Kayin State Red Cross

မြဝတီမြို့နယ်ကြက်ခြေနီမှ မီးလောင်မှုဖြစ်စဉ်တွင်သွားရောက်ကူညီဆာင်ရွက်
------------------------------
မြဝတီမြို့ အမှတ်(၄)ရပ်ကွက် မြေနီကုန်းကျေးရွာအုပ်စုတောင်ကလေးဘုန်းကြီးကျောင်းအရှေ့ ကားတာယာအရောင်းဆိုင်မှစတင်၍ (၁၀.၅.၂၀၂၅) ရက်နေ့ ညဦးပိုင်း(၇:၀၀) နာရီအချိန်ခန့်တွင် မီးလောင်မှုဖြစ်ပွားခဲ့ရာမီးလောင်မှုသတင်းရသည်နှင့် တပြိုင်နက် မြဝတီမြို့နယ်ကြက်ခြေနီ အသင်းခွဲ၊ မြဝတီမြို့နယ်ကြက်ခြေနီသူနာပြုတပ်ဖွဲ့မှအရေးပေါ်လူနာတင်ယာဉ် (၂)စီးဖြင့် မီးလောင်ရာနေရာသို့ရောက်ရှိခဲ့ပါသည်။

ထိုသို့ရောက်စဥ်ထိခိုက်ဒဏ်ရာရသူများကို ရှေးဦးပြုစုပေးခြင်း၊ မီးငြိမ်းသတ်ရာတွင်ပါဝင်ကူညီပေးခြင်းတို့ကိုကူညီ‌ေဆာင်ရွက်ရာ မီးခိုးမွန်ကာအောက်စီဂျင် လုံလောက်စွာမရရှိ၍ အသက်ရှူမဝဖြစ်သော လူနာတစ်ဦးအားထံမံရှေးဦးပြုစုပေးပြီ ကြက်ခြေနီအရေးပေါ်လူနာတင်ယာဉ်ဖြင့် မြဝတီခရိုင်ပြည်သူ့ဆေးရုံသို့ အချိန်မီပို့ဆောင်ပေးခဲ့ ကြောင်းသိရှိရပါသည်။

ငလျင်ဘေးဒဏ်သင့်ဒေသများသို့ ကရင်ပြည်နယ်ကြက်ခြေနီစေတနာလုပ်အားရှင်များကသွားရောက်ကူညီဆောင်ရွက်ပေးလျက်ရှိ
======================================

လတ်တလောကြုံတွေ့နေရသည့်ငလျင်‌ဘေးဒဏ်သင့်ပြည်သူများထံသို့သွား‌ရောက်ကူညီဆာင်ရွက်ပေးနိုင်ရေးအတွက် မြန်မာနိုင်ငံကြက်ခြနီအသင်းဌာနချုပ်၏လမ်းညွန်မှုဖြင့်ကရင်ပြည်နယ်ကြက်ခြေနီကြီးကြပ်မှုကော်မတီ မှ ကြီးကြပ်၍သက်ဆိုင်ရာခရိုင်၊မြို့နယ်များရှိ ကြက်ခြေနီစေတနာလုပ်အားရှင်များအားအရေးပေါ်တုန့်ပြန်ရေးအဖွဲ့အဖြစ် ၃၁-၃-၂၀၂၅ ရက်နေ့တွင် စပြီး ပဲခူး နှင့်နေပြည်တော်သို့ ၁၀ဦး ၊ ၄-၄-၂၀၂၅ရက်နေ့တွင်မန္တလေး နှင့်နေပြည်တော်သို့ ရေနှင့်ဆိုင်ရာပတ်၀န်ကျင်သန့်ရှင်းရေးအဖွဲ့တွင်ပါ၀င်ကူညီရန် ၅ဦး ၊ ဆက်လက်ပြီး၅-၄-၂၀၂၅ရက်နေ့တွင် စိတ်ပိုင်းဆိုင်ရာ အားပေးကူညီ ရေးတွင်ပါ၀င်ဆာင်ရွက်ရန်မန္တ‌လေးသို့ကြက်ခြေနီလူငယ် ၃ဦး စုစုပေါင်း၁၈ဦးတို့ကို စေလွတ်ခဲ့ပါသည်။ ယနေ့ချိန်ထိ တာ၀န်ကျသည့်နေရာအသီးသီးမှာလူမှုကရုဏာဆိုင်ရာလုပ်ငန်းများကိုကူညီဆောင်ရွက်ပေးလျက်ရှိပါသည်။
#

ကရင်ပြည်နယ်တွင် ယာယီခိုလှုံရာစခန်းမှပြည်သူများအတွက် အလှူရှင်များပေးအပ်သော အစားအသောက်မုန့်နှင့် သောက်ရေ၊သုံးရေများအား ကြက်ခြေနီကသွားရောက်လှူဒါန်း
=============
ဖာပွန်၊ မေလ(၂)ရက်။

၂၀၂၃ခုနှစ် ဧပြီလ(၂၇)ရက်နေ့က ကရင်ပြည်နယ်၊ဖာပွန်မြို့နယ်၊ ကမမောင်းမြို့ အမှတ်(၂)ရပ်ကွက်ရှိ ဘုရားကိုးဆူယာယီခိုလှုံရာစခန်းမှ အိမ်ထောင်စု(၂၅)စုအတွက် ရပ်ရွာမှအလှူရှင်များက အစားအသောက်နှင့် ခေါက်ဆွဲခြောက်ထုပ်များ၊မုန့်များနှင့် သောက်ရေ၊သုံးရေများ ထောက်ပံ့လှူဒါန်းခဲ့ရာ ကြက်ခြေနီစေတနာလုပ်အားရှင်များက သွားရောက်လှူဒါန်းပေးခဲ့ကြပါသည်။
ကြက်ခြေနီစေတနာလုပ်အားရှင်များသည် မိမိတို့ဒေသအတွင်း လူသားချင်းစာနာထောက်ထားမှုဆိုင်ရာအကူအညီများကို အခြေခံမူ(၇)ချက်နှင့်အညီဆောင်ရွက်နေကြပြီး ရပ်ရွာလူထုအား လိုအပ်သည့်အကူအညီများပေးနိုင်ရန်အတွက် ကြိုးစားနေကြပါသည်။