Yaser Lay Lay

مشهد جميل بعدسة رضا الحوات، غير كينا شي حاجة ماشي هي هاديك ف الشاطئ، شكون شافا؟

واحد البنت تخطبت لمدة عامين بالظبط كان باقي على العرس 13 يوم
فجأة و بدون اي مقدمات قررت انها ما غتكملش
وقالت لعائلتها ما باغاهش
گاع دايرين بيها كيسولوها على السبب وهي ما باغاش حتى توضح
حتى ف اللخر عتارفت وقالت " ماعطاني حتى حاجة ف وقتها "
*كيطمأن عليا بعد ما كنصح
*كيسول على امتحاني الصعيب لي خايفة منو ومعاودة ليه عليه بعدها بسيمانة
*هدية عيد ميلادي حتى هي كتجي معطلة
*أي حاجة كنت كشوفها منو كانت باردة وما عندها حتى مذاق .
-
نجيو لوحدة خرى مزوجة و واحد النهار وقعت مشكلة بينها وبين راجلها وصلت هاد المشكلة لأنهم بقاو مخاصمين 4 ايام
هما مزوجين ف مدينة وحدة خرى بعيدة على عائلتها
وف ايام خصامهم خرجت تشري شي حاجات من واحد بلاصة حداهم
هي كان كيسحاب ليها انها عارفة زناقي مزيان خرجت وشرات ودارت بزااف وفاش بغات ترجع
ماعرفتش هى فين كتشوف حداها ما عارفة حتى حانوت ولا مألوف ليها اي عنوان كتمشي هنا وتمشي لهيه ما عرفاتش ترجع وفينما دازت من شي زنقة كتزيد تتلف كتر
بقات واقفة ف واحد البلاصة وبقات كتبكي و جبدت تليفونها وصونات لراجلها
جاوبها وقالت ليه " انا تالفة وما عارفاش انا فين وما عرفتش اشنو ندير " وهادشي كامل طبعا بالبكا
بقا كيقول ليها " صافي تهدنى انا معاك ، سيري غير سولي اي مول حانوت قريب منك وعرفي منو سمية البلاصة باش نعرف نجي عندك احبيبة ، طمني انا معاك وما غاديش نخليك وما غاديش نقطع وجاي عندك دبا "
وبعد بزااف ديال دوران وصل ليها وشافها وجرى عندها وهي من الخوف ماكانتش مصدقة انه هو ، وبعد مااستوعبت بدات كتبكي ومخبية فيه ..
داز شحال من عام على هاد الموقف وهي ما ناسياهش
كتقول انه كل ما شيطاني يوسوس ليا باش نكد عليه
قلبي مايطاوعنيش و كتجي ف بالي صورة الوقت لي كنت باغة فيه امان وكان هو اماني وحمايتي ...
----------------
كينة ثقافة سميتها * ثقافة الوقت *
حاجة معينة باغينها فهاذ الوقت
الى تعطلت غير شوية على وقت احتياجنا ما غنبغيوهاش
كل حاجة ليها وقتها .. كل حاجة حرفيا
( الإحساس - و الكلمة - و المعايدة - و الطبطبة - و الحضن - والنظرة- الخ... )
كيف ما الحاجة الباردة الى سخنت ما كيبقاش عندها مذاق
وبحال الدوا فاش كيجى معطل ماكتبقاش ليه فايدة ولا كينفع
وبحال الرجلة لي الى مابانتش ف الشدة ماغاداش تبقى رجلة
كل حاجة وتوقيتها .. والى خرجات على هاد التوقيت كتفقد قيمتها !
Yaser Lay Lay