A Beautiful Note for MHYT
Share
08/12/2021
သမီးလေး
ဒီနေ့ကမ္ဘာမှာ Balance of power ဆိုတဲ့
စကားလုံးကို အတော်သုံးကြတယ် ။
အင်အားညီမျှ မှုရှိဖို့ပေါ့ကွယ် ။
ချိန်ခွင်လျှာ သဘောတရားလိုလည်း ပြောကြဆိုကြပါတယ် ။
စီးပွားရေး၊ နိုင်ငံရေး၊ နည်းပညာ အစစအရာရာ
အားပြိုင်နေကြရတဲ့ ခေတ်ကြီးထဲမှာ
အသက်နဲ့သေခြင်းအတွက် သတိထားထိန်းသိမ်းနေရတဲ့ သဘောတရားတစ်ချက်ပဲပေါ့ ။
အင်အားဘက်မမျှခဲ့ရင် တစ်ဖက်က အသက်ကိုရပြီး
တစ်ဖက်ကသေခြင်းကိုရမယ် ။
အင်အားညီမျှမှသာ နိူးကြားအောင်မြင်တဲ့ဘဝကို
ရမယ် ။
အဲဒီလိုဥပမာပေးတော့ စကားလုံးကြီးတွေက အရမ်းကြီးနေတယ် ။ မျက်လုံးပြူးကြီးနဲ့ ဖတ်ရမလိုတောင်
ဖြစ်နေမယ် ။
ဥပမာ လွယ်လွယ်လေးပေးလိုက်ရင်လည်း ရပါတယ် ။
အိမ်တစ်အိမ်ကို လက်ညှိုးထိုးပြလိုက်ရုံပါပဲ ။
အင်အားချိန်ခွင်လျှာ တစ်ဖက်စောင်းနင်းဖြစ်နေတဲ့
အနေအထားဟာ ကောင်းမကောင်း
ချောင်းကြည့်စရာမလိုပဲတွေ့လိမ့်မယ် ။
`` မီးဖိုချောင်က ဝဝဖြိုးဖြိုး၊ စီးပွားရေးက ညိုးညိုးငယ်ငယ်´´
အဲတော့ သမီးရဲ့ Balance Sheet မှာ ဘာတွေရေးမလဲ
ချစ်ခြင်းအားဖြင့်
ဖေဖေ
17/06/2020
သမီးလေး
ဒီနေ့သမီးအတွက် ဖေဖေတို့ ပုခက်ဆင်ကြတယ် သမီးရဲ့။ ဖေဖေတို့ဆိုတာက သမီး ဦးငယ်နဲ့ ဖေဖေနဲ့ ပေါ့။ ဖေဖေ တို့ ပုခက်ဆိုတာ မြင်ပဲ မြင်ဖူးတာ တခါမှ မဆင်ဖူးဘူး။ ပုခက်ကို အိတ်ထဲက ထုတ်တော့ accessories တွေ အများကြီး ထွက်လာတယ်၊ body frame တွေ screws တွေ အများကြီးပဲ။ နောက်ပြီး Manual နဲ့ Drawing လေး ထွက်လာတယ်။ ဟာ ဟုတ်ပြီပေါ့ ပုံနဲ့ စာနဲ့ ပါတယ်ဆိုတော့ ဖေဖေတို့ အဆင်ပြေအောင် တပ်ဆင်နိုင်တော့မှာပေါ့။ အဲမှာတင်ပြဿနာကစတော့တာပဲ။ ရေးထားတဲ့ စာတွေအကုန်လုံးက တရုတ်စာတွေကြီးပဲ။ အင်ဂျင်နီယာဖြစ်တဲ့ ဖေဖေတို့ ညီအစ်ကို နှစ်ယောက်က သမီးရဲ့ ပုခက်ကို ၁နာရီ နည်းပါးကြာအောင် တပ်ဆင်လိုက်ရတယ်။ အခုဖေဖေပြောချင်တဲ့အပိုင်းရောက်လာပြီ သမီး။ ဖေဖေတို့နေရာမှာ အဲဒီပုခက်ရောင်းတဲ့ဆိုင်က ဝန်ထမ်းတွေသာ တပ်ဆင်ပေးမယ်ဆိုရင် ၁၀ မိနစ် ၁၅ မိနစ်လောက်နဲ့ ပြီးနိုင်လောက်ပေမယ့် ဖေဖေတို့ ၁နာရီလောက်ကြာသွားခဲ့တယ်။ လူတိုင်းမှာ သူ့ကျွမ်းကျင်ရာ လိမ္မာကြတယ် သမီးရဲ့။ သေးသေးဖွဲဖွဲဆိုပြီး ဘယ်တော့မှ အထင်မသေးမိစေနဲ့သမီး။ အတက်ပညာတိုင်းမှာ သူ့အလှနဲ့သူရှိတယ်။
နောက်တစ်ချက်ကတော့ ဘာသာစကားပေါ့။ တရုတ်လိုရေးထားတော့ ဖေဖေတို့တွေမဖတ်တက်ဘူး။ ဒါကြောင့် သမီးဘဝမှာ ဘာသာစကားအများကြီးကို လေ့လာသင်ယူသင့်တယ်။ သင်ယူရမယ်။ ဒါမှလဲ သမီးလေ့လာချင်တာတွေကို ဆက်ပြီးလေ့လာနိုင်မှာ။
ဂျပန်စာရေးဆရာကြီး Haruki Murakami ပြောခဲ့တဲ့စကားတစ်ခွန်းကို ဖေဖေပြောပြမယ်။
“Learning another language is like becoming another person.”
ဒါဆို ဖေဖေဘာပြောချင်လဲ သမီးလေးသိလောက်မယ်ထင်တယ်။
Click here to claim your Sponsored Listing.
