Myanmar Authentic Phoenix
Share
09/11/2022
ရန်ကုန်ရွှေအသင်း - YGEA အခေါက်ရွှေ ကြမ်းခင်းဈေး ကျပ်သိန်း (၂၀) ကျော်လာ +++++
ကမ္ဘာ့ရွှေဈေးတစ်အောင်စ အမေရိကန်ဒေါ်လာ (၁၇၁၁) ကို ရောက်ရှိလာချိန် ရန်ကုန်တိုင်းဒေသကြီး ရွှေလုပ်ငန်းရှင်များအသင်း (YGEA) ရဲ့ ရည်ညွှန်းကြမ်းခင်းဈေးက ကျပ် (၂၀၁၅၀၀၀) ကို ပြန်လည်မြင့်တက်လာခဲ့ပါတယ်။ တရားမဝင်ဈေးကွက်မှာ တစ်ကျပ်သား ကျပ် (၂၆) သိန်းကျော်နဲ့ တစ်ဒေါ်လာပေါက်ဈေး ကျပ် (၃၀၀၀) ပတ်ချာလည်မှာ ရှိနေပါတယ်။
သတင်း - BETV Business
08/11/2022
ညီတယောက်က " ကျနော်အကြိုက်ဆုံးကဘေလီလှမင်းအေး ” တဲ့။ ဘေလီဆိုတော့ " ဘေလီတံတား" သတိရမိတယ်။
“ ဘီလီ (Billy) လမင်းအေး ” မှမှန်မယ်။ “ ဘေလီ (Bailey) လမင်းအေး ” မဟုတ်ဘူး။ Billy နဲ့ Bailey ကိုနာမည်အနေနဲ့အဖိုအမနှစ်မျိုးသုံးနိုင်တယ်။
၁၉၈၈ အရေးတော်ပုံမတိုင်ခင်
ရန်ကုန်တဝိုက်မှာရှိတဲ့ "ဘေလီတံတား" ကအခုအမှတ်(၂)လမ်းမကြီးခေါ်တဲ့တိုးကြောင်လေး-ရွာသာကြီးလမ်းမှာတစ်စင်းပဲရှိတယ်(မှတ်မိသလောက်)။အချို့ကသံတံတားတဲ့၊ဘေလီမဟုတ်ဖူးတဲ့။
တံတားကိုရန်ကုန်-မန္တလေးမီးရထားလမ်းနဲ့အပြိုင်ဆောက်ထားတာ။ငမိုးရိပ်ချောင်းဖြတ်ပြီးဆောက်ထားတဲ့အင်္ဂလိပ်ခေတ်လက်ကျန်ဘေလီတံတား။ဘေလီတံတားကိုဖျက်ပြီး RC ကွန်ကရစ်တံတားအသစ်ဆောက်ထားတာကြာပြီ။
၁၉၈၉ မြောက်ဒဂုံမြို့သစ်တည်တော့ပါရမှီဘေလီတံတားဆိုတာပေါ်လာတယ်။တောင်ဥက္ကလာ - မြောက်ဒဂုံကိုဆက်ပေးထားတာ။ဒီဘေလီတံတားကိုဖျက်သိမ်းပြီး
၂၀၁၂ မှာ RC ကွန်ကရစ်တံတား
အသစ်ဖွင့်လိုက်ပြီ။ဘတ်စ်ကားခရီးသည်အခုထိ "ပါရမှီဘေလီ" ခေါ်နေတုံးပဲ။
"ဘေလီတံတား" ဆိုတာတံတားဒီဇိုင်းဆွဲတဲ့ဒုတိယကမ္ဘာစစ်တွင်းက အင်္ဂလိပ်စစ်တပ်အရပ်သားအင်ဂျင်နီယာ “ Donald Bailey ” ကိုအစွဲပြုခေါ်တာပါ။ဖြုတ်တပ်လွယ်ပြီးကြိုတင်ပုံစံထုတ်ထားတဲ့သံမဏိသံဘောင်တံတားပါ။စစ်အတွင်းမှာစစ်သုံးယာဉ်များမြစ်ချောင်းကိုအလွယ်တကူဖြတ်ကျော်နိုင်အောင်ပုံစံထုတ်ထားတာ။ဒုတိယကမ္ဘာစစ်အတွင်းမဟာမိတ်တပ်များအမြန်စစ်ချီနိုင်တာ "ဘေလီတံတား" များကြောင့်ပါ။
မဟာမိတ်စစ်သေနာပတိဗိုလ်ချုပ်ကြီးမောင်ဂိုမာရီက Sir ဘွဲ့ချီးမြင့်ခံရတဲ့ဘေလီတံတားဒီဇိုင်းအင်ဂျင်နီယာ Donald Coleman Bailey (၁၉၀၁-၁၉၈၅) ကိုဒီလိုချီးကျူးခဲ့တယ်။
“ ဘေလီတံတားသာမရှိခဲ့ရင်
ဒုတိယကမ္ဘာစစ်ကိုငါတို့မနိုင်ဘူး”
မြန်မာနိုင်ငံအနှံ့အပြားမှာဘေလီတံတားအများကြီးရှိပါသေးတယ်။ဓါတ်ပုံကအိန္ဒိယမြန်မာနယ်ခြားတမူး-မိုးရေး ဘေလီတံတားထင်ရှားအရေးပါတယ်။အခုရှိသေးရဲ့လားမသိဘူး။
Ref : wikipedia.org
#လွင်ဦး_ရန်ကင်း
Click here to claim your Sponsored Listing.
