Healthy Prince

ကျွန်တော်တို့ မြန်မာအမျိုးသားများသည် ပန်းသေပန်းညှိုးရောဂါ ဖြစ်ပွားနေလျှင်တောင်မှ အရှက်အကြောက်ကြီးသူများဖြစ်သည့် အားလျော်စွာ မည်သူ့မှမပြောရဲ၊ ဆေးခန်းမပြရဲ ဖြစ်တတ်ကြသည်။ ဤကျန်းမာရေးပြဿနာသည် အဖြစ်များသော ရောဂါတစ်ခုဖြစ်ပြီး တစ်ကမ္ဘာလုံးရှိ အသက် ၄၀ မှ ၇၀ အတွင်းရှိ အမျိုးသားအားလုံး၏ ၅၀% အထိ ဖြစ်ပွားလျက်ရှိပါသည်။ ထိုအခါ လက်လှမ်းမီရာ ဆေးမြီးတိုများဖြင့် မိမိဘာသာကုသလိုက်ကြရာက အခြေအနေပိုဆိုးသည်အထိ ဖြစ်သွားတတ်သည်။ ထို့ကြောင့် ကုသရလွယ်ကူသည်ကို ခက်ခဲအောင် ပြုလုပ်သလိုဖြစ်နေသည်။

ပန်းသေပန်းညှိုးရောဂါမှာ ကြိုတင်ကာကွယ်၍ရနိုင်သော ရောဂါတစ်ခုလည်းဖြစ်သည်။ ဤရောဂါသည် တခြားရောဂါများ (ဥပမာ- ဆီးချိုသွေးချိုရောဂါ၊ သွေးတိုးရောဂါ) ၏ နောက်ဆက်တွဲ ပြဿနာတစ်ရပ်ဖြစ်သလို အဆိုပါရောဂါများကိုကုသည့် ဆေးဝါးများကြောင့် ဖြစ်တတ်သည်ကိုလည်း သိရှိသူ နည်းနေပါသေးသည်။

ပန်းသေပန်းညှိုးရောဂါဆိုသည်မှာ အမျိုးသားတစ်ယောက်သည် အမျိုးသမီးတစ်ယောက်နှင့် အတူနေရန် (လိင်ဆက်ဆံရန်) အတွက် အမျိုးသားအင်္ဂါမှာ လုံလောက်သော မာကျောမှု၊ ထောင်မတ်မှုမရှိခြင်းကို ဆိုလိုခြင်းဖြစ်သည်။ တချို့တွင် အစပိုင်းကတည်းက မာကျောမှုမရှိဘဲ ဖြစ်တတ်သလို တချို့မှာ အစပိုင်းတွင်သာ မာကျောသော်လည်း နောက်ပိုင်းတွင် မာကျောမှု မရှိတော့ဘဲ တစ်ခဏအတွင်း ပြန်ကျသွားပါသည်။ ထိုကဲ့သို့ဖြစ်ခြင်းကို ပန်းသေပန်းညှိုးရောဂါဟု သတ်မှတ်ပါသည်။

ပန်းသေပန်းညှိုးရောဂါကို ယခင်က Impotence ဟုခေါ်ပြီး ယခု ဆေးပညာအခေါ်အဝေါ်အရ Erectile dysfunction (ED) ဟုခေါ်သည်။ Erect ဆိုသည်မှာ အဆောက်အအုံများဆောက်လျှင် တိုင်များကို ထောင်မတ်ခြင်းကိုဆိုလိုပြီး Function မှာ လုပ်ငန်းလုပ်ဆောင်ခြင်းဖြစ်သည်။ Dysfunction သည် အလုပ်ကောင်းကောင်း မလုပ်နိုင်ခြင်း၊ ချို့ယွင်းခြင်းကို ဆိုလိုပြီး ထောင်မတ်ခြင်းနှင့်ပတ်သက်သော ချို့ယွင်းမှုဟူ၍ အဓိပ္ပာယ်ရပါသည်။ ဆိုလိုသည်မှာ စိတ်ကျေနပ်လောက်သော လိင်ဆက်ဆံမှု (Intercouse) မရနိုင်သောအခြေအနေအားလုံးကို ပန်းသေပန်းညှိုးရောဂါဟူ၍ သတ်မှတ်ပြီး ထိုရောဂါမှာ သာမန် Impotence ဆိုသော စကားလုံးထက် ပို၍လေးနက်ကျယ်ပြန့်သည်။

ဒေါက်တာခင်မောင်လွင် (FAME)

ကိုးကားချက် - "ပန်းသေပန်းညှိုးရောဂါ" စာအုပ်မှ ထုတ်နုတ်ဖော်ပြသည်။

👉https://t.me/drkhinmaunglwin
👉https://t.me/drkhinmaunglwingroup

2023 Update FAME Products Catalogue & Price 🙏

ရှီးပဒီးကို ရိုးရာတိုင်းရင်းဆေး၌ အသုံးပြုပုံ
=======================
လွန်ခဲ့သော နှစ်ထောင်ပေါင်းများစွာကပင် ရှီးပဒီး/ ပိုးဆေးနွယ်ရှင်ကို တရုတ်ရိုးရာ တိုင်းရင်းဆေးပညာ၌ အသုံးပြုခဲ့သည်ဟု မှတ်တမ်းများအရ သိရသည်။ အစောဆုံး စာပေအထောက်အထားအနေနှင့် ၁၇၅၇ ခုနှစ် ချင်မင်းဆက် (Qing Dynasty) လက်ထက်တွင် စတင်ဖော်ပြထားသည်ကို တွေ့ရှိရပါသည်။ ထိုအချိန်ကာလက ရေးသားထုတ်ဝေခဲ့သော ဘင်ဆောင်ကုမ်းရှင်း တရုတ်ဆေးကျမ်းစာအုပ်
[Ben-Cao-Cong-Xin (New Compilation of Materia Medica)] စာအုပ်တွင် ရှီးပဒီးသည် ရောဂါအများစုကို ပျောက်ကင်းစေနိုင်သည့် အလွန်ရှားပါးပြီး တန်ဖိုးကြီးမြင့်သော သဘာဝဆေးစွမ်းကောင်းတစ်လက် ဖြစ်ကြောင်း ဖော်ပြထားပါသည်။ ယင်း၏ ရှားပါးခြင်း၊ တန်ဖိုးကြီးမြင့်ခြင်းနှင့် အစွမ်းအာနိသင် ထက်မြက်ခြင်းတို့ကြောင့် တရုတ်ဧကရာဇ်ကိုသာ ကုသပေးရန်အတွက် သီးခြားထားရှိခဲ့ကြောင်းကို ရေးသားဖော်ပြထားပါသည်။

ယင်းသို့ကုသရာတွင် ကျောက်ကပ်ရောဂါအမျိုးမျိုး၊ အဆုတ်ရောဂါအမျိုးမျိုး၊ နှလုံးအားနည်းခြင်း၊ အသည်းရောဂါနှင့် အဆီများသောရောဂါများအတွက် အဓိကအသုံးပြုခဲ့ကြသည်။ ထူးခြားမှုအနေနှင့် လိင်စိတ်တက်ကြွစေရန် လှုံ့ဆော်ရာတွင်လည်းကောင်း၊ သားသမီးမရသူများ သန္ဓေအောင်စေရန်လည်းကောင်း အသုံးပြုရာ၌ ထိရောက်မှုရှိကြောင်း မှတ်တမ်းများအရ သိရပါသည်။ ရှေးခေတ်ကပင်ရှိခဲ့သည့် အလုံးအကျိတ် ကင်ဆာအမျိုးမျိုးကိုပါ သက်သာပျောက်ကင်းစေကြောင်းလည်း သိရပါသည်။

ယခုအခါ ကမ္ဘာ့ကျန်းမာရေးအဖွဲ့၏ ဦးဆောင်မှုဖြင့် နိုင်ငံတကာတွင် တိုင်းရင်းဆေး သုတေသနလုပ်ငန်းများ စဉ်ဆက်မပြတ် ဆောင်ရွက်လျက်ရှိရာ ရှီးပဒီးကိုလည်း လေ့လာမှုများစွာ ပြုလုပ်ခဲ့ကြသည်။ ယင်းသို့ပြုလုပ်ရာတွင် လူအများစု၌ စမ်းသပ်လေ့လာတွေ့ရှိချက်များအရ အထက်ဖော်ပြပါ အာနိသင်များ စစ်မှန်ကြောင်းကို သက်သေပြနိုင်ခဲ့သည့်အပြင် တိရစ္ဆာန်များ၌ စမ်းသပ်တွေ့ရှိချက်များမှတစ်ဆင့် ရှီးပဒီး၏ စွမ်းဆောင်ရည်များကို ပိုမိုသိရှိနားလည်လာခဲ့ကြသည်။

ရှီးပဒီးကို ဖြည့်စွက်အာဟာရအဖြစ်အသုံးပြုပုံ
=========================
ရှီးပဒီးသည် ရောဂါအများစုကို သက်သာပျောက်ကင်းစေရန် ကုသရာတွင် အသုံးပြုနိုင်သည့်အပြင် ကျန်းမာရေးပုံမှန်ကောင်းမွန်စေရန်အတွက် ဖြည့်စွက်အာဟာရအဖြစ်လည်း သုံးစွဲနိုင်ပါသည်။ ထိုကဲ့သို့သုံးစွဲခြင်းဖြင့် ကိုယ်ခံအားစနစ် ကောင်းမွန်စေခြင်း၊ မောပန်းမှုကို ပြေပျောက်စေခြင်းနှင့် သက်လုံကောင်းစေခြင်းစသည့် ကောင်းကျိုးများစွာ ရရှိစေပါသည်။

ရှီးပဒီးကို ဖြည့်စွက်အာဟာရအဖြစ် အသုံးပြုရာတွင် ရေနွေးကြမ်းသောက်သကဲ့သို့ ရေနွေးပူပူထဲ၌ စိမ်၍သောက်ခြင်းဖြင့် ထူးခြားသော ဆေးဖက်ဝင်အာနိသင်များကို ရရှိစေပါသည်။ ရှီးပဒီး လက်ဖက်ရည်ကြမ်းကို တရုတ်ပြည်၊ တိဘက်နှင့် ဘူတန်နိုင်ငံတို့တွင် အထူးဧည့်သည်များကို ကြိုဆိုသည့်အနေနှင့် အသုံးပြုလေ့ရှိသည်။

ရှီးပဒီးသည် လူစား၍ရသော မှိုတစ်မျိုးဖြစ်သောကြောင့် ဒေသခံများက ဟင်းလျာအဖြစ်လည်း (Culinary uses) ချက်ပြုတ်စားသောက်လေ့ရှိသည်ကို တွေ့ရှိရပါသည်။ အထူးသဖြင့် ကြက်သား၊ ဘဲသား၊ ဝက်သား၊ ပုစွန်တို့နှင့် ချက်ပြုတ်ပါက လွန်စွာအရသာရှိကြောင်း သိရပါသည်။ ထူးကဲသောအရသာရှိသည့်အပြင် ကျန်းမာရေးကို အထောက်အကူပြုသည်ဟု ယုံကြည်ကြသဖြင့် ဈေးကြီးပေးပြီး ဝယ်ယူစားသုံးလေ့ရှိပါသည်။

ဒေါက်တာခင်မောင်လွင် (FAME)

ကိုးကားချက် - "ဆေးဖက်ဝင် ပိုးဆေးနွယ်ရှင်" စာအုပ်မှ ထုတ်နုတ်ဖော်ပြသည်။