ALNI handmade

USကိုရောက်ရှိ🤎
မမနဲ့သိတာ ၄နှစ်ကျော်ကြာခဲ့ပြီ
ပထမဆုံးသူငယ်ချင်းအသိတွေထဲကမဟုတ်တဲ့ customerလို့ပြောလို့ရတယ်
သူမ ကိုင်နေကျဂျပန်ဆရာမကြီးတွေရဲ့အိတ်တွေထုတ်ပြပြီးလာအပ်တာမို့ ဖိအားတွေတအားများပြီးလက်ခံခဲ့ရတာလေး
ချုပ်ပေးခဲ့တဲ့အိတ်တွေလည်းမနည်းတော့ပါဘူး
အခုတော့ဂျပန်ဆရာမကြီးအိတ်တွေထက်ညီမလေးအိတ်ကလေးတွေကိုမှချစ်သွားတဲ့မမပါ
(ဟန်းမိတ်ဆိုတာက ဖန်တီးသူနဲ့ လက်ခံသူနှလုံးသား၂ခုတိုက်ဆိုင်မှ တန်ဖိုးတခုထွက်လာတာပါ! တော်ခြင်းမတော်ခြင်းတွေ ဈေးကြီးတာနည်းတာတွေနဲ့သတ်မှတ်တာမဟုတ်ပါဘူး
တန်ဖိုးထားခံရရင် ပျော်ရတဲ့ ချစ်ခြင်းမေတ္တာတမျိုးပါပဲ)

👼Story of ALNI

သားသား ၄နှစ်အကျော်မှာAutism Mildဆိုတာကို စပြီးသိလာခဲ့ချိန်
ALNI ကpageမစခင်မှာပဲ orderတွေတန်းစီ ရခဲ့ပါတယ်။
အစပိုင်းမှာတော့ခင်မင်ရသူတွေအပ်တဲ့orderတွေမို့ အချိန်တခုကျရင် ဒါလေးကရပ်သွားမှာလို့ တွေးခဲ့ပါတယ်။
ဒါပေမဲ့ Pageလေးလုပ်တော့လည်းလူပိုသိလေ orderများလေလေပါပဲ ။
တနှစ်ကျော်လောက်အထိ ဒါလေးတွေရိုးသွားတဲ့အခါ လူတွေလဲသွေးအေးပြီး ဟန်းမိတ်ကလေးတွေ ကorderရပ်သွားမှာပဲလို့တွေးနေဆဲပါပဲ။အလုပ်တွေသာလုပ်နေရတယ်သားအတွက်လုပ်လက်စအရာအားလုံးရပ်ဆိုင်းပစ်ရမလား တွေးမိပေမဲ့ အဲ့အချိန်ကာလတခုမှာ သားအတွက် ဘယ်ကနေစလို့ဘာလုပ်ရမလဲနားမလည်စွာနဲ့ ဒီဟန်းမိတ်တွေကိုပဲ တစိုက်မတ်မတ်လုပ်ဖြစ်ခဲ့တာပါ။ အဲ့ဒိအတွက် ကိုယ့်ကိုကိုယ်အပစ်ရှိသလို တော့တခါတရံခံစားမိပါတယ်။ ဖြတ်သန်းလာခဲ့ရတဲ့၄နှစ်ကျော်မှာ သားကိုလက်ခံဖို့အင်အားတွေက ALNI ကပေးတဲ့ခွန်အားတွေကြောင့်လို့ထင်ပါတယ်။ Special needsကလေးလေးမေမေတယောက်အနေနဲ့ ကိုယ်တိုင်ပျော်ရွှင်မှုကိုအရင်ရှာခဲ့တာလဲ မမှားခဲ့ပါဘူး။ ကိုယ်တိုင်သန်မာပြီးပျော်ရွှင်မှသာ ကလေးနဲ့အတူဖြတ်သန်းရမဲ့နေ့ရက်တွေကို ယုံကြည်မှုရှိရှိရှေ့ဆက်နိုင်မှာမို့လေ။ ကျန်ခဲ့တဲ့တချို့ နေ့ရက်တွေက အဓိပ္ပာယ်မရှိ အမှောင်အတိကျနေပေမဲ့ အခုအချိန်ပြန်လှည့်ကြည့်မိတော့လည်း ပျော်ရွှင်မှုရဲ့အရင်းအနှီးတွေလို့ခံစားရပါတယ်။