AGUlAl SA3Id

إيه أليام لاكارط كدير 270 درهم والتلفون
عظم 3000 درهم 😅
كانت التبعئة غير ديال 50 درهم كادوز بيها 6 شهور، و ماتهضرش بيها لاحقاش كانت الدقيقة ساوية شي 8 دراهم، كتمشي لك غير ف"ƀɨᵽ" على بنادم.
كتشارجي جوج مرات فالعام، من 6 شهور ل6 شهور غير لاحقاش إتصالات كتقولك راه نهار كذا فالشهر كذا غادي تحرگ لك لاكارط إلا ماشارجيتش.
كتقيد داك التاريخ و كتعقل عليه وتمشي تجري تسلف 50 درهم باش مايقطعوهاش ليك
إلا بغيتي تعيط وتهضر كتمشي للتيليبوتيك، تاترفحت إتصالات عاد درات ميساجات فابور من 00ħ ل 8ħ مدة أسبوع 🙂
لا توحشت خطيبتك كتصوني عليها و تقطع : زعما "سلام حبيبة صافا أش خبارك توحشتك "
وهي ترد عليك ب"ƀɨᵽ" زعما "الحمدلله يسولك فيك الخير تا أنا توحشتك ".
لا توحشتو بعضياتكم بزاف ماكتساليوش من بيپي عليا نبيپي عليك وآخر واحد بيپا هو لي توحش بزاااف .
خصوصا بالليل مخشي فالمانطة و كاتصوني، إلا ماردتش عليك كتعتبرها مابقاتش تبغيك وإلا تعطلت كتسما كتخونك.
الباتري كثر من سيمانة تال جوج تا ماكتبقاش عاقل على فين حطيت الشارجور آخر مرة، و الصونيط حرفي كيدير ليك الشقيقة. ولا صونا ليك التليفون وسط الناس نتا هو القايد، كتولي بحال رجل أعمال مهم و كلشي كيبقا يشوف فيك و يحسدك وكتنفخ تانتا 😂😂😂😂
فرأس العام و الأعياد كدور على النوامر كاملين لي عندك بيپ...بيپ للمومن زعما عواشرك مبروكة و هما كيردو عليك پيب "الله يبارك فيك ".😂

أكبر جريمة تقدر دير فحياتك هي واحد بغا يبيپي عليك و تبرك على ØꝀ و دوز المكالمة غتكون آخر حركة درتي فحياتك، ممكن يشد المركوب و تلقاه قدامك... لي عارف يقول خليه تا يصوني 3 المرت متابعين عاد حل الخط من غيرها جنيتي على نفسك.
الصورة تعبر عن نفسها....

تحية للجيل الذهبي ⁦✌️⁩

للأدكياء فقط