Abdo Edy Trip

الفرق بين السفر بشكل عادي و السفر على شكل رحالة او trip في عدة نقاط
_النقطة 1.... السفر بشكل عادي... هذا النوع من السفر هو السائد بين المجتمع، والسفر على شكل رحالة بدأ ينتشر مؤخرا بين الناس
_النقطة 2..... تتجمع صكادو ديالك تتهز الصرف لي غيقدك فجيبك وتتقصد الوجهة لي باغي تمشي ليها.... تتوصل اما تتشد أوطيل أو تتكري بيت ولا دار الى كنتي غادي نتا وعشرانك ولا عائلتك، او تتمشي عند شي عائلة أو صديق وتتريح معاه ديك المدة لي نتا مسافر فيها... هدشي لاكنتي غتبقا مسافر كثر من نهار... أما السفر على شكل رحالة تيتطلب وقت كبير فاش تجمع أغراضك إلى كنتي أول مرة غتسافر بهذا الطريقة غيخصك تقدا مجموعة من الأغراض لي هيا... طونت +شاكوساج+.... العديد من المعدات كل واحد على حساب نوع الترحال لي تيدير... يقدر يكون تيتسلق ل قمم الجبال غيخصو معدات خاصة بالتسلق..... يعني غتكون حتا لهنا حطيتي فلوس لي تقدر تضوبل على جوج بدكشي لي غتسافر بيه بشكل عادي
_النقطة 3.... بالنسبة للأكل فراه ونتا مسافر غالبا غتاكل فشي محلبة اولا ريسطورة اولا تدوموندي الماكلة تجي عندك واجدة أما السفر على شكل رحالة فراه تتوجد اي حاجة راسك وتتقدا باش تطيب راسك يعني تتعول على راسك متتسناش شي واحد لي يجيبها لك واجدة ، تقدر فهذا اللحظة تطلق نوع من انواع الموسيقى واتاي لي وجدتيه من قبل..... مهم تستمتع بديك اللحظة لي مستحيل تستمتع بيها ولا تعيشها ونتا مسافر بشكل عادي تتسنا الأكل تاعك من واحد آخر يوجدو لك بالمقابل.....
_النقطة 4... لي خاصة بالنوم... شتان بين واحد ناعس بين 4 دالحيوط او فندق فخم ديال 5 نجوم وواحد ناعس منو لسماء لي تتكون مليئة بما لا يعد ولا يحصى من النجوم قدام واحد البحيرة أو واد فيه الماء تيجري.... غير صوت تاع الماء تيجري حداك يقدر يعطيك واحد الطمأنينة لي صعيب تلقاها إلى مدرتيش هكا
_النقطة 5.... ديال الصباح
فالسفر العادي تتفيق صبح تتفطر عادي فمحلبة ولا فاوطيل أو قدام شي منظر بواحد الثمن لي خيالي، أما فالسفر على شكل رحالة فراه تتفيق إما على صوت خرير المياه او على أصوات العصافير أو هما معا... تتشحل العافية وتتسخن الماء وتطيب فطورك... قدام هذا المناظر تقدر تاكل الضوبل تاع دكشي لي تتاكلو ونتا مسافر بشكل عادي الشهية تتفتح
هذي مجرد لمحة سطحية فقط على الفرق بين السفر بشكل عادي و السفر على شكل رحالة