AKM Art and Blog

Page မှာ Post တင်လိုက်တယ်။ နာရီဝက်လောက်ကြာတော့ ပြန်ဝင်ကြည့်တယ်။ Like မရှိ၊ Comment မရှိ၊ လူလဲသိပ်မမြင်ရ၊ Reach ကလဲကျ...။ ကိုယ်တစ်ယောက်တည်း လေထဲကိုအော်ပြောနေရသလို ခံစားချက်မျိုး သင့်မှာလဲ ဖြစ်ဖူးမှာပါ။

ဘာကြောင့် ဒီလိုဖြစ်ရတာလဲ?
အဖြေကတော့ ကျွန်တော်တို့ တင်လိုက်တဲ့ Content တွေက အစွန်းနှစ်ဖက်ကို ရောက်သွားလို့ပါပဲ။

အစွန်းတစ်ဖက် (အရမ်းပျင်းစရာကောင်းသွားခြင်း)
ဒါကတော့ ကိုယ့်ပစ္စည်းအကြောင်းချည်းပဲ ပြောတဲ့ Post တွေပါ။ "ပစ္စည်းအသစ်ရောက်ပြီ၊ ဒီမှာ Quality ဘယ်လောက်ကောင်းကြောင်း၊ ဘာတွေနဲ့လုပ်ထားကြောင်း..." စသဖြင့် ဗဟုသုတ (သုတ) တွေချည်းပဲ ပေးနေတော့ လူတွေက ကြော်ငြာလို့မြင်ပြီး Swipe ကျော်သွားကြပါတယ်။

နောက်အစွန်းတစ်ဖက် (လုံးဝမသက်ဆိုင်ခြင်း)
ဒါကတော့ ရယ်ရရင်ပြီးရောဆိုပြီး Brand နဲ့ ဘာမှမဆိုင်တဲ့ ဟာသ Meme တွေ၊ Viral Video တွေကိုပဲ လိုက်တင်နေတာပါ။ လူတွေက ရယ်မောပြီး ခံစားမှု (ရသ) တော့ ရသွားပေမဲ့၊ သင့် Brand ကို ဘယ်သူမှ မှတ်မိမှာမဟုတ်သလို၊ သင့်ဆီကနေ ပစ္စည်းဝယ်ဖို့လည်း အကြောင်းမရှိပါဘူး။

===
ဒါဆို Reach ကောင်းပြီး လူတွေ တကယ်စိတ်ဝင်စားတဲ့ Content ဖြစ်ဖို့ ဘာလုပ်ရမလဲ?

အဖြေကတော့ အောင်မြင်တဲ့ Page တွေ အများစုသုံးနေတဲ့ ရိုးရှင်းပြီး အစွမ်းထက်တဲ့ ဖော်မြူလာတစ်ခုပါပဲ။ အဲ့ဒါကတော့...

သင်ကြားပါ + ဖျော်ဖြေပါ (Educate + Entertain)

မှန်ပါတယ်။ သင့်ရဲ့ Content ဟာ စာဖတ်သူကို တန်ဖိုးရှိတဲ့ အသိပညာတစ်ခုခုကို "သင်ကြားပေး" နိုင်ရမယ်။ တစ်ချိန်တည်းမှာပဲ အဲ့ဒီအသိပညာကို ပျင်းစရာမကောင်းအောင်၊ စိတ်ဝင်စားစရာကောင်းတဲ့ ပုံစံနဲ့ "ဖျော်ဖြေတင်ဆက်" နိုင်ရပါမယ်။ 'သုတ' နဲ့ 'ရသ' ကို မျှတအောင် ပေါင်းစပ်ပေးလိုက်တာပါပဲ။
===

ဒီဖော်မြူလာကို လက်တွေ့ဘယ်လိုအသုံးချမလဲဆိုတာ ဥပမာလေးတွေနဲ့ ကြည့်ရအောင်။

ဥပမာ (၁) - အသားအရေထိန်းပစ္စည်း (Skincare) ရောင်းသူ

"ကျွန်မတို့ Serum အသစ်မှာ Niacinamide 10% ပါဝင်ပါတယ်" (ဒါက သုတ သက်သက်မို့ ပျင်းစရာကောင်းပါတယ်)။

✅ လုပ်သင့်

"Niacinamide ကို သုံးတဲ့အခါ လူတွေ အလုပ်များဆုံး အမှား (၃) ခု" ဆိုပြီး မြူးကြွတဲ့ Trending သီချင်း၊ စာတန်းထိုးအလန်းစားလေးတွေနဲ့ Short Video တစ်ခုလုပ်ပါ။ ဒါဟာ မှန်ကန်တဲ့ သုံးစွဲပုံကို သင်ကြားပေး ရုံသာမက၊ ကြည့်ရှုလို့ကောင်းအောင်လည်း ဖျော်ဖြေပေး ရာရောက်ပါတယ်။

ဥပမာ (၂) - ကော်ဖီဆိုင်

"Americano တစ်ခွက် ၂၅၀၀ ကျပ်ဖြင့် ရရှိနိုင်ပါပြီ" (ဒါက ရိုးရှင်းတဲ့ ကြော်ငြာသက်သက်ပါ)။

✅ လုပ်သင့်

Barista တစ်ယောက်က ကော်ဖီစေ့ကြိတ်သံ၊ ရေနွေးငှဲ့ချသံ ASMR လိုမျိုးနဲ့ ပြီးပြည့်စုံတဲ့ Americano တစ်ခွက်ကို ဖျော်စပ်နေတဲ့ပုံကို ရိုက်ကူးတင်ပါ။ Caption မှာ "ကော်ဖီကောင်းတစ်ခွက်ရဲ့ လျှို့ဝှက်ချက်က ရေအပူချိန်ဆိုတာ သင်သိပါသလား 😉" လို့ထည့်လိုက်ပါ။

ဒါဟာ ဗဟုသုတလေးကို သင်ကြားပေး နေသလို၊ ကြည့်ရှုခံစားလို့ကောင်းအောင်လည်း ဖျော်ဖြေပေး နေတာပါ။

ဥပမာ (၃) - အဝတ်အထည်ဆိုင်

"တီရှပ်အဖြူ၊ 100% Cotton ပါတယ်" (ဒါက လူတိုင်းရေးနေကျပါ)။

✅ လုပ်သင့်
"ရိုးရိုးတီရှပ်အဖြူတစ်ထည်ကို ပုံစံ (၃) မျိုးနဲ့ မတူအောင် ဘယ်လိုဝတ်မလဲ?" ဆိုပြီး Style Guide Post တစ်ခုလုပ်ပါ။ ရုံးသွား၊ ကော်ဖီဆိုင်ထိုင်၊ ညနေခင်းချိန်းတွေ့ စတဲ့ အခြေအနေအမျိုးမျိုးနဲ့ လိုက်ဖက်အောင် ဝတ်ပြပါ။ ဒါဟာ Styling idea ကို သင်ကြားပေး ရုံသာမက၊ ကြည့်ရှုသူကို အတုယူချင်စိတ်ဖြစ်အောင် လှုံ့ဆော်ဖျော်ဖြေပေး ခြင်းလည်း ဖြစ်ပါတယ်။

===

အနှစ်ချုပ်ကတော့၊ "ငါ ဘာရောင်းရမလဲ" လို့ တွေးနေတာကို ရပ်ပြီး "ငါ့ Customer ကို ဘယ်လိုအကျိုးပြုရမလဲ" လို့ ပြောင်းတွေးလိုက်ပါ။
သူတို့ကို အသိပညာတွေနဲ့ အကျိုးပြုပါ (သင်ကြားပါ)။
သူတို့ကို ပျော်ရွှင်မှု၊ စိတ်လှုပ်ရှားမှုတွေနဲ့ အကျိုးပြုပါ (ဖျော်ဖြေပါ)။

သင်က သူတို့ကို အရင်အကျိုးပြုမယ်ဆိုရင်၊ သူတို့က သင့်ကို သူတို့ရဲ့ အာရုံစိုက်မှု၊ ယုံကြည်မှု၊ နောက်ဆုံးမှာတော့ သူတို့ရဲ့ ပိုက်ဆံတွေနဲ့ ပြန်ပြီး အကျိုးပြုပါလိမ့်မယ်။

သင့် Page မှာ သင်နောက်ဆုံးတင်ခဲ့တဲ့ Post (၅) ခုကို ပြန်ကြည့်ပါ။ Post တစ်ခုချင်းစီကို မေးခွန်းထုတ်ပါ - "ဒီ Post က တစ်ခုခုကို သင်ကြားပေးသလား?

ဒီ Post က တစ်ခုခုကို ဖျော်ဖြေပေးသလား?" နှစ်ခုလုံးရဲ့အဖြေ "No" ဖြစ်နေရင်တော့ သင် ဘာကိုပြင်ဆင်ရမယ်ဆိုတာ သိလောက်ပါပြီ။
===

အိုင်ဒီယာတစ်ခုခုရသွားမယ်ထင်ပါတယ်​
မင်္ဂလာညချမ်းလေးဖြစ်ပါစေ