Better Age - Burma

USA
သောက်သုံးနေကြသူများအတွက်
အတန်ဆုံးစျေးတွေ နဲ့ Stock ရှိသလောက် ရောင်းပစ်ပါတော့မယ် လူကိုယ်တိုင် လာရောက်ကြည့်ရှုချင်တယ်ဆိုရင်လဲ တောင်ဥကလာပ သံသုမာလမ်းမကြီးပေါ်က ၃၁ဂိတ်ဟောင်းမှတ်တိုင်နားလာကြည့်လို့ရပါတယ်
#ရိပ်သာလှူမည့်သူတွေ
#ပြန်ခွဲရောင်းမည့်သူတွေ
#တယောက်တဝက်ဝယ်လိုသူတွေအလွန်အဆင်ပြေပါတယ်
#ဘူးတဝက်အနည်းဆုံးယူလို့ရပါတယ်

Men 275 tabs exp 12/24 တဘူး 75000
တဝက် 40000
Men50+ 300tbs
01/25 တဘူး 75000 တဝက် 40000

-Burma

#ဖြည့်စွက်စာအမျိုးမျိုး

ဘီပိုး ကျန်းမာရေး ဗဟုသုတ ဒါန အပိုင်း ၁။

B ပိုးကြောင့် ဖြစ်လာမည့် ဆိုးကျိုးတွေ ဖြစ်သည့်

၁. အသည်း ခြောက်ခြင်း၊
၂. အသည်း အလုပ် မလုပ်နိုင်တော့ခြင်း၊ liver failure
၃. အသည်း ကင်ဆာကို ဘယ်လို ကာကွယ်ကြမလဲ ?

ကမ္ဘာပေါ် မှာ မြန်မာပြည်ဟာ ဘီပိုး အများဆုံး နိုင်ငံ တစ်ခု ဖြစ်ပါတယ်။

ကာကွယ်ဆေးတွေလဲ ထိုးကြ၊ ကျန်းမာရေး ဗဟုသုတတွေလဲ ပေးကြ၊ ဘီပိုး လူနာတွေကို ကုလဲ ကုပေးနေကြသည့် အထဲက တစ်နေ့ထက် တစ်နေ့ ပိုပြီး များလာတာကို တွေ့ရပါတယ်။

အသည်းကင်ဆာ ဟာလည်း အလွန် များလှပါတယ်။

ကုနေကြ လုပ်နေကြ လုပ်ငန်းစဉ်များဟာ ဒီပြဿနာကို မဖြေရှင်းနိုင်တာ သေချာနေပါတယ်။ ဒါကြောင့်လဲ ထိန်းမနိုင် သိမ်းမရ ဖြစ်နေတာပေါ့။

ပုံး အပြင်ကို ထွက်ပြီး ကြည့်ဖို့ အချိန် တန်နေပါပြီ။

ကျွန်မသာဆိုရင် ဘယ်ဆေးခန်းမှာမှ တကယ် မလိုအပ်ပဲ ဆေးမထိုးပါ။ ဘာကြောင့်လဲ ဆိုတော့ ဆေးထိုးအပ်ကနေ အများဆုံး ကူးစက်နိုင်လို့ ဖြစ်ပါတယ်။

တစ်ခါသုံး အပ်တွေ သုံးတယ် ဆိုပေမဲ့ လောဘ ဦးဆောင်နေတဲ့ ခေတ်ကြီးမှာ ဘာမှ အာမခံချက် မရှိလို့ ဖြစ်ပါတယ်။

ကျွန်မတို့ မြန်မာလူမျိုးတွေ အများစုဟာ ဆေးစွဲနေကြသူများလည်း မဟုတ်ကြပါ ။ drug addicts

ဒါကြောင့်လဲ ကိုယ့်ကိုယ်ကို မူးယစ်ဆေးဝါးတွေကို မသန့်ရှင်းတဲ့ အပ်တွေနဲ့ ပြန်ထိုးနေကြမယ်လည်း မထင်ပါ။

နောက်တစ်နည်းနဲ့ ရနိုင်တာကတော့ ဘီပိုး ရှိနေသည့်သွေး သွင်းခံရခြင်း ဖြစ်ပါတယ်။ blood transfusion

နေမကောင်းရင် ဆေးပဲ သောက်ကြပါ။

အနောက်နိုင်ငံတွေမှာ နေမကောင်းလို့ ဆေး မထိုးကြပါ။ ဆေးထိုးတာ မြန်မာပြည်မှ လူနာတွေက သဘောကြကြပါတယ်။

ဒီအယူဟာ အင်မတန် မှားနေတာမို့ ကြိုးစားပြီး ပြင်ရမှာ ဖြစ်ပါတယ်။ တစ်ချက် မှားတာနဲ့ တစ်သက်စာ ဖူလုံမှာ ဖြစ်ပါတယ်။

အစားအသောက်က ကူးစက်နိုင်ဖို့ ခဲယဉ်းလှပါတယ်။ တစ်အိမ်ထဲမှာ အတူ နေလို့လဲ မကူးစက်နိုင်ပါ။ သားသမီးကို ဖက်ပြီး နမ်းရှုံ့ခြင်းမှလည်း မကူးစက်နိုင်ပါ။ အလုပ် အတူတူ လုပ်နေကြသည့် လုပ်ဖော် ကိုင်ဖက်တွေကိုလဲ မကူးနိုင်ပါ။

လင်မယား ဆက်ဆံရင်တော့ သုက်ရည်ကနေ ကူးနိုင်တာမို့ ကာကွယ်မှု ယူရမှာ ဖြစ်ပါတယ်။

နောက်တစ်ချက် လူတွေ ထင်နေကြတာကတော့ ဘီပိုးပဲ ဖြစ်စေ စီပိုးပဲ ဖြစ်စေ ကုသလို့ ပိုးအကောင်ရေ မရှိတော့ဘူးဆိုရင် ရောဂါ ပျောက်ကင်းပြီဆိုပြီး ကျေနပ်နေကြပါတယ်။

ဘီပိုး စီပိုးတွေ မရှိတော့ဘူး ပျောက်ကင်းပြီလို့ ပြောပြီး အသည်း ကင်ဆာ ဖြစ်ပြီး သေသွားသည့် လူတွေ မြန်မာပြည်မှာ ကျွန်မ အသိတွေ အတော် များများ ရှိကြပါတယ်။ ဆရာဝန်တွေလဲ ပါပါတယ်။

ကျွန်မ ဆိုလိုချင်တာကတော့ ပိုးကြောင့် ကင်ဆာ ဖြစ်တာ မဟုတ်ပဲ ပိုးကို တိုက်ခိုက်ဖို့ ခန္ဓာကိုယ်မှ ထုတ်သော ​ရောင်ကိုင်းခြင်းကို ဖြစ်စေသည့် ဓာတ်များကြောင့် ဖြစ်တာ ဖြစ်ပါတယ်။

ဒါကြောင့် ပိုးတစ်ခုထဲကိုပဲ အဓိကထား ကုပြီး ခန္ဓာကိုယ် ​ရောင်ကိုင်းခြင်းကို ဘေးချိတ်ထားမယ် ဆိုရင် ကင်ဆာက ဖြစ်နိုင်ပါသေးတယ်။ ကုသမှုဟာလည်း မပြည့်စုံသေးပါ။

ကင်ဆာ ဖြစ်ခြင်းမှာ ခန္ဓာကိုယ် ​ရောင်ကိုင်းခြင်းမှ စလို့ ဖြစ်ပါတယ်။ ဒါကြောင့် antioxidants တွေ သောက်ရမှာ ဖြစ်ပါတယ်။

အသည်းကို ပံ့ပိုးပေးမဲ့ ဓာတ်စာများလည်း သောက်ရမှာ ဖြစ်ပါတယ်။ ဥပမာ Milk Thistle

အသည်း အဆိပ်သင့်နိုင်သော အရာများကို ရှောင်ရမှာ ဖြစ်ပါတယ်။ ဥပမာ အရက် သောက်ခြင်း၊ ပတ်ဝန်းကျင် အဆိပ်များ၊

အောက်ပါ ဆေးဝါးများ

1. Paracetamol အထူးသဖြင့် အများကြီး သောက်သူများ
2. TB ဆေး Isoniazid
3. Cholesterol ချ ဆေး statins
4. Methotrexate chemotherapy ဆေး၊ arthritis လူနာ အချို့လည်း မှီဝဲတတ်ပါသည်။
5. Anticonvulsants တက်သည့်အခါ သောက်သည့်ဆေးများ
6. Psychiatric medications စိတ်ရောဂါ ဆေးများ
7. Cancer chemotherapy ကင်ဆာကုသည့် အဆိပ်ဆေးများ
8. Antihypertensive agents သွေးတိုးချဆေးများ
9. Cardiovascular drugs နှလုံးရောဂါ ဆေးများ
10. Antidiabetic agents ဆီးချို ဆေးများ
11. Estrogens birth control pills ကိုယ်ဝန် တားဆေးများ
12. Anabolic steroids ကိုယ်ကာယ ကြီးထွားအောင် ထိုးသည့် ဆေးများ
14. မှိုတက်သော အစာများ အသည်းကို ထိခိုက်စေပါသည်။

ဆက်ပါဦးမည်။

ဘီပိုး ကျန်းမာရေး ဗဟုသုတ ဒါန အပိုင်း ၂ ။

ဘီပိုး အတွက် သွေးစစ်ပြီး အဖြေများကို ကြည့်ပေးဖို့ တောင်းဆိုလာသည့် မိတ်ဆွေများအတွက်နှင့် အခြား စိတ်ဝင်စားသူများ အတွက်ပါ ဖြစ်ပါတယ်။

ဆရာဝန် မဟုတ်သူများအတွက် နားလည်ဖို့ ခက်ပေမဲ့ ကျွန်မ အတတ်နိုင်ဆုံး အရှင်းဆုံး တင်ပြထားပေးပါတယ်။

တစ်ခေါက်နှင့် နားမလည်နိုင်ရင် အခေါက်ခေါက် ပြန်ဖတ်စေလိုပါတယ်။

မြန်မာပြည်မှာ အလွန် အဖြစ်များတာမို့ နားလည်ရင် ကိုယ့်အတွက်လည်း ကောင်း၊ သူတစ်ပါး အကျိုးကိုပါ ဆောင်ပေးနိုင်မှာ ဖြစ်ပါတယ်။

ဘီပိုးကို စစ်ဖို့ သွေးဖောက်သည့် အခါ

အောက်ပါ အချက်အလက်များကို သေသေချာချာ နားလည် အောင် ပြောပြပါမယ်။ ဂရုတစိုက်နဲ့ လေ့လာပြီး နားလည်မယ် ဆိုရင် အားလုံးအတွက် အကျိုးရှိမှာ ဖြစ်ပါတယ်။

ဘီပိုး ရလိုက်ပြီ ဆိုရင် ပထမဦးစွာ သွေးထဲမှာ ပေါ်လာတာကတော့

၁. Hepatitis B surface antigen ( HBsAg )positive ဖြစ်ပါတယ်။
သူက ဘီပိုးရဲ့ အပြင်ဆုံးအလွှာမှာ ရှိနေတဲ့ ပရိုတင်းဓာတ် ဖြစ်ပါတယ်။ ရောဂါ လက္ခဏာ ဘာမှ မပေါ် သေးမီ သူက အရင်ဆုံး ပေါ် ပါတယ်။

သွေးထဲမှ ဒီ ပရိုတင်းဓာတ် HBsAg ရှိနေပြီ ဆိုရင် သိထားရမဲ့ အချက်က ဘီပိုးကို ရလိုက်ပြီ ဆိုတာပါပဲ။

လောလောဆယ် ရတာလဲ ဖြစ်နိုင်သလို အရင်က တစ်ချိန်ချိန်မှာ ရထားတာလဲ ဖြစ်နိုင်ပါတယ်။

၂. အခု လောလောဆယ် ရတာလား အရင် တစ်ချိန်ချိန်က ရခဲ့တာလား ဆိုတာ ခွဲခြားဖို့ကတော့ နောက်တစ်မျိုးနဲ့ သွေးစစ်ကြည့်ရမှာ ဖြစ်ပါတယ်။

IgM antibody to hepatitis core antigen ( IgM anti-HBc လို့ ခေါ် ပါ တယ်။) ဒီ IgM anti-HBc positive ဆိုရင် ၆လ အတွင်းမှာ ရရှိလိုက်တာ ဖြစ်ပါတယ်။ အင်္ဂလိပ်လို ပြောရရင် acute infection ပေါ့။
Negative ဆိုရင် အရင်က ရခဲ့တဲ့ chronic infection ဖြစ်ပါတယ်။

၃. HepatitisB e antigen ( HBeAg )
Positive ဖြစ်ရင် ခန္ဓာကိုယ်ထဲမှာ ဘီပိုးဟာ အတော်ပွား နေတယ် ဆိုတဲ့ အဓိပ္ဗါယ် ဖြစ်ပါတယ်။ ဒီအချိန်မှာ အလွန် ကူးစက်တတ်ပါတယ်။

၄. Hepatitis B core antibody ( anti- HBc )
Positive ဖြစ်ရင် လောလောဆယ် ရထားတဲ့ infection ဖြစ်နိုင်သလို အရင်က ရထားတဲ့ infection လဲ ဖြစ်နိုင်ပါတယ်။ ဒီဟာ positive ဖြစ်ရင် သွေးထဲမှာ တသက်လုံး positive ဖြစ်ပါတယ်။

ဒီ Hepatitis B core antibody ဟာ အလွန် အရေးကြီးပါတယ်။ ဘာကြောင့်လဲ ဆိုတော့ ကိုယ့်ဘာသာ ကိုယ် ရသွားတဲ့ infection လူတွေမှာ အမြဲ positive ဖြစ်ပြီး hepatitis B ကာကွယ်ဆေး ထိုးထားတဲ့ လူတွေမှာ အမြဲ negative ဖြစ်ပါတယ်။

ဒါကို ကြည့်ပြီး အရင်က ရဖူးတဲ့ infection လား ကာကွယ်ဆေး ထိုးထားလို့ ခန္ဓာကိုယ်ထဲမှာ antibodies လို့ ခေါ်တဲ့ ခုခံအားတွေ ရှိနေတာလား ဆိုတာ ခွဲခြား သိနိုင်ပါတယ်။

၅. Hepatitis B surface antibody ( anti- HBs )
အရေးအကြီးဆုံးမို့ နောက်ဆုံးမှာ တင်ပြရခြင်း ဖြစ်ပါတယ်

ကျွန်မ အမြဲ ပြောနေကျ စကားကတော့ ခန္ဓာကိုယ် ခုခံအား ကောင်းရ မယ် ဆိုတာ ဖြစ်ပါတယ်။

ဘီပိုးကို ရတဲ့ အခါမှာ ခုခံအား မကောင်းရင် ဒီပိုးကို တိုက်ဖျက်ဖို့ အားမရှိတာကြောင့် ခန္ဓာကိုယ်က antibodies လို့ ခေါ်တဲ့ ရောဂါကို တိုက်ဖျက်မဲ့ စစ်တပ် တစ်ခု မရှိပါ။

ဒါကြောင့်မို့လို့ ဘီပိုးကို ကိုယ် မနှိမ်နင်းနိုင်တာကြောင့် ကိုယ့် ခန္ဓာကိုယ်ထဲမှာ ဘီပိုးနဲ့ ကျန်ရစ်ခဲ့တာ ဖြစ်ပါတယ်။ အင်္ဂလိပ်လို ပြောပြရရင် chronic carrier state ဖြစ်သွားပါတယ်။

ဒါကြောင့် ခန္ဓာကိုယ် ခုခံအား မကောင်းရင် ဘီပိုးကို နှိမ်နင်းရန် antibodies မရှိပါ။

ဒါကြောင့် ခုခံအား နည်းနေသူတွေမှာ လောလောဆယ် ဘီပိုး ရသူတွေမှာ Hepatitis B surface antibody negative

chronic infection ကြာမြင့်စွာ ရထားသူတွေမှာလည်း hepatitis surface antibody negative.

ခုခံအား ကောင်းသူတွေကြတော့ ဘီပိုးကို တိုက်ထုတ်နိုင်တာကြောင့် ဒီပိုးလဲ မရှိတော့ပဲ hepatitis B surface antibodies တစ်သက်လုံး ရှိသွားတာမို့ နောက်ထပ်လဲ ဘီပိုး မဝင်နိုင်တော့ပါ။ ခုခံအားကောင်း သူတွေမှ ဒီ antibodies ဟာ positive ဖြစ်ပါတယ်။

မြန်မာပြည်နဲ့ အကိုက်ညီဆုံး အရေးကြီးဆုံး အချက်တွေကတော့ မြန်မာပြည်က လူအများစုတွေဟာ ခန္ဓာကိုယ် ခုခံအား မကောင်းကြပါ။ ဒါကြောင့် ဘီပိုး ရတဲ့ အခါမှာ ခုခံအား တစ်ခုဖြစ်တဲ့ antibodies တွေ မထုတ်နိုင်ကြပါ။ ဘီပိုးကို မသုတ်သင်နိုင်တာကြောင့် ဘီပိုးနဲ့ နာတာရှည် ရောဂါ ဖြစ်ပြီး ကျန်ခဲ့ကြတာ ဖြစ်ပါတယ်။

အဓိကကတော့ ခန္ဓာကိုယ် ခုခံအား ကောင်းအောင် လုပ်ထားရင် ဘီပိုးနဲ့ နာတာရှည်ရောဂါ မဖြစ်နိုင်တော့ပါ။ အသည်းခြောက်ခြင်း၊ အသည်း အလုပ် မလုပ်နိုင်တော့ခြင်း၊ အသည်း ကင်ဆာ ဖြစ်ခြင်းမှာလဲ လွတ်နိုင်ကြမှာ ဖြစ်ပါတယ်။

လောလောဆယ် ဘီပိုး ရလိုက်တဲ့ လူတွေကလဲ ခန္ဓာကိုယ် ခုခံအားကို အထွတ် အထိပ် ဖြစ်နေအောင် လုပ်လိုက်မယ် ဆိုရင်လဲ မှီနိုင်ပါသေးတယ်။

အခြားဟာတွေ မသောက်ချင် နေ၊ အဓိက သောက်ရမှာတွေကတော့

၁. Vitamin D3 5000IU – 10,000 IU daily with I capsule of superK
၂. Thyroid hormone နည်းနေရင် ဖြည့်ပေးလိုက်ပါ။
၃. Zinc 50 mg a day.
၄. Probiotics အနည်းဆုံး 20 billion count a day.
၅. VitaminC 1000 – 2000mg a day ဖြစ်ပါတယ်။

ဒါကို လိုက်နာ သောက်သုံးနိုင်မယ်ဆိုရင် အလွန်ဆိုးတဲ့ ဘီပိုး နာတာရှည် ရောဂါမှ လွတ်မြောက်နိုင်မယ်လို့ ကျွန်မ အကြွင်းမဲ့ ယုံကြည်ပါတယ်။

ကျွန်မ ပြောတာကို သဘောတူသူတွေ ရှိနိုင်ပေမဲ့ သဘော မတူသူတွေလဲ ရှိကြမှာ အမှန်ပါပဲ။ ဘာအရှုံးမှလဲ မရှိ ဥပါဒ်လဲ မရှိတာမို့ ဘယ်လိုပဲ ကြည့်ကြည့် လုံးဝ အရှုံး မရှိနိုင်ပါ။

ကျွန်မ ပြောတာ အဓိပ္ပါယ် ရှိတယ် ထင်ရင်လဲ လိုက်နာကြရုံပါပဲ။ သဘော မတူရင်လဲ ဒီရောဂါ ရေယဉ်ကြောမှာ ဆက်ပြီးမြောကြနိုင်ပါတယ်။

ဒီပိုးက မြန်မာပြည်မှာ အလွန် များတာကြောင့် တစ်နေ့ မဟုတ် တစ်နေ့ ကြုံရမှာ အမှန်ပါ။ Credit - To A Better Health

Call now to connect with business.

Better Age ရဲ့ မိတ်ဆွေများအားလုံး တန်ဆောင်မုန်းလပြည့်နေ့မှစရျ် ကျမ်းမာ ချမ်းသာ ရျ် ကောင်းကျိုး လိုရာဆန္ဒများ ပြည့်ဝကြပါစေလို့ ဆုမွန်ကောင်းတောင်းလိုက်ပါတယ်ရှင့်🙏🏻🙏🏻🙏🏻