပြုခဲ့ရတာပါပဲ။

လူမှုရေး၊ နိုင်ငံရေး၊ သိပ္ပံနဲ့ နည်းပညာအပြောင်းအလဲတွေရဲ့ သမိုင်းမှာ အတွေးအခေါ် သမိုင်းထဲက ရုန်းမလွတ်စတမ်း ဦးညွှတ်ခဲ့ရတာပဲ ဆိုပါတော့။

တချို့လူတွေအနေနဲ့ ခေတ်ပေါ် ဒဿနိကကို အထင်သေး အမြင်သေး တန်ဖိုးမထား သလို အမှုလည်း မထားချင်ကြတာ တွေ့ရပါတယ်။ သူတို့အတွက် သိပ်အရေးမကြီးဘူး၊ ပတ်သက်စရာ မလိုဘူးလို့ မထင်သင့်တာတော့ အမှန်ပါပဲ။

ဉာဏ်ကြီးကြီးနဲ့ ကြည့်မယ်ဆိုရင် ဒဿနိကပိုင်းက ရောင်ပြန်ဟပ်မှုဟာ ဘယ် လူ့အလွှာမဆို စူးစမ်းမှုတွေနဲ့ အတူတကွရှိနေတဲ့ သဘာဝရဲ့လုပ်ငန်းအဖြစ် တွေ့သိလာရ ပါမယ်။

ဒဿနိက အတွေးအမြင်ဆိုတာ ပါရဂူစပယ်ရှယ်လစ်တွေရဲ့ နယ်ပယ် သက်သက် သာ မဟုတ်ဘဲ လူတစ်ယောက်ရဲ့ ဘဝတစ်လျှောက်လုံး လေ့လာစူးစမ်းမှုနဲ့ဆိုင်တဲ့ မူလ မွေးရာပါအလုပ်၊ မရှိမဖြစ် အရေးပါတဲ့ကိစ္စလို့ ပြောရမှာပါ။

Hamlet ရဲ့စကားသာ မှန်ခဲ့ရင်Horatio အဖို့ သူ့ရဲ့အတွေးအမြင် ကန့်သတ်ချက် ဘောင်တွေကို အကျယ်ချဲ့ထွင်ပြီး ဆက်တွေးရုံသာ ရှိပါတော့မယ်။

တစ်နည်းပြောရင် အိပ်မက်တွေ ဆက်မက်ဖို့ပဲ ဆိုပါတော့ ...

#စာဖတ်ပရိတ်သတ်မျာနှင့် စာချစ်သူများကို_အစဉ်လေးစားလျက်
ပြည်မြန်မာစာအုပ်တိုက်မှ ထွက်ရှိသော စာအုပ်များကို မှာယူလိုပါက📬
~~~~~~~~~~~~~~~~~~~~~~~~~~~~~~
၁။ စာအုပ်အမည်
၂။ အရေအတွက်
၃။ မှာယူသူ၏ အမည်
၄။ လိပ်စာအပြည့်အစုံ (အိမ်နံပါတ်၊ လမ်းအမည်၊ ရပ်ကွက်/ကျေးရွာအုပ်စု အမည်၊ မြို့နယ်အမည်၊ ပြည်နယ်/တိုင်းဒေသကြီးအမည်)
၅။ ဖုန်းနံပါတ် တို့ကို Messenger Chat Box သို့ ရေးပို့ပြီး မှာယူနိုင်ပါသည်။
၆။ မြန်မာပြည်အနှံ့သို့ ပို့ဆောင်ပေးမည်ဖြစ်ပါသည်။
ပြည်မြန်မာစာအုပ်တိုက်
ဖုန်း-(ဝ၁) ၈၂၀၉၀၉၅၊ (ဝ၁) ၉၅၄၀၄၂၆၊ ဝ၉-၇၃၀၂၀၈၂၈၊
ဝ၉-၇၃၁၄၃၀၄၁၊ ဝ၉-၄၄၃၀၂၀၈၂၈၊ ဝ၉-၄၄၃၁၄၃၀၄၁ သို့ ဆက်သွယ် မှာယူနိုင်ပါသည်။