Ye Naing

တွဲတာကြာလာရင် ရုပ်ချင်းဆင်လာတတ်တယ်ဆိုတာ တကယ်ပဲလား? 🤔❤️

"ဟာ... နင်တို့နှစ်ယောက် ကြည့်ရတာ တစ်ယောက်နဲ့တစ်ယောက် ရုပ်ချင်းတောင် ဆင်လာပြီနော်"

👩‍❤️‍👨ချစ်သူသက်တမ်း ဒါမှမဟုတ် အိမ်ထောင်သက်တမ်း ကြာလာတဲ့ စုံတွဲတွေကို ဘေးလူတွေက ဒီလိုမျိုး ပြောတတ်ကြတာ ကြားဖူးကြမှာပါ။ ဒါဟာ သာမန်ရိုးရာ အယူအဆသက်သက် ဒါမှမဟုတ် တိုက်ဆိုင်မှုတစ်ခု မဟုတ်ပါဘူး။ နောက်ကွယ်မှာ စိတ်ပညာ (Psychology) အရ ခိုင်မာတဲ့ အမှန်တရားတစ်ခု ရှိနေပါတယ်။

⏳ အစပိုင်းမှာတော့ လုံးဝမတူညီတဲ့ နောက်ခံတွေ၊ ပတ်ဝန်းကျင်တွေကနေ လာကြတဲ့ လူနှစ်ယောက်ဟာ အချိန်တွေ ကြာလာတဲ့အခါ...
🔹အတူတူ ပျော်ပျော်ပါးပါး ရယ်မောကြတယ်၊
🔹ဘဝရဲ့ စိန်ခေါ်မှုနဲ့ အခက်အခဲတွေကို အတူတူ ရင်ဆိုင်ကျော်ဖြတ်ကြတယ်၊
🔹အတွေးအခေါ်နဲ့ စိတ်ကူးအိပ်မက်တွေကို မျှဝေခံစားကြတယ်။

💞 ဒီလိုနဲ့ တစ်ယောက်ရဲ့ အငွေ့အသက်တွေ၊ အမူအရာတွေနဲ့ စရိုက်တွေက နောက်တစ်ယောက်ဆီကို မသိမသာ စီးကူးသွားရင်းကနေ ကြည့်လိုက်ရင် ရုပ်ချင်းပါ ဆင်လာတတ်ကြတာပါ။ စိတ်ပညာရှင်တွေရဲ့ လေ့လာချက်အရ ဒီလိုဖြစ်ရတဲ့ အဓိက လျှို့ဝှက်ချက် (၃) ချက် ရှိပါတယ်။

၁။ နေထိုင်မှုပုံစံ တူညီလာခြင်း

အချိန်အကြာကြီး အတူတူ နေထိုင်လာကြတဲ့အခါ အစားအသောက်၊ အိပ်ချိန်၊ နေထိုင်မှု အလေ့အထနဲ့ ရာသီဥတုတစ်ခုတည်းကိုပဲ အတူတူ ဖြတ်သန်းကြရပါတယ်။ ဒီလို Lifestyle ချင်း တူညီလာတာက ခန္ဓာကိုယ်ရဲ့ ကျန်းမာရေးနဲ့ အသားအရေ အသွင်အပြင်ကိုပါ လိုက်ပြီး ပြောင်းလဲစေတာကြောင့် ဖြစ်ပါတယ်။

၂။ မသိစိတ်က တုပမိခြင်း

ကိုယ်ချစ်ရတဲ့သူ၊ အမြဲတမ်း အနားမှာရှိနေတဲ့သူရဲ့ ရယ်မောပုံ၊ စကားပြောပုံနဲ့ မျက်နှာအမူအရာတွေကို ကိုယ်တိုင်တောင် မသိလိုက်ဘဲ လိုက်လုပ်မိတတ်ကြပါတယ်။ နှစ်တွေကြာလာတဲ့အခါ မျက်နှာပေါ်က ကြွက်သားတွေကို အသုံးပြုပုံချင်း ဆင်တူသွားပြီး ရုပ်ချင်းပါ ထပ်တူကျသလို ခံစားရစေတာပါ။

၃။ နက်ရှိုင်းတဲ့ စာနာနားလည်မှု
တစ်ယောက်ရဲ့ ခံစားချက်ကို တစ်ယောက်က နက်နက်ရှိုင်းရှိုင်း စာနာနားလည်ပေးနိုင်တဲ့ စုံတွဲတွေဟာ ပျော်ရွှင်စရာ၊ ဝမ်းနည်းစရာတွေကို အတူတူ ရင်ဘတ်ချင်းမျှပြီး ခံစားတတ်ကြပါတယ်။ အဲဒီလို ခံစားချက်ချင်း ထပ်တူကျမှုက မျက်နှာအမူအရာချင်းကို ပိုပြီး တူညီလာစေတဲ့ အဓိကသော့ချက်ပါပဲ။

🌱 တကယ်တော့... ရုပ်ချင်းဆင်လာတာထက် ပိုပြီး လှပပြီး တန်ဖိုးရှိတာက "စိတ်ချင်း၊ အတွေးအခေါ်ချင်း တူညီပြီး တစ်ယောက်ကိုတစ်ယောက် နားလည်ပေးနိုင်တဲ့ Healthy Relationship တစ်ခု" ကို အတူတူ တည်ဆောက်နိုင်ခဲ့ခြင်းပါပဲ။

💬 ကိုယ့်အနားမှာရော အချိန်ကြာလာတာနဲ့အမျှ စိတ်ချင်းရော ရုပ်ချင်းပါ ဆင်တူလာရလောက်အောင် တွဲဖက်ညီတဲ့ လက်တွဲဖော် ရှိနေပြီလား?

ရှိတယ်ဆိုရင် ကိုယ့်ရဲ့ တစ်ဦးတည်းသော ဘဝလက်တွဲဖော်ကို ဒီပိုစ့်အောက်မှာ Mention ခေါ်ပြီး အချစ်တွေကို ပြသလိုက်ပါဦး။ 🥰👇

🧭 "ကိုယ့်ဘဝအတွက် အကောင်းဆုံး ရင်ဖွင့်တိုင်ပင်ရာ - Mindspire"

With Love,
Aung Htet Khant (International Certified Coach)

#အောင်ထက်ခန့်

လူတစ်ယောက်၏ ဘဝအောင်မြင်မှုသည် ငွေကြေးတစ်ခုတည်းပေါ်မူတည်နေခြင်းမဟုတ်ပါ။ ကျန်းမာရေးကောင်းခြင်း၊ စိတ်တည်ငြိမ်ခြင်း၊ ပညာတိုးတက်ခြင်း၊ လူမှုဆက်ဆံရေးကောင်းမွန်ခြင်းနှင့် ငွေကြေးစီမံခန့်ခွဲမှုကောင်းမွန်ခြင်းတို့ ပေါင်းစပ်မှသာ ဘဝတစ်ခုလုံး တည်ငြိမ်ပြီး ရေရှည်အောင်မြင်နိုင် ပါမည်။

ဒါကြောင့် နေ့စဉ်ဘဝတွင် မဖြစ်မနေ ဂရုစိုက်ဆောင်ရွက်သင့်သည့် အချက် (၅) ချက်ကို မျှဝေ ပေးလိုက်ပါတယ်။

၁။ "ကျန်းမာရေးကို ဦးစားပေးပါ"

ကျန်းမာရေးသည် လူတစ်ယောက်၏ အကြီးမားဆုံးပိုင်ဆိုင်မှုဖြစ်သည်။ ငွေကြေးများစွာ ရရှိထားသော်လည်း ကျန်းမာရေးမကောင်းပါက ဘဝအရသာကို အပြည့်အဝ မခံစားနိုင်ပါ။ အလုပ်လုပ် နိုင်စွမ်း၊ စိတ်ဓာတ်တက်ကြွမှုနှင့် မိသားစုတာဝန်များအားလုံးသည် ကျန်းမာရေးပေါ် မူတည်နေပါသည်။

နေ့စဉ် အချိန်မှန်အိပ်စက်ခြင်း၊ အာဟာရပြည့်ဝသော အစားအစာ စားသုံးခြင်း၊ ကိုယ်လက် လှုပ်ရှားမှုလုပ်ခြင်းနှင့် စိတ်ဖိစီးမှုလျှော့ချနိုင်ရန် အနားယူချိန်ထားရှိပြီး အပြည့်အဝ အနားယူခြင်း တို့ကို လုပ်ဆောင်သင့်ပါသည်။ ကျန်းမာရေးကောင်းမွန်ခြင်းသည် ကုသစရိတ်များကို လျှော့ချပေးနိုင်ပြီး အနာဂတ်ဘဝအတွက် အားကောင်းသော အခြေခံအုတ်မြစ် တစ်ခုဖြစ်ပါသည်။

၂။ "စိတ်တည်ငြိမ်မှုကို ထိန်းသိမ်းပါ"

လူဘဝတွင် ပြဿနာများ၊ ဖိအားများနှင့် မမျှော်လင့်ထားသော အခြေအနေများ မကြာခဏ ကြုံတွေ့ရတတ်ပါသည်။ ထိုအချိန်များတွင် စိတ်တည်ငြိမ်နိုင်သူသည် ဆုံးဖြတ်ချက်မှန်များ ချနိုင်ပြီး ဘဝကို ပိုမိုကောင်းမွန်စွာ ဦးဆောင်နိုင်ပါသည်။

စိတ်တည်ငြိမ်မှုရရှိစေရန် မနက်ပိုင်းတွင် တိတ်ဆိတ်စွာ အနားယူခြင်း၊ တရားထိုင်ခြင်း၊ စာဖတ်ခြင်း သို့မဟုတ် မိမိနှစ်သက်သော အရာများကို လုပ်ဆောင်ခြင်းက အထောက်အကူပြုပါသည်။ အဆိုးမြင်စိတ်များကို လျှော့ချပြီး အကောင်းမြင်စိတ်ကို မွေးမြူထားခြင်းသည်လည်း စိတ်ကျန်းမာရေး အတွက် အရေးကြီးပါသည်။ Positive Thinking အပေါင်းလက္ခဏာဆောင်သော စိတ်ကူးအတွေးများ ကိုသာ ဦးစားပေး မွေးမြူပါ။ စိတ်တည်ငြိမ်သူသည် မိသားစု၊ အလုပ်နှင့် လူမှုဆက်ဆံရေးများတွင် ပိုမို အောင်မြင်တတ်ပါသည်။

၃။ “ပညာနှင့် ကျွမ်းကျင်မှုကို တိုးတက်အောင်လုပ်ပါ”

ယနေ့ခေတ်သည် ပြိုင်ဆိုင်မှုများသော ခေတ်ဖြစ်သောကြောင့် မိမိကိုယ်ကို အမြဲတိုးတက် နေစေရန် လေ့လာသင်ယူနေဖို့ လိုအပ်ပါသည်။ ပညာနှင့် ကျွမ်းကျင်မှုသည် အခွင့်အလမ်းအသစ်များ ဖန်တီးပေးနိုင်ပြီး ဝင်ငွေတိုးတက်စေသည့် အဓိကအရာတစ်ခုလည်း ဖြစ်ပါသည်။
နေ့စဉ် စာဖတ်ခြင်း၊ Online Courses များလေ့လာခြင်း၊ အတွေ့အကြုံရှိသူများထံမှ သင်ယူခြင်း နှင့် မိမိလုပ်ငန်းနယ်ပယ်အတွက် လိုအပ်သော ကျွမ်းကျင်မှုများကို တိုးတက်အောင် လုပ်ဆောင်သင့်ပါ သည်။ လေ့လာမှုမရပ်တန့်သောသူသည် အချိန်ကြာလာသည်နှင့်အမျှ တန်ဖိုးမြင့်မားလာပြီးအောင်မြင်မှု အခွင့်အရေးများ ပိုမိုရရှိလာမည်ဖြစ်ပါသည်။

၄။ “လူမှုဆက်ဆံရေးကောင်းအောင်လုပ်ပါ”

လူကောင်းများနှင့် ဆက်ဆံနိုင်ခြင်းသည်ဘဝအောင်မြင်မှုအတွက်အရေးကြီးသောအစိတ်အပိုင်း တစ်ခုဖြစ်ပါသည်။ လူမှုဆက်ဆံရေးကောင်းမွန်သူများသည် အခွင့်အရေးများ ပိုမိုရရှိ တတ်ပြီး အခက်အခဲများ ကြုံလာချိန်တွင်လည်း ကူညီထောက်ပံ့ပေးမည့်သူများ ရှိနေတတ်ပါသည်။

ရိုးသားမှု၊ ယုံကြည်စိတ်ချရမှု၊ အပြန်အလှန်လေးစားမှုနှင့် ကူညီလိုစိတ်တို့ဖြင့် ဆက်ဆံသင့် ပါသည်။ မိသားစု၊ မိတ်ဆွေများ၊ လုပ်ဖော်ကိုင်ဖက်များနှင့် ဆက်ဆံရေးကောင်းမွန်ခြင်းသည် စိတ်ချမ်းသာမှုကိုလည်း တိုးစေပါသည်။

တစ်ယောက်တည်း အောင်မြင်နိုင်ခြင်းထက် လူကောင်းများနှင့် ပူးပေါင်းနိုင်သူသည် ပိုမိုကြီးမား သော အောင်မြင်မှုများ ရရှိတတ်ပါသည်။

၅။ “ငွေကြေးကို စနစ်တကျ စီမံခန့်ခွဲပါ”

ငွေရှာနိုင်ခြင်းထက် ငွေကို စနစ်တကျ စီမံခန့်ခွဲနိုင်ခြင်းက ပိုအရေးကြီးပါသည်။ ဝင်ငွေကောင်း ရှိသော်လည်း စနစ်တကျသုံးစွဲခြင်းမရှိပါက အနာဂတ်တွင် ငွေကြေးအခက်အခဲများ ကြုံတွေ့နိုင်ပါ သည်။

ဒါကြောင့် ဝင်ငွေနှင့် ထွက်ငွေကို စနစ်တကျ မှတ်တမ်းတင်ခြင်း၊ မလိုအပ်သော အသုံးစရိတ်များ လျှော့ချခြင်း၊ အရေးပေါ်ရန်ပုံငွေ စုဆောင်းထားခြင်းနှင့် အနာဂတ်အတွက် ရင်းနှီးမြှုပ်နှံမှုများ ပြုလုပ် ထားခြင်းတို့ လိုအပ်ပါသည်။

အထူးသဖြင့် မိမိကျန်းမာရေးနှင့် မိသားစုကျန်းမာရေးအတွက် ကြိုတင်ပြင်ဆင်ထားရန် အလွန် အရေးကြီးပါသည်။ ယနေ့ခေတ်တွင် ဆေးကုသစရိတ်များ မြင့်တက်လာသောကြောင့် မမျှော်လင့်ထား သောရောဂါများ၊ မတော်တဆမှုများ ဖြစ်ပေါ်လာချိန်တွင် ငွေကြေးအခက်အခဲ မဖြစ်စေရန် ကျန်းမာရေးအာမခံ (Health Insurance) နှင့် အသက်အာမခံ (Life Insurance) များ ဆောင်ထားသင့် ပါသည်။

ကျန်းမာရေးအာမခံသည် ကုသစရိတ်များကို ကူညီပေးနိုင်ပြီး အသက်အာမခံသည် မိသားစု၏ အနာဂတ်ဘဝကို ကာကွယ်ပေးနိုင်ပါသည်။ ၎င်းတို့သည် ကုန်ကျစရိတ်တစ်ခု မဟုတ်ဘဲ မိသားစု အနာဂတ်အတွက် အရေးကြီးသော ငွေကြေးကာကွယ်မှုတစ်ခု ဖြစ်ပါသည်။

နေ့စဉ်လုပ်ဆောင်သင့်သည့် ဒီအချက်(၅)ချက်ကို အလေ့အကျင့်ကောင်းအဖြစ် ဆောင်ရွက်ပြီး ဘဝတည်ငြိမ်မှု၊ စိတ်ချမ်းသာမှုနှင့် အောင်မြင်မှုများကို ရရှိခံစားနိုင်ကြပါစေ။

Crd
# #

Ko Han Myo Win