KLM

🏹 မြားသုံးစင်း သူငယ်ချင်သုံးယောက် 🏹

ဖိုးလပြည့်
ပြည့်ဖြိုးမောင်
မလှိုင်လုံး
အတိုအရှည်မတူတဲ့မြားသုံးစင်း
ခွင်းမယ့်ပစ်မှတ်ကအတူတူ
ပြင်းအားကအတူတူ
တာထွက်ခဲ့ကြတာလည်းအတူတူ။

ပြန်မရနိုင်တော့တဲ့ နုပျိုခြင်းတွေကို့စွန့်
လူငယ်ဆိုတဲ့
ကိုယ်ပိုင်လွတ်လပ်ခွင့်တွေကိုမေ့ဖျောက်
သူတို့
ရဲရဲတောက်ခဲ့ကြတယ်။

တကယ်ဆို နေချင်တာပေါ့
လူငယ့်ဘာသာဘာဝ
လက်ဖက်ရည်ဆိုင်ထိုင်ရင်း
ဂိမ်းတိုက်ရင်း
ချစ်သူ့မျက်နှာအရိပ်ကြည့်ရင်း၊
ပဂတိအခြေအနေမှာတော့
ဂိမ်းမဟုတ်တဲ့ပွဲတွေကိုတိုက်ရင်း
အသက်ကိုရင်း
ဘဝကိုရင်း။

နေချင်တာပေါ့
အသက်အပိုင်းအခြားအရ
လှလှလေးဝတ် ကြွကြွလေးလျှောက်
ကတ္တရာလမ်းပေါ်
ရှူးဖိနပ်သံ တဖျောက်ဖျောက်နဲ့။
ဒါပေမဲ့ ရောက်နေရတာက
လျှိုမြောင်ချောက်ကြား
ပွိုင့်ဖိနပ်တကားကားနဲ့။

စားချင်တာပေါ့
မိသားစုထမင်းဝိုင်းမှာ
ချိုချဉ်စပ်ခါးအရသာစုံစုံလင်လင်နဲ့
မျက်နှာစုံစုံညီညီနဲ့။
ဒါပေမဲ့ အရှိတရားမှာ
ဆီတို့ဟူးတစ်ပြားကို နှစ်ပြားခွာခဲ့ကြရ။

ဒါပေမဲ့ မမှုခဲ့ဘူး
နှလုံးသားနုနုကို ခေတ်ပျက်ထဲခေါက်သိမ်း
တိုင်းပြည်ကတင်ပေးခဲ့တဲ့ဝန်ကို
သူတို့ပခုံးပေါ်တနင့်တပိုးထမ်းခဲ့
သူတို့
သမိုင်းပေးတာဝန် ကျေပွန်ခဲ့ကြတယ်
ဝါးနုလေးတွေက
ဝါးရင့်တွေကိုပတ်ဆွဲ
လှဲချပြခဲ့ကြတယ်။

ခုတော့....
သူငယ်ချင်းသုံယောက်မြားသုံးစင်း
လမ်းခုလတ်မှာမြားကျိုးခဲ့
ကျိုးပေမဲ့ အဖိုးမမဲ့ခဲ့ဘူး
ခေါက်သိမ်းခဲ့တဲ့နှလုံးသားတွေ ဖွင့်ဖတ်ခွင့်မရခဲ့ပေမဲ့
သူတို့သမိုင်းမရိုင်းတော့ဘူး
ခွေးတွေကတဲ့အရိုင်းဇာတ်မှာ
သူတို့ဟာအမြတ်ဆုံးလူသားတွေ။ ။

ဒီမိုစိုသူ(ကောလင်း)
16.9.2021