D Prime Myanmar

ကမ္ဘာ့ရေးရာ အဖြာဖြာနဲ့ ယနေ့ စျေးကွက်အခြေအနေများ
——————————————————————————
May 28 ၊ 2026

US နဲ့ အီရန်တို့ကြား အပြန်အလှန်လေကြောင်းတိုက်ခိုက်မှုတွေ ပြုလုပ်ခဲ့အပြီးမှာတော့ ယနေ့စျေးကွက်အတွင်း ဒေါ်လာတန်ဖိုးမာကြောလာကာ၊ ရေနံစျေးမြင့်တက်ခဲ့ပြီး၊ အာရှစတော့စျေးကွက် ကျဆင်းခဲ့ရပါတယ်။ ကူဝိက်နိုင်ငံတစ်ဝှမ်းမှာ လေကြောင်းအန္တရာယ်အချက်ပေးသံများ ဆူညံနေခဲ့သလို အရှေ့အလယ်ပိုင်းဒေသတစ်လွှား မတည်ငြိမ်မှုတွေ ပြန်လည်ဖြစ်ပွါးလာမှာကို အားလုံးက စိုးရိမ်နေကြပါတယ်။

အရှေ့အလယ်ပိုင်းရှိ အမေရိကန်လေယာဉ်ကွင်းများဟာ ယခုတိုက်ခိုက်မှုအတွက် တာဝန်ရှိပြီး၊ နောက်ထပ်တိုက်ခိုက်မှုများဆက်လက်ပြုလုပ်ပါက “ ပိုမိုပြင်းထန်တဲ့ လက်တုံ့ပြန်မှုနဲ့ ကြုံရမယ်လို့ အီရန်တော်လှန်ရေးအစောင့်တပ်က ထုတ်ပြန်လိုက်ပါတယ်။ အဆိုပါ ထုတ်ပြန်ချက်အပြီးမှာတော့ ရေနံတန်ဖိုးတွေဟာ တစ်စည်က်ို 3.7% အထိ မြင့်တက်သွားခဲ့ရပါတယ်။

တစ်ချိန်ထဲမှာပဲ အာရှစျေးကွက်က သိသာထင်ရှားစွာကျဆင်းသွားခဲ့ပြီး MSCI Asia-Pacific အညွှန်းကိန်းက 1.8% ကျဆင်းသွားခဲ့ပြီး၊ တောင်ကိုရီးယားရဲ့ KOSPI က 2.7% ကျဆင်းသွားခဲ့ကာ US စတော့​စျေးကွက်တွေလဲ ကျဆင်းသွားခဲ့ရပါတယ်။

ယနေ့မနက်ခင်းမှာ အီရန်ရဲ့ ဒုံးကျည်တွေကို ကြားဖြတ်ပစ်ချခဲ့ရကြောင်း ကူဝိက်စစ်တပ်ကကြေညာခဲ့ပါတယ်။ တစ်ချိန်ထဲမှာပဲ ဟောမုဇ်ရေလက်ကြားအဖွင့်အပိတ်ကို ကိုင်တွယ်နေတဲ့ Persian Gulf Strait Authority အဖွဲ့အစည်းကို အမေရိကန်က အမည်ပျက်စာရင်းသွင်းပြီး စီးပွါးရေး ပိတ်ဆို့မှု ပြုလုပ်လိုက်ပါတယ်။

အမေရိကန်ဒေါ်လာတန်ဖိုး မြင့်တက်လာတာကြောင့် ရင်းနှီးမြှုပ်နှံသူတွေဟာ safe-haven assets တွေဘက်ကို အာရုံကျလာကြပါတယ်။ ဆက်လက်ပြီး အရှေ့အလယ်ပိုင်းရဲ့ စွမ်းအင်စျေးနှုန်း မတည်ငြိမ်မှုဟာ ကမ္ဘာ့ငွေကြေးဖောင်းပွမှုကို ဆိုးရွားစေပြီး တကယ်လို့ စစ်ပွဲ ပြီးဆုံးတယ်ဆိုရင်တောင်မှပဲ ဒီရဲ့ ရိုက်ခတ်မှုကို တစ်ကမ္ဘာလုံးခံရနိုင်ကြောင်း ဥရောပဗဟိုဘဏ်ရဲ့ ဦးဆောင်စီးပွါးရေးပညာရှင် Philip Lane က သတိပေးထားပါတယ်။

"D Prime Your Private Broker"

𝐑𝐢𝐬𝐤 𝐖𝐚𝐫𝐧𝐢𝐧𝐠:
𝐅𝐨𝐫𝐞𝐱 𝐭𝐫𝐚𝐝𝐢𝐧𝐠 𝐢𝐧𝐯𝐨𝐥𝐯𝐞𝐬 𝐡𝐢𝐠𝐡 𝐫𝐢𝐬𝐤 𝐚𝐧𝐝 𝐦𝐚𝐲 𝐫𝐞𝐬𝐮𝐥𝐭 𝐢𝐧 𝐥𝐨𝐬𝐢𝐧𝐠 𝐲𝐨𝐮𝐫 𝐞𝐧𝐭𝐢𝐫𝐞 𝐢𝐧𝐯𝐞𝐬𝐭𝐦𝐞𝐧𝐭. 𝐋𝐞𝐯𝐞𝐫𝐚𝐠𝐞 𝐜𝐚𝐧 𝐚𝐦𝐩𝐥𝐢𝐟𝐲 𝐥𝐨𝐬𝐬𝐞𝐬. 𝐄𝐧𝐬𝐮𝐫𝐞 𝐲𝐨𝐮 𝐮𝐧𝐝𝐞𝐫𝐬𝐭𝐚𝐧𝐝 𝐭𝐡𝐞 𝐫𝐢𝐬𝐤𝐬 𝐛𝐞𝐟𝐨𝐫𝐞 𝐭𝐫𝐚𝐝𝐢𝐧𝐠.

အီရန်-အမေရိကန် ပဋိပက္ခနဲ့ ငြိမ်သက်နေတဲ့ ရွှေစျေးကွက်
——————————————————————————
May 27 ၊ 2026

အီရန် နဲ့ အမေရိကန်ကြား ဆွေးနွေးမှုဆက်ဖြစ်မဖြစ်ကို အာရုံစိုက်လာကြပြီးနောက် ယနေ့စျေးကွက်အတွင်းမှာ ရွှေစျေးအနည်းငယ်လှုပ်ရှားလာခဲ့ပါတယ်။ ယခုပဋိပက္ခတွေရဲ့ မသေချာမရေရာမှုကြားမှာ ရွှေစျေးအနေနဲ့ ပြီးခဲ့တဲ့ 10 ရက်ဆက်တိုက် အကြပ်အတည်းဆိုက်ခဲ့တာကိုလဲ တွေ့ခဲ့ရပါတယ်။

Spot gold တန်ဖိုးတွေဟာ တစ်အောင်စကို $4,505 ဝန်းကျင်မှာ အရောင်းအဝယ်ဖြစ်နေပြီး၊ ရွှေရှယ်ယာတွေရဲ့ တန်ဖိုးဟာလဲ ကျဆင်းခဲ့တာကို တွေ့ရမှာဖြစ်ပါတယ်။ စျေးကွက်သုတေသီတွေကတော့ ရေနံနှင့် စွမ်းအင်စျေးနှုန်းကြီးမြင့်လာခြင်းဟာ ရွှေစျေးကွက်အတွက်အဟန့်အတားတစ်ခုဖြစ်စေလိမ့်မယ်လို့လဲ သတိပေးထားပါတယ်။

ဆက်လက်ပြီး စျေးကွက်အတွင်း ဗဟိုဘဏ်တွေနဲ့ပတ်သတ်လ်ို့ အတိုးနှုန်းမြှင့်တင်ဖို့လိုလားနေကြကြောင်းကိုလဲ ကြားသိရပါတယ်။ Federal Reserve အနေနဲ့ လာမဲ့ December လမှာ အတိုးနှုန်းမြှင့်တင်နိုင်ခြေ 40% ရှိနေပြီး၊ တကယ်လို့ အတိုးနှုန်းမြှင့်တင်ခဲ့ရင် ရွှေဝယ်လ်ိုအားကျဆင်းနိုင်ပါတယ်။

နောက်ထပ်အနေနဲ့ အီရန်နဲ့အမေရိကန်တို့ဟာ လက်ရှိမှာ စစ်ရေးအရတင်းမာနေပေမဲ့၊ စားပွဲဝိုင်းမှာတော့ ဆွေးနွေးပွဲက ဆက်ဖြစ်နေပါသေးတယ်။ ရင်းနှီးမြှုပ်နှံသူတွေကတော့ လက်ရှိအချိန်မှာ US ရဲ့ အဓိက GDP အညွှန်းကိန်းကို စောင့်မျှော်လျှက်ရှိနေကြပါတယ်။

"D Prime Your Private Broker"

𝐑𝐢𝐬𝐤 𝐖𝐚𝐫𝐧𝐢𝐧𝐠:
𝐅𝐨𝐫𝐞𝐱 𝐭𝐫𝐚𝐝𝐢𝐧𝐠 𝐢𝐧𝐯𝐨𝐥𝐯𝐞𝐬 𝐡𝐢𝐠𝐡 𝐫𝐢𝐬𝐤 𝐚𝐧𝐝 𝐦𝐚𝐲 𝐫𝐞𝐬𝐮𝐥𝐭 𝐢𝐧 𝐥𝐨𝐬𝐢𝐧𝐠 𝐲𝐨𝐮𝐫 𝐞𝐧𝐭𝐢𝐫𝐞 𝐢𝐧𝐯𝐞𝐬𝐭𝐦𝐞𝐧𝐭. 𝐋𝐞𝐯𝐞𝐫𝐚𝐠𝐞 𝐜𝐚𝐧 𝐚𝐦𝐩𝐥𝐢𝐟𝐲 𝐥𝐨𝐬𝐬𝐞𝐬. 𝐄𝐧𝐬𝐮𝐫𝐞 𝐲𝐨𝐮 𝐮𝐧𝐝𝐞𝐫𝐬𝐭𝐚𝐧𝐝 𝐭𝐡𝐞 𝐫𝐢𝐬𝐤𝐬 𝐛𝐞𝐟𝐨𝐫𝐞 𝐭𝐫𝐚𝐝𝐢𝐧𝐠.