CryTec

"Crypto နဲ့ နိုင်ငံရေး ဆက်စပ်မှု"

Crypto နဲ့ နိုင်ငံရေး ဆက်စပ်မှု ဟာ အရမ်းရှုတ်ထွေး ခတ်နေပါတယ်၊၊ သာမန်လူတွေ နားလည်နိုင်ဖို့ ခက်သလို ဘာ့ကြောင့် ဗဟိုဘဏ်ကို ကျော်ခွနိုင်တဲ့ အဆိုပါငွေကြေးမျိုး ကို နိုင်ငံတကာ အစိုးရတွေက ခွင့်ပြု ပေးထားရတာလဲဆိုတာကို လည်း သဘောပေါက်နိုင်ဖို့ ခဲ ယဉ်းလွန်းပါတယ်။

Paypal တည်ထောင်သူ တွေထဲက တယောက်ဖြစ်တဲ့ Peter Thiel ရဲ့ ပြောကြားချက်အရ ကောက်ချက်ဆွဲ မည် ဆိုလျှင် Crypto ဟာ နိုင်ငံရေးစကားအရ
ဒီမိုကရေစီ သဘောတရားဟု မှတ်ချက်ပြုနိုင်ပြီး AI နည်းပညာ ကတော့ ကွန်မြူနစ် သဘောတရားပါလို့ ကောက်ချက်ဆွဲ နိုင်ပါတယ်။

ယနေ့ခေတ် web3 နည်းပညာလို့ ပြောဆိုနေကြတဲ့ စကားလုံးဟာ ဒီမိုကရေစီသဘော အများကြီးပါနေပါတယ်။၂၀၁၄ ခုနှစ်တုန်းက Ethereum ငွေကြေးတည်ထောင်သူတွေထဲက တယောက်ဖြစ်တဲ့ Gavin Wood က နည်းပညာကုမ္ပဏီ ကြီးတွေရဲ့ အချက်အလက်တွေတွေအားကိုး ချုပ်ကိုင်နိုင်မှု လျော့ချချင်တာကြောင့် WEB3 ဗားရှင်းတခု အတွက် အယူအဆ ချဲ့ ထွင်ရာကနေ ဗဟိုချုပ်ကိုင်မှု လျော့ချနိုင်တဲ့ နည်းပညာ တခု အဖြစ် ပုံဖော်ခေတ်စားလာခဲ့တာလည်းဖြစ်ပါတယ်။

တဖက်တလမ်းမှာလည်း Economic ဘက်မှာ digital currency အတွက် Crypto ငွေကြေး နဲ့ အတူ သီးခြားလုံခြုံ လွတ်လပ်တဲ့ ပလက်ဖောင်းတည်ဆောက်ဖို့ Blockchain နည်းပညာနဲ့ ပေါင်းစပ်ခဲ့တာကြောင့် token-based economics ဆီ ကူးပြောင်းလာခဲ့ပါတယ်။

Crypto ဟာ stock market ရဲ့ ဆက်နွှယ်မှုနဲ့အတူ binace exchange ဈေးကွက်မှာ အရောင်းအဝယ် သွက်သွက်လက်လက်လှုပ် ရှားနိုင်နေသလို exchange တွေကို အသုံးပြုသုတွေထဲမှာ နိုင်ငံရေး၊စီးပွားရေးနဲ့ မူးယစ်ဂိုဏ်းတွေကအစ ပါဝင်ပတ်သက်လို့ရနေတာတွေ့ရပါတယ်။

Money power ရဲ့ နိုင်ငံရေးဆက်စပ်မှုနဲ့အတူ အုပ်ချုပ်သူလူတန်းစားတွေအကြား ငွေကြေးခဝါချမှုတွေကိုလုပ်ဆောင်နိုင်ဖို့ Crypto marketဟာ အကောင်းဆုံးဖြစ်နေမလားဆိုတာကိုတော့ နက်နက်နဲနဲ စဉ်းစားချိတ်ဆက်မိပါတယ်။

ဩဇာကြီးမားတဲ့G-20အဖွဲ့ဝင်ထိပ်သီးပိုင်းမှာတော့ Crypto နဲ့ဆက်စပ်လို့ အယူအဆကွဲတွေရှိနေပြီး အစ္စရေးဝန်ကြီးချုပ် နေတန်ယာဟု နဲ့ ကိုးရီးယား သိပ္ပံနဲ့ နည်းပညာဝန်ကြီး ယိုယောင်မင် တို့ကတော့ Crypto digital currency အတွက် သိသိသာသာထောက်ခံကြောင်း သဘောထားတွေ ရှိနေတာလည်းတွေ့ရပါတယ်။

နိုင်ငံရေးမှာ ရွေးကောက်ပွဲကျင်းပချိန် သက်ဆိုင်ရာပါတီများသို့ Crypto နဲ့ထောက်ပံ့အားပေးမှုတွေအပေါ်အရေးယူဖို့လည်းခက်တာကြောင့် နိုင်ငံတကာ ငွေကြေး ထိန်းချုပ်ကိုင်‌တွယ်ရေး အဖွဲ့တွေအနေနဲ့ Crypto ကို တရားဝင်ခွင့်ပြုကြဖို့ ဆွေးနွေးနေကြသော်လည်း ယနေ့အထိတော့ ဥရောပနိုင်ငံထိပ်သီးပိုင်းတွေအနေနဲ့ အဆင်သင့်မဖြစ်သေးဘူးဆိုပြီး ငြင်းချက်ထုတ်ထားတာလည်း တွေ့ရပါတယ်။

2021 နောက်ပိုင်းမှာ ယူအက်စ် ၊ဂျပန်နဲ့ ကနေတာနိုင်ငံတွေမှာ Bitcoin ကို တရားဝင်ပေးသုံးလို့ရအောင် ဆုံးဖြစ်ခဲ့ကြပြီး တရုတ်၊ဆော်ဒီနဲ့ ကာတာတို့ကတော့ ယနေ့အထိ လုံးဝပိတ်ပင်ထားဆဲဖြစ်ပါတယ်။