SMM Oil
Share
07/08/2024
ကြွပ်ကြွပ်အိတ်တွေကို အမြဲတမ်း ခေါက်သိမ်းပြီး စုတတ်တဲ့ အန်တီ
ကြီးတစ်ယောက်ရှိတယ်။သူ့အိမ်ကလူတွေ ဘာပစ္စည်း ဝယ်လာ ပါလာတဲ့ ကြွပ်ကြွပ်အိတ်ကို ခေါက်ပြီး သိမ်းတယ်။ သူ့ရဲ့ ကြွပ်ကြွပ်အိတ်အကြီးကြီးထဲမှာ အဲဒီလိုခေါက်သိမ်းထားတဲ့ ကြွပ်ကြွပ်အိတ်ပိစိလေးတွေ အများကြီးပဲ။
သူ့ရဲ့ စုတတ်တဲ့ ဝါသနာပေါ့။ အချိန်တွေ လေး၊ ငါး၊ ဆယ်နှစ်ကြာသွားတော့စုထားတဲ့ ကြွပ်ကြွပ်အိတ် အထုပ်တွေ အများကြီး သူ့ဆီမှာဖြစ်နေပြီ။
ဝါသနာအရ စုထားပေမယ့် သူ့အတွက်တော့ အကျိုးသိပ်မရှိဘူးပေါ့။
နောက်ထပ် ဦးလေးကြီးတစ်ယောက်ကျတော့ ဝန်ထမ်းပေမယ့် လွန်ခဲ့တဲ့
၂၅ နှစ်လောက်ကတည်းက ရတဲ့
လစာရဲ့ ၁၀% ကို လတိုင်းပုံမှန်လေး မရရအောင် စုတယ်။
ပြီးတော့ မြောက်ဒဂုံဘက်မှာ အဲဒီခေတ်က အစိုးရဝန်ထမ်းတွေကို ပေးတဲ့ လေးသိန်းတန် မြေကွက်လေးတစ်ခုကို သူမစားရက်၊ မသောက်ရက် စုထားတဲ့ငွေလေးနဲ့ ဝယ်ထားလိုက်တယ်။
၁၅ နှစ်လောက် အချိန်တွေ
ကြာလာတဲ့အခါ အဲဒီမြေကွက်က သိန်းထောင်ဂဏန်းနီးနီး တန်သွားတော့
သူငွေစုပြီး ဝယ်ရကျိုးနပ်သွားတယ်။
ငွေပိုငွေလျှံမရှိတဲ့ ဝန်ထမ်းဘဝပေမယ့်
မှန်ကန်တဲ့ ရင်းနှီးမြှုပ်နှံမှုကြောင့် အိုဇာတာအတွက်ကော မိသားစုအတွက်ပါကောင်းသွားတာပေါ့။
ဒီလိုပြောလို့ ကြွပ်ကြွပ်အိတ် မစုရဘူး ပြောချင်တာမဟုတ်ပါဘူး။
ကြွပ်ကြွပ်အိတ်စုတာ သဘာဝပတ်ဝန်းကျင်အတွက် ကောင်းပါတယ် ဆက်စုပါ။
လူအများ နားလည်လွယ်မယ့် ဥပမာအနေနဲ့ ကြွပ်ကြွပ်အိတ်စုတဲ့သူနဲ့
မြေဝယ်စုတဲ့သူကို ဥပမာပေးထားတာ
မလို့ပါ။
ကျွန်တော်တို့ဘဝတွေလည်း ဒီလိုပဲ။ လူတိုင်းက တစ်ခုမဟုတ်တစ်ခု
ကို စုနေကြတာပဲ။
သိသိကြီးနဲ့ စုတာရယ် မသိဘဲနဲ့ စုမိနေတာတော့ ကွာသွားတယ်။
တချို့လူတွေက အချိန်တွေရင်းပြီး
ငွေတွေ၊ ပညာတွေ၊ အတွေ့အကြုံ
တွေ၊ ကျန်းမာရေးတွေ၊ ကုသိုလ်တွေ အစရှိတဲ့ ကောင်းမွန်တဲ့အရာတွေ စုနေ
ကြတဲ့အချိန်
တချို့တွေက အချိန်တွေရင်းပြီး ရောဂါတွေ၊ အကြွေးတွေ၊ ဒုက္ခတွေ၊ အမုန်းတွေ၊ အကုသိုလ်တွေကို သိသိကြီးနဲ့ကော မသိဘဲနဲ့ကော စုမိနေကြတယ်။
စီးပွားရေးမှာ ငွေကိုရင်းပြီး Invest လုပ်ကြရသလို ဘဝအတွက်လည်း
အချိန်ကို Invest ကြရတာပါ။ သင့်အချိန်တွေ ဘယ်နေရာအတွက် စုမိနေလဲသေချာပြန်စဉ်းစားပါ။
ကောင်းတဲ့အရာတွေအတွက် စုမိနေရင် ဒီတိုင်းဆက်သွားပါ။ ဒါမှမဟုတ် အနာဂတ်မှာ ဘဝအတွက်ကော ကျန်းမာရေးအတွက်ပါ မကောင်းတဲ့အရာတွေအတွက် စုမိနေရင်တော့
အမြန်ပြုပြင်ပြောင်းလဲပါ။
အထူးသဖြင့် ကျန်းမာရေးကို အဓိက စဉ်းစားပါ။ ကျန်းမာနေမှ ငွေရှာနိုင်မှာ
ဖြစ်သလို ရှာထားတဲ့ငွေကို Enjoy
လုပ်နိုင်မှာပါ။
ဒီစာလေးကို ဖတ်မိပြီဆိုရင်
သေချာပြန်စဉ်းစားပါ။
ငါ့ဘဝအတွက် အချိန်တွေရင်းပြီး
ငါဘာတွေစုမိနေလဲ။ ကောင်းတာတွေ
လား၊ မကောင်းတာတွေလား သေချာတွေးပါ။
အခုချိန်အောင်မြင်နေတဲ့သူ တော်တော်များများက အရင်ကတည်းက အချိန်တွေ၊ ငွေတွေနဲ့ ပေးဆပ်မှုတွေ
ပေးခဲ့ကြရတဲ့သူတွေ များပါတယ်။
အဲဒီစုခဲ့တဲ့ အသီးအပွင့်တွေကို အခုခံစားနေကြရတာပါ။ ဒီစာလေးဖတ်ပြီး သင့်ဘဝအတွက် သင် ဘာတွေစုမိနေလဲသေချာသုံးသပ်နိုင်ကြပါစေ။
#စာအုပ်စာပေလူ့မိတ်ဆွေ 📖📚
MK Book Store & စင်္ကာပူ
Telegram Channel
https://t.me/mkbooksto
15/04/2024
#စောင့်ထိန်းအပ်သော လူမှုကျင့်ဝတ်များ
(၁) ဘယ်လောက်ပဲ ချစ်ခင်ရင်းနှီးပါစေ။
စကားကို လက်လွယ်စပယ် မပြောပါနဲ့။
ခံစားတတ်တဲ့ ဝေဒနာဆိုတာ
လူတိုင်းမှာ ရှိပါတယ်။
(၂) ဘယ်လောက်ပဲ မုန်းတီးနေပါစေ။ အခြားသူရဲ့ပုဂ္ဂိုလ်ရေးကို နှိမ့်ချစော်ကား
တာမျိုး မပြုလုပ်ပါနဲ့။
လေးစားမှုဆိုတာ လူတိုင်းနဲ့ထိုက်တန်သလို
မိမိကိုယ်တိုင်နဲ့လည်း ထိုက်တန်ပါတယ်။
(၃) ဘယ်လောက်ပဲ သဘောကောင်းတဲ့သူနဲ့
တွေ့ပါစေ အခွင့်အရေးကို တဆုံးမနှိုက်ပါနဲ့။
မိမိကိုယ်ကိုယ် ထိန်းသိမ်းတတ်ပါစေ။ အခွင့်
အရေးသမားကို လူတိုင်းက ရွံ့မုန်းကြပါတယ်။
(၄) ဘယ်လောက်ပဲ အလကားရနေပါစေ။
မိမိရသင့်တဲ့ အတိုင်းအရှည် ပမာဏကို
အသိစိတ်နဲ့ ဆင်ခြင်တတ်ပါစေ။ သိက္ခာ
တရားဆိုတာ မွေးမြူသင့်ပါတယ်။
(၅) ဘယ်လောက်ပဲ အခက်အခဲပြဿနာနဲ့
ကြုံရပါစေ မိမိကိုယ်ပိုင် အစွမ်းအစနဲ့ အရင်
ဖြေရှင်းတတ်ပါစေ။ အကူအညီကို အလွယ်
တကူ လိုချင်တဲ့သူ မဖြစ်ပါစေနဲ့။
(၆) ဘယ်လောက်ပဲ ရိုးသားတဲ့လူကို
တွေ့ပါစေ။ သင့်အကျိုးအမြတ်အတွက်
အသုံးမချပါနဲ့။
ရိုးသားမှုဆိုတာ အရည်အသွေးတစ်ခုဖြစ်ပြီး
အခြားသူအတွက် ဖြစ်တည်နေတာ မဟုတ်
ပါဘူး။
(၇) ဘယ်လောက်ပဲ အင်အားကြီးမားတဲ့သူ
သင်ဖြစ်နေလည်း အလွယ်တကူ အနိုင်ကျင့်
ချင်တဲ့ စိတ်ဓာတ်မျိုး မမွေးပါနဲ့။
ဒီကနေ့ အင်အားကြီးမားသူဟာ နောင်
တစ်နေ့မှာ အင်အား ပျောက်ဆုံးသွားနိုင်လို့ပါ။
သံသရာဆိုတာ လည်ပတ်နေပါတယ်။
(၈) ဘယ်လောက်ပဲ အတွေးအခေါ်တွေ ဆန့်
ကျင်ဖက် ဖြစ်နေပါစေ။ ကိုယ်ပဲ မှန်နေတယ်
လို့ မထင်ပါနဲ့။ မကျင့်သုံးနိုင်ရင် ပယ်လိုက်ပါ။
အခြားသူရဲ့ အတွေးအခေါ်ထဲ သင်လည်း
မနေနိုင်သလို သူလည်း နေမှာမဟုတ်ပါဘူး။
(၉) သင်ဘယ်လောက်ပဲ ထူးချွန်ထက်မြက် နေပါစေ
တခြားသူကို ညံ့ဖျင်း တုံးအတယ်လို့
အလွယ်တကူ မှတ်ချက်မပေးပါနဲ့။
နောက်ခံအခြေအနေဆိုတာ တသမတ်တည်း
ရရှိနိုင်တာ မဟုတ်လို့အရည်အချင်းတွေ
ကွဲပြားနေတာကို သတိပြုမိပါစေ။
(၁၀) မိမိကြိုက်နှစ်သက်တဲ့ လူ အရာဝတ္ထု
အတွေးအခေါ် အခြေအနေ တစ်ခုကို မိမိ
ဘာသာ စိတ်ကြိုက် နှစ်သက်ခွင့်ရှိပါတယ်။
ဒါပေမယ့် သူတစ်ပါးကြိုက်နှစ်သက်တဲ့အရာ
တွေကိုတော့ ကဲ့ရဲ့ရှုတ်ချပြီး သင်ကြိုက်တဲ့
အရာတွေကို ဂုဏ်တင်ပြီး ပြောတာမျိုးတော့မဖြစ်သင့်ပါ။
16/01/2024
*လူဖြစ်တဲ့ အတွက် စိတ်ဓာတ်ကျတဲ့အချိန်တွေရှိမယ်။ လမ်းပျောက်တဲ့ အချိန်တွေရှိမယ်။
ချစ်ရတဲ့ သူတွေဆုံးရှုံးလိုက်ရတဲ့ အချိန်တွေရှိမယ်။
စီးပွါးရေးတွေ ဆုံးရှုံးသွား တဲ့ အချိန်တွေရှိမယ်။
သစ္စာဖောက်ခံရတဲ့ အချိန်တွေရှိမယ်။
အရာအားလုံး ဆုံးရှုံး သွားတဲ့ အချိန်တွေ ရှိမယ်။
ထုတ်ပြောတာနဲ့ မပြောတာပဲ ကွာတယ်။ ကြုံတာတော့ တစ်ခုမဟုတ် တစ်ခု ကြုံကြရမှာပဲ။
ကြုံလာခဲ့ရင် ဝမ်းနည်းပက်လက်ဖြစ်လို့ရတယ်။ ဒါပေမယ့် ဝမ်းနည်းလျှက် ရှေ့ဆက်နေရမယ်။ လုပ်စရာရှိတာလုပ်ရင်း ရှေ့ဆက်နေရမယ်။
အတိတ်ထဲမှာ တဝဲလည်လည် ဖြစ်နေတဲ့သူတွေက အောင်မြင်ဖို့ခက်တယ်။
အတိတ်ကို ထားခဲ့ပြီး ပစ္စုပန်ကို အာရုံစိုက်တဲ့သူတွေကပဲ အောင်မြင်သွားကြတာ။ Fighting !
#ဘဝတိုးတက်ရေးစာပေ #ဗဟုသုတအနေနဲ့မျှဝေခြင်း
Click here to claim your Sponsored Listing.
Category
Telephone
Website
Address
Tigyaing
075
Opening Hours
| Monday | 09:00 - 17:00 |
| Tuesday | 09:00 - 17:00 |
| Wednesday | 09:00 - 17:00 |
| Thursday | 09:00 - 17:00 |
| Friday | 09:00 - 17:00 |
