HaHa Jack

🍂ကိုယ်ကောင်းလို့ သူကောင်းမယ်အထင်နဲ့ မျှော်လင့်ချက်မထားနဲ့ လူ-လူချင်းတူပေမဲ့စိတ်ဓါတ်ချင်းတော့ကွာတယ်။

🍂ကိုယ်ခံစားရသလို သူခံစားရမယ်အထင်နဲ့ ကိုယ်ချင်းစာစိတ်အပြည့် လူတိုင်းအပေါ်မထားမိ‌စေနဲ့ လူ-လူချင်းတူပေမဲ့ ‌ကိုယ်ချင်းစာနာတတ်တဲ့စိတ် ရှိတာချင်းမတူဘူး။

🍂မိဘနှစ်ပါးက မွေးတာချင်းတူရင်တောင် ပညာတတ်တာနဲ့ ပညာမတတ်တာထက် အသိညဏ်ရှိတာနဲ့အသိညဏ်နည်းတာကွာပြီး တွေးခေါ်ပုံတွေကွဲပြားသွားကြသေးတာပဲ။

🍂လူထဲက လူချင်းအတူတူ စိတ်ဓါတ်ချင်း၊ခံယူပုံချင်းမတူတာကို မျှော်လင့်ချက်အမှားတွေထားပြီး
မိမိကိုယ်ကိုယ်အပစ်မတင်ပါစေနဲ့။

🍂တကယ်တမ်းတော့ သူမကောင်းနိူင်တာ သင့်အကြောင်းမဟုတ်လို့ သင်သာလျှင်ကောင်းအောင်နေထိုင်ပါ။
ပေးဆပ်ခြင်းတိုင်းမှာ ပြန်ရမယ်လို့ပုံသေ သက်မှတ်မထားဘူး ဘယ်သူပဲဖြစ်ဖြစ် သိတတ်တဲ့သူကသိတတ်မှာပါပဲ။

🍂အများကြီးမတွေးနဲ့ယခုခေတ်မှာ အနန္တဂိုဏ်းဝင် ကျေးဇူးရှင်မိဘနှစ်ပါးတောင်မှ ပစ္စုပ္ပါန်မှာ ဘယ်သားသမီးက မိဘကျေးဇူးသိတတ်နားလည် မလဲဆိုတာ သိပ်မသေချာဘူး။

🍂ဒါကြောင့် သင်ချစ်ခင်ရတဲ့ သူငယ်ချင်း‌၊မိတ်ဆွေ၊မောင်နှမသားချင်းတွေထက် သင့်ကိုယ်သင်သာအားကိုးပါ ။သင့်ကိုယ်သင်ပဲ မျှော်လင့်ချက်ထားပါ။

🍂ဗုဒ္ဓဘုရားရှင်ဟောထားတဲ့တရားအတိုင်း မိမိသည်သာ မိမိရဲ့ အားကိုရာအစစ်ပါ။တစ်ချိန်ကြရင် ချစ်ပါတယ်ခင်ပါတယ်ဆိုတဲ့သူတွေက သင့်အနားမှာ တစ်သက်လုံးနေသွားမယ်လို့ အာမခံချက်မရှိပါဘူး။

🍂သင့်ရဲ့ရုပ်ခန္ဓာတောင်မှ အချိန်တန်ရင် မမြဲခြင်းတရားပဲမို့ မမြဲတဲ့အရာတွေအပေါ်မှာ အာသိတထားပြီး မျှော်လင့်ချက်ထားရင် သင်ပဲစိတ်ပင်ပန်းရပါလိမ့်မယ်။

🍂လွှတ်ချသင့်တာ လွှတ်ချပြီး
စွန့်လွှတ်သင့်တာ စွန့်လွှတ်ပါ
ဘဝကခဏပဲမို့ စိတ်တွေပင်ပန်းပြီး မရှင်သန်ပါနဲ့ လွတ်လပ်စွာပျံသန်းလိုက်ပါ သဘာဝတရားကြီးကအလှတရားတွေနဲ့ပြည့်နေပါတယ်။

#မေဆု(ရာမညမြေ) #2023
#မေဆုအတွေးရသစာစုလေးများ