Twe Tar Home Cook

အကြွေး
********
အကြွေးမှန်သမျှ ဆပ်ရမယ်ဆိုတဲ့
အသိတရားကို ကျမ လက်ကိုင်ထားပါတယ်။
♦️ စကား အကြွေး
♦️အလုပ် အကြွေး
♦️ ပစ္စည်း အကြွေး
♦️ ပိုက်ဆံ အကြွေး
အကြွေး ဆိုရင် ဘာ အကြွေးမှ မထားသင့်ပါဘူး။

____________________________________________

♦️ စကား အကြွေး မထားတတ်သူတိုင်း
စကားကို အလွယ် မပြောတတ်ကြပါဘူး။
စကားအလွယ် ပြောတတ်ရင်
ကတိ အလွယ် ပျက်တတ်ပါတယ်။
ဒါကြောင့် သူက ကတိမတည်ဘူးလို့
အပြော မခံချင်ရင် စကား အလွယ် မပြောပါနဲ့။
ယုတ်ဆွအဆုံး ကိုယ်က သူ့ဆီ မသွားနိုင်ပဲ
လာမယ်လို့ လည်း စကားအလွယ် မပြောသင့်သလို
ကလေးလေး တစ်ယောက်ကိုတောင်
အရုပ် ဝယ်မပေးဖြစ်နိုင်ဘူးဆိုရင်
အရုပ်ဝယ်ပေးမယ်လို့ ပြောတာမျိုးကအစ
စကား အကြွေး ဖြစ်စေတာမို့ မပြောသင့်ပါဘူး။
ဒါကြောင့်မို့ ကိုယ်လုပ်နိုင်တာကိုသာ
ကိုယ့်ပါးစပ်က ပြောတဲ့သူဖြစ်အောင် ကြိုးစားထားပါ။
ဒါဆို နှုတ်ကတ်ိတည်သူ ဖြစ်လာပါလိမ့်မယ်။

♦️ အလုပ် အကြွေးဆိုတာလည်း
ဒီနေ့ပြီးနိုင်တဲ့ အလုပ်ကို ဒီနေ့ပြီးအောင် မလုပ်ပဲ
နောက်တစ်နေ့မှ လုပ်မယ်ဆိုပြီး ထားလိုက်တဲ့အခါ
နောက်တစ်နေ့ကျတော့ အလုပ်အကြွေးဆပ်နေရတော့
ပိုပင်ပန်းစေပါတယ်။
ဒါကြောင့် ကိုယ်ဒီနေ့ လုပ်နိုင်တဲ့အလုပ်ဟာလည်း
နက်ဖြန်အထိ သယ်မသွားသင့်တဲ့ အရာပါပဲ။

♦️ ပစ္စည်း အကြွေးဆိုတာက
သူတစ်ပါး ပစ္စည်းတွေ, အသုံးအဆောင်တွေကို
ငှားသုံးတယ်ဆိုရင် ပြန်ပေးရပါတယ်။
ပြန်မပေးတဲ့ အခါမှာ မိတ်ပျက်တတ်ပါတယ်။
ဖြစ်နိုင်ရင်တော့ ဘယ်သူ့ပစ္စည်းကိုမှ
ငှားမသုံးပဲ နေနိုင်ရင် အကောင်းဆုံးပါပဲ။

♦️ ပိုက်ဆံ အကြွေးဆိုတာကတော့ အဆိုးရွားဆုံးပဲပေါ့။
အကြွေးသံသရာက လွတ်မြောက်ဖို့ လမ်းမမြင်ရင်
ပိုက်ဆံ အကြွေး မယူတာ အကောင်းဆုံးပါပဲ။
ပိုက်ဆံ အကြွေးယူပြီး ပြန်မဆပ်နိုင်ခဲ့ရင်
အမှု့အခင်းရင်ဆိုင်ရတာတွေ
နာမည် ဂုဏ်သတင်းပျက်တာတွေ ဖြစ်ပါလိမ့်မယ်။
ညလည်း ကောင်းကောင်း အိပ်ပျော်မှာ မဟုတ်ပါဘူး။
အကယ်၍ ငွေရှင်က
တရားသဘောသိသူဖြစ်ပြီး
စိတ်သဘောထားပြည့်ဝလို့
တရားစွဲခြင်း မပြုသည့်တိုင်
သံသရာမှာ ခန္ဓာနဲ့ ဆပ်ကြရတယ်ဆိုတာ
အားလုံးပဲ သိပြီးသား ဖြစ်ပါလိမ့်မယ်။

မေတ္တာဖြင့်
မနန်း ( ဗြဟ္မစိုရ်လမင်း )

ကျန်းမာလှပစေဖို့
အာဟာရစုံစွာစားကြပါစို့