Thawtar

မသေသေးဘူးဆိုရင်ပေါ့..
နောက်လာမယ့်ဆယ်နှစ်မှာ..သင်ဘာဖြစ်ချင်ပါသလဲလို့ ကျွန်မကမေးကြည့်ချင်ပါတယ် ..

အခုထက်ပိုပြီးသနား ကြင်နာတတ် တဲ့သူဖြစ်ချင်တာလား.. ပိုပြီးချမ်းသာချင်တာလား.. ပိုပြီးကျန်းမာရေးကောင်းချင်တာလား.. အိမ်ထောင်ပြု
ချင်တာလား.. အားကစားသမား တစ်ယောက်ဖြစ်ချင်တာလား.. ဘာသာရေးကိုပိုလိုက်စားတဲ့သူဖြစ်ချင်တာလား..

စိတ်ပိုင်းဆိုင်ရာသိပ္ပံ ပညာရှင်တွေရဲ့သုတေသနပြုချက်အရ မိမိကိုယ်ကို..ဘာဖြစ်ချင်သလဲဆိုတာကိုရိုးသားစွာမေးခွန်းတွေ မေးကြည့်တတ်တဲ့သူတွေဟာ ..သူတို့..တစ်ချိန်မှာဖြစ်ချင်တဲ့ ဆန္ဒနဲ့အတွေးပုံရိပ်
တွေကို လက်တွေ့ဖြစ်လာအောင်
ပုံဖော်နိုင်စွမ်းရှိကြပါတယ် လို့ဆိုပါတယ်

Create a clear vision of our Future Selves

လူတိုင်းအတွက်တော့ ဟုတ်ချင်မှဟုတ်ပါလိမ့်မယ်.. ဒါပေမဲ့တချို့လူတွေအတွက်ကတော့ Strong Visualization of a future self ..တစ်ချိန်မှာ
ကိုယ်ဖြစ်ချင်တဲ့ပုံစံ တိတိကျကျ.. သေသေချာချာ သိနေခဲ့ခြင်းဟာ တကယ်ကိုအလုပ်ဖြစ်တယ်ဆိုတာကိုတွေ့ရပါတယ်

ကျွန်မရဲ့ဆရာတစ်ယောက်ဆိုရင် သူငယ်ငယ်ကလေးကတည်းက အရမ်းလုပ်ချင်တဲ့..လုပ်ငန်းတစ်ခုရှိပါတယ် ..အဲဒီလုပ်ငန်းအတွက်သူ့မှာနာမည်ကအစ..စဉ်းစားထားပြီးသား..။

ငယ်ငယ်ကတည်းက
လက်မှတ်ထိုးရင်တောင်မှ သူ့နာမည်ထိုးပြီးရင်..အောက်က..ကွင်းစ..ကွင်းပိတ်နဲ့ ..သူပေးထားတဲ့ အလုပ်ရဲ့ နာမည်ကို ရေးထိုးလေ့
ရှိပါတယ်တဲ့.. တကယ်ပဲ..သူဟာ.. သူအိပ်မက်မက်ထားခဲ့ဖူးတဲ့. လုပ်ငန်းကြီးတစ်ခုကို.. သူရွေးချယ်ထားခဲ့တဲ့ နာမည်နဲ့ လုပ်ကိုင်ခွင့်ရခဲ့တယ်..တကယ်အောင်မြင်ခဲ့ပါတယ်..ကျွန်မ ပြောလိုက်ရင် အကုန်လုံး သိသွားကြမဲ့ လုပ်ငန်းတစ်ခုပါပဲ..

ညီမငယ် တစ်ယောက်နဲ့ စကားပြောဖြစ်ကြတော့.. သူကကျွန်မကို.. အမြဲတမ်းလေးစားရတဲ့သူ..အားကျရတဲ့သူ လို့ဆိုပါတယ်.. ကျွန်မလို..
အလုပ်တွေလုပ်ချင်တယ်တဲ့ ..ကျွန်မလိုအတွေးတွေ..တွေးချင်တယ်တဲ့ သူကကျွန်မလိုဖြစ်ချင်တယ်..

သူ့အသက်အခုဘယ်လောက်လဲဆိုတော့ သူက ၃၁နှစ် ။ ကျွန်မထက်ဆယ်နှစ်တိတိငယ်တယ် ..သူ ၃၁ နှစ်မှာအိမ်ထောင်ကျပြီးပြီ.. ကလေးတစ်ယောက်မွေးပြီးပြီ..ကိုယ်ပိုင် လုပ်ငန်းတစ်ခုကိုတည်ထောင်ထားနိုင်ပြီ.. အဲဒီလုပ်ငန်းရဲ့အသီးအပွင့်တွေကိုရနေပြီ..

ကျွန်မသူ့ကိုပြောလိုက်ပါတယ်.. ကျွန်မအသက် ၃၁ နှစ်တုန်းက သူ့လို အခြေအနေမျိုးမဖြစ်ခဲ့ရဘူး ..

၃၁နှစ်ဆိုတဲ့ အသက်အရွယ်ချင်းကိုယှဉ်ကြည့်မယ်ဆိုရင် သူဟာကျွန်မထက်အများကြီးသာလွန်တယ်.. လုပ်နိုင်တယ်.. အောင်မြင်တယ် ..

နောက် ဆယ်နှစ် မှာဘယ်လို အခြေအနေမျိုး ရောက်နေမလဲလို့ ကိုယ့်ရဲ့Future Self ကိုမြင်ကြည့်စမ်းပါလို့ ကျွန်မသူ့ပြောလိုက်ပါတယ် ...

နောက်ဆယ်နှစ်အတွင်းမှာ..သေလည်းမသွားဘူး ကျန်းမာရေးလည်း ဆက်လက်ပြီး
ကောင်းနေမယ်.. ကံတရားကလည်းမျက်နှာသာပေးနေခဲ့မယ်ဆိုရင် ..
သူဟာ အခုကျွန်မရောက်ရှိနေတဲ့အနေအထားထက် အဆပေါင်းများစွာ သာလွန်နိုင်ပါလိမ့်မယ်လို့ပြောခဲ့ပါတယ်

လွန်ခဲ့တဲ့ဆယ်နှစ်က ကျွန်မဟာ ကိုယ့်ကိုကိုယ်ဘာဖြစ်ချင်နေခဲ့ပါသလဲလို့ ..ကျွန်မကိုယ်ကျွန်မပြန်မေးကြည့်မိတယ်...

လွန်ခဲ့တဲ့ဆယ်နှစ်ကျော်ကာလတုန်းက ကျွန်မဟာအတော်ကံမကောင်းတဲ့သူဖြစ်ခဲ့တယ်.. ကျွန်မတော်တော်ရုန်းကန်ခဲ့ရတယ်.. နောက် ဆယ်နှစ်မှာဘာဖြစ်ချင်တယ်ဆိုတဲ့ Future Self ဆိုတာမျိုးကို..ကျွန်မ..မတွေးခဲ့ဖူးပေမဲ့
ကျွန်မဖြစ်ချင်ခဲ့တာကတော့ မိသားစုအတွက် အရိပ်ပေးတဲ့သစ်ပင်ကြီးတစ်ပင်လို အမြဲဖြစ်ချင်ခဲ့တာကတော့အမှန်ပါပဲ. ဘာဖြစ်လို့လဲဆိုရင်ကျွန်မကြိုးစားသမျှဟာ မိသားစုအတွက်ပဲဖြစ်နေခဲ့တာကိုး..
ခုဖြစ်လာနေခဲ့ပြီလို့ပြောလို့ရပါတယ် ...

နောက်ဆယ်နှစ်ကျရင်ရောကျွန်မဘာဖြစ်ချင်သေးသလဲ..
အခုစဉ်းစားမိတော့ နောက်..ဆယ်နှစ်မှာ.. သေမသွားခဲ့သေးဘူးဆိုရင်
ကျွန်မဟာ..အခုထက်ပိုပြီး..အေးချမ်းတဲ့သူတစ်ယောက်ပဲဖြစ်နေချင်ပါတယ်.

အခုချိန်မှာကျွန်မဖြစ်နေတာက ရုန်းထွက်ချင်တာပဲ. .ဘယ်ကရုန်းထွက်ချင်တာလဲ. .ဆိုရင် သံသရာကရုန်းထွက်ချင်တာပါပဲ

တစ်ယောက်နဲ့တစ်ယောက် ..ဘဝမှာဖြစ်ချင်တဲ့ ဆန္ဒတွေကတော့..တူညီကြမှာမဟုတ်ပါဘူး ..ဒါပေမယ့်ကိုယ် တကယ် ဖြစ်ချင်တဲ့ ပုံရိပ်တစ်ခုကိုဖော်ဆောင်ထားနိုင်ခဲ့တယ်ဆိုရင်.. အဲဒီနေရာကိုရောက်အောင်သွားဖို့ နည်းလမ်းတွေ.. အခွင့်အရေးတွေကလည်း..သူ့အလိုလို ပေါ်ပေါက်လာကြမှာအမှန်ပဲဖြစ်ပါတယ်

ကိုယ်အခုဖြစ်နေတဲ့ အခြေအနေနဲ့ ကိုယ်ရောက်လိုတဲ့အခြေနေဟာ ဆက်သွယ်မှုတစ်ခုရှိနေဖို့တော့လိုအပ်ပါတယ် ..ဒါဆိုရင်အကောင်အထည်ဖော်ရတာပိုပြီးလွယ်ကူနီးစပ်နိုင်မလားလို့ကျွန်မတွေးမိတာပါ...

Invest in your future self.
ကိုယ်ဖြစ်လိုတဲ့ အခြေအနေကို စတင်ပြီး ရင်းနှီးမြုပ်နှံမှုလုပ်ပါ..
Measure your progress.
ဘယ်အခြေအနေကို ရောက်နေပြီလဲ..အမြဲ တိုင်းတာ စစ်ဆေးနေပါ..
Have the courage to admit what you really want.
ကိုယ် ဖြစ်ချင်တဲ့ ဘဝမျိုးကို ရဲရဲကြီးသာ ဝန်ခံ တွေးတောလိုက်ပါ..

ကိုယ့်ရဲ့စိတ်ကူးပုံရိပ်တွေကိုလျှော့မတွက်မိဖို့လိုပါတယ် ..အသက်ငယ်ရွယ်သူတွေအနေနဲ့က.. အခုထက်..ကြီးမားတဲ့ ..အိမ်မက်တွေကိုအကောင်အထည်ဖော်ဖို့ ပိုပြီးအခွင့်အလမ်းရှိတယ်.. အချိန်ရှိတယ်.. စွမ်းအင် energy တွေရှိတယ်..
အသက်ငယ်လေ..ပိုကောင်းလေ..ပိုလုပ်နိုင်လေပဲ.. လုပ်ပိုင်ခွင့်တွေအများကြီးရှိသွားတယ်..

Who is your future self?
Who are you chasing?
Where will you be in next 10 years?

မွန်ဟော်စီ
၂၀၂၀





#မနက်စာအာဟာရ


Photo
Free Humanity