SABAH Academy

الامتحانات لي كاينين فالتكوين المهني

1- Les contrôles :

هادو الامتحانات الصغار, غالبا 2-3 فالمادة فوقما ساليتو واحد العدد ديال الدروس كادوزوهوم -ولا قوفما درتو الصداع و بغا الأستاذ يدير امتحان مفاجئ- المهم هادو تاتعرف بيهوم راسك كيف غادي … كان لي كايغولك مامحسوبينش , خدم ليهوم تقدر تحتاج نقاطهوم

2- Les EFMs : Examen Fin de Module

هاد الامتحان كادوزوه مرة وحدة فكل مادة فالتالي ديالها ولا فاش تايكون باقيليكوم غير شويا و تساليو الدروس كاملين المهم كايمثل نسبة 25 فالمئة من النتيجة النهائية ديال السنة الأولى

3- L’EFP : Examen Fin de Passage

امتحان نهاية السنة الأولى و لي كايمثل 75 فالمئة من قرار النجاح أو الرسوب

صافي هادشي لي كاين … هادشي لي غادي تقراو فالسنة الأولى من تسيير المقاولات, حتى مادة ما صعيبة يكفي يكون عندكوم الانضباط الذاتي و تخدمو من اللول دالعام تال التالي

أتمنى لكم التوفيق قولا بالدعاء لكم جميعا و فعلا عبر مشاركة ملخصاتي و شروحاتي و نصائحي

💕 ماتنساوش تبارطاجيو المنشور مع صحابكوم لتعم الفائدة 💕