CODM

فاش كتشوف مكتب مسير لا يحترم جمهوره لا يتواصل معهم ، ولا يدافع عنهم ولا يدافع عند حقوق الفريق ولا يعترض على التحكيم .
فاش كتشوف نصف المكتب غائب بينما منخرطين في ارضية الميدان ويتكلمون مع المدرب والاعبين ، وبعض صحافة تتدخل في شؤون الفريق وفي الصفقات .
فاش كتشوف مدير رياضي خارج كيهضر على الانتقالات وكم لاعب سيجلب وكم لاعب سيرحل وحنى يلاه فالشطر الاول .
فاش كتشوف جلب قرابة 30 لاعب وصفقات عشوائية بدون دراسة ، لاعبين لا يستفيد منهم الفريق منهم من هو مصاب ، ومنهم من لم ينجح الفريق في تسجيله ومنهم من لم يلعب حتى دقيقة ورحل ومنهم من هو في عطلة سياحية على حساب الفريق.
فاش كشوف مكاينش رقابة للاعبين خارج الملعب كنتسناو حتى كيدير شي واحد كسيدة او يتشد شي 48 ساعة عاد تجي خبارو اش كان كيدير .
فاش كتشوف مدرب كل مرة يخرج بتصريح استفزازي .

فاش تشوف العشوائية فالملعب وعدم احترام الجماهير منها من هو بتذكرته ولا يستطيع الدخول ،ومنها من لم يجد حتى مقعد بينما بعض الاماكن فارغة فالملعب .

فاش كتشوف ماعندناش حتى ملعب تداريب ولا احد يتكلم .

فاش كتشوف بزاف دالطبالة والمتملقين دايرين بالفريق ولي تكلم وطالب باصلاح بعض الامور كينزلو عليه بالسب والقدف والاتهمات الباطلة ، هدشي الا مامشاوش قدمو شي شكاية باطلة ولعبو دور الضحية .

فاش كتشوف فريق كيحط نتائج الفئات السنية فقط فاش كيربحو زعما العام زين .
فاش كتشوف مدرب محدود يلعب بتشكيلة واحدة وهو خاسر وهو كيقوم بتغيير الدفاع وكيتسنى الدقيقة 80 باش يقوم بتغيير . ......
هدشي غي شوية من بزاااف وماباغيينش نوصلو لهدشي ؟ فهو تحصيل حاصل.
اذن شكون كيتحمل المسؤولية دهدشي ؟
وفوقاش يجي مدير رياضي عندو مشروع حقيقي ؟
والا متى غتبقى هاد العشوائية ؟

بدينا الموسم باكثر من 30 لاعب حتى كان عندنا اكتضاض فالتداريب وكان المدرب كيضطر يتخلى على بعض الاعبين فبعض التربصات .
باش فالاخير نبقاو لعبو المقابلات بتشكيلة واحدة ، رغم الهزيمة وبدون اجانب لي نورمالمو خاص يكونو احسن من الاعب المحلي وخاص يقدمو الاضافة ماشي مدوزين عطلة سياحية وكيتخلصو من الفوق .
حتى من التغيير المدرب ماكيبغيش يديرو فالوقت كيشوف لعاب سخفان وماكيقدم والو من الاول وكيتسنى حتى الدقيقة 80 عاد كيخرجو ماكيكرهش يبقى لعاب 90 دقيقة بنفس التشكيلة فكل ماتش .
شنو كتبقى تسنى حتى الدقيقة 80 او 90 عاد دير تغيير وانت خاسر وشي لاعبين سخفانين ماكيقدمو والو ؟
تحت شعار لا تغير الفريق الدي يخسر ؟
وفاش كتجي وتگولهوم راه الدنيبي مدرب محدود وغالبا غير موفق في خرجاته الاعلامية من المدربين لي ماكيعترفش بالضعف او الاخطاء ديالو صعيب شي نهار يخرج ويگولك بكل بساطة انا لي كنتحمل المسؤالية فهاد المباراة وكنت ضعيف وغنحاول نزيد نخدم .
علاش كنحملو الدنيبي المسؤولية حيت هو والمدير الرياضي لي وافقو على غالبية دالانتقالات لي جلبنا اكثر من 20 لاعب .
وهو لي دار الاستعدادات مع الفريق وزاد انتقالات شتوية وخرجنا ديك الطريفة ديال 5 دالمقابلات الاولى ماتهضروش معايا فيها ، اييه و 25 مقابلة لي بقات اش نديرو فيها ؟
هاحنا ماعندناش ضهير ايسر لي يعوض قنديل ، بينما طالقين بوتريد اعارة لشباب اطلس خنيفرة ، عزيز عليكوم الترقاع ؟ واش عندنا مدرب ولا خراز ؟
وفاش كنا كنهضرو على هدشي وكنطالبو بحلول جدرية وليس ترقيعية وكنطالبو بانتقالات فالمستوى كينوض واحد الفئة المسيرة كتسبنا والتهمنا بمدفوعين وكنشوشو على الفريق و واخدين الفلوس .
نحن لسنا مع احد ولسنا ضد احد نحن مع النادي المكناسي وضد من يضره .

فطيلة التوقف مابغيناش نهضرو باش مايگولكش تشويش حتى فاش خسرنا ضد الجديدة ماهضرناش باش مايگولكش كنتسناو الفريق فالدورة وهاحنا وصلنا لداكشي لي كنا كنهضرو عليه .
مكنطالبوش تجريو على المدرب فهاد الوقت الحساس ولكن يجب الضغط عليه يصغر راسو شوية وينقص من تخراج العنين ويبدل بعض الافكار لي مامشاتش معاه.

گالك طموح ديالو اكبر من النادي .

زيناف كسر فكه ، قنديل كسرت يده والجمهور كسر قلبه 💔

بدينا الموسم ب 8 رؤوس الحربة باش فالاخير الدنيبي يجي يگولينا ناقصنا هداف صريح .
#العشوائية