Shan State Channel
Share
08/06/2026
တန့်ယန်းတွင် မိုးသည်းထန်စွာရွာသွန်းပြီး မြေထိန်းနံရံပြိုကျ၊ အမျိုးသမီးတစ်ဦး သေဆုံးကာ နေအိမ်အချို့ ပျက်စီး
Shan State Channel News
ဇွန်လ ၈ ရက်၊ ၂၀၂၆ ခုနှစ်
ရှမ်းပြည်နယ်မြောက်ပိုင်း၊ တန့်ယန်းမြို့နယ်အတွင်း မိုးသည်းထန်စွာ ရွာသွန်းမှုကြောင့် မြေထိန်းနံရံပြိုကျကာ နေအိမ်အချို့ ပျက်စီးခဲ့ပြီး အမျိုးသမီးတစ်ဦး သေဆုံးခဲ့ကြောင်း စုံစမ်းသိရှိရသည်။
ယနေ့ ဇွန်လ ၈ ရက်နေ့၊ နံနက် ၄ နာရီခန့်တွင် တန့်ယန်းမြို့နယ်အတွင်း မိုးသည်းထန်စွာ ရွာသွန်းခဲ့ပြီးနောက် အမှတ် (၆) ရပ်ကွက်၊ နယ်မြေ (၅) တွင် မြေပြိုမှုဖြစ်ပွားခဲ့ခြင်းဖြစ်သည်။ အဆိုပါရပ်ကွက်ရှိ အိမ်အမှတ် (၁၅) နေ ဒေါ်အေးယင်း၏ နေအိမ်အနောက်ဘက်ရှိ မြေထိန်းနံရံမှ ကျောက်များနှင့် မြေသားများ ပြိုကျလာပြီး နေအိမ်ပေါ်သို့ ပိမိခဲ့ခြင်းဖြစ်သည်။
ယင်းမြေပြိုကျမှုကြောင့် နေအိမ်အတွင်းရှိ အသက် (၄၉) နှစ် အရွယ် ဒေါ်အေးယင်းမှာ ခန္ဓာကိုယ်တွင် ပြင်းထန်သော ပေါက် ပြဲဒဏ်ရာများ ရရှိကာ အခင်းဖြစ်ပွားသည့်နေရာ၌ပင် သေ ဆုံးသွားခဲ့သည်။ ထို့အပြင် မြေပြိုကျမှုကြောင့် အဆိုပါနေအိမ်၏ အနောက်ဘက်ခြမ်းတွင် ထိခိုက်ပျက်စီးမှုအချို့များ ရှိခဲ့ကြောင်း သိရသည်။
ဖြစ်စဉ်ဖြစ်ပွားပြီးနောက် သက်ဆိုင်ရာ တာဝန်ရှိသူများက အခင်းဖြစ်ပွားရာနေရာသို့ ချက်ချင်းသွားရောက်၍ လိုအပ်သည့် စစ်ဆေးမှုများနှင့် ကူညီကယ်ဆယ်ရေးလုပ်ငန်းများကို လုပ်ဆောင်ခဲ့သည်။
မိုးရာသီကာလအတွင်း တန့်ယန်းမြို့နယ်တွင် မိုးသည်းထန်စွာ ရွာသွန်းမှုများ ဆက်တိုက်ဖြစ်ပေါ်နေသဖြင့် တောင်စောင်းနေအိမ်များနှင့် မြေထိန်းနံရံအနီး နေထိုင်သူများအနေဖြင့် မြေပြိုမှုအန္တရာယ်ကို အထူးဂရုပြုကြရန် ဒေသခံများက သတိပေးနှိုးဆော်ထားသည်။
#တန့်ယန်းမြို့
#မိုးသည်းထန်စွာရွာသွန်း
#မြေထိန်းနံရံပြိုကျ
#သေဆုံးမှုရှိ
-Photo Local
နောင်ချိုမြို့နယ်အတွင်း တိုက်ပွဲများအပြီး ကျန်ရှိခဲ့သည့် မြေမြှုပ်မိုင်းနှင့် စစ်ကျန်လက်နက်များကြောင့် ဒေသခံများ မိုင်းနင်းမိမှု ဆက်တိုက်ဖြစ်ပေါ်နေပြီး အသက်အန္တရာယ် စိုးရိမ်နေရသည်။ တောင်ခမ်းကျေးရွာအနီးတွင် မိုင်းရာချီ ကျန်ရှိနေသေးသဖြင့် လယ်ယာလုပ်ငန်းခွင်များသို့ မဝင်ရောက်နိုင်ဘဲ အခက်အခဲဖြစ်နေသော ဒေသခံများက သက်ဆိုင်ရာ တာဝန်ရှိသူများအား မိုင်းရှင်းလင်းရေး အမြန်ဆုံး ဆောင်ရွက်ပေးရန် တောင်းဆိုထားသည်။
#နောင်ချို #မိုင်းအန္တရာယ် #သတင်း
လားရှိုးမြို့တွင် စစ်ကောင်စီတပ်က ကျောင်းပိုင်မြေဟုဆိုကာ ပြည်သူပိုင်နေအိမ် (၁၅) လုံးကျော်ကို ဘူဒိုဇာဖြင့် အတင်းအ ဓမ္မ ဖြိုချဖျက်ဆီးခဲ့။ ယင်းမြေနေရာများသည် လွန်ခဲ့သည့် (၁၅) နှစ်ခန့်က စစ်တပ်နှင့် ကျောင်းတာဝန်ရှိသူများက ပြည် သူများထံ တရားဝင်ရောင်းချခဲ့သည့်နေရာများဖြစ်ပြီး လက်ရှိတွင် နစ်နာကြေးတစ်စုံတစ်ရာမရရှိဘဲ အိုးမဲ့အိမ်မဲ့ဖြစ်နေရကြောင်း သိရသည်။
#လားရှိုး #သတင်း
Click here to claim your Sponsored Listing.
