DigitalOffice360

🖼 ဓါတ်ပုံတစ်ပုံ White Balance မှားနေတယ်ဆိုတာ ဘယ်လိုသိနိုင်မလဲ?
‎
တစ်ခါတလေ ပုံက Exposure လဲကောင်းတယ်၊ Composition လဲကောင်းတယ်..
ဒါပေမယ့် “ကြည့်ရတာ တစ်ခုခုမမှန်ဘူး” လို့ခံစားရတတ်ပါတယ်။
‎
လူတွေရဲ့ စိတ်မှာက အချို့အရောင်တွေကို တကူးတက မှတ်ထားစရာမလိုပဲနဲ့ သဘာဝအရ အလိုလို မှတ်မိနေပါတယ်။
ဥပမာပြောရရင် ကျနော်တို့ နေ့တိုင်းမြင်နေကျဖြစ်တဲ့ ကောင်းကင်ရဲ့ အပြာရောင်၊ မြက်ခင်းတခုရဲ့ အစိမ်းရောင်၊ စာရွက်တရွက်ရဲ့ အဖြူရောင်နဲ့ လူတွေရဲ့ အသားအရောင် စတာတွေကို သိနေတာမျိုးပါ။
‎
အဲ့လိုမျိုးသိနေတဲ့အတွက် ပုံထဲက အရောင်တွေနဲ့ တကယ့်အပြင်က အရောင်တွေနဲ့ ကွာနေတယ်၊ သဘာဝမကျသလို မြင်နေတယ်ဆိုရင်တော့ ဒါဟာ White Balance မှားနေတာ ဖြစ်နိုင်ပါတယ်။
‎
💡 White Balance မှားနေတဲ့ ဓါတ်ပုံတွေမှာ အများဆုံးတွေ့ရလေ့ရှိတဲ့ လက္ခဏာတွေကတော့..
‎
🔹 အဖြူရောင်က အဖြူ မစစ်တော့ခြင်း
‎
* အင်္ကျီအဖြူက အပြာရောင်သန်းနေခြင်း
* အဖြူရောင် နံရံက အဝါ / လိမ္မော်ရောင်ဘက် များနေတာမျိုးပါ
‎
🔹 အသားအရောင် Skin Tone သဘာဝမကျတော့ခြင်း
‎
* အနွေးရောင် (warm) ဖြစ်လွန်းရင် အသားရောင်က လိမ္မော်ရောင်ဖြစ်နေပြီး
* အအေးရောင် (cool) ဖြစ်လွန်းရင်လဲ အပြာ / ဖြူဖတ်ဖြူရော် ဖြစ်တတ်တယ်
* အစိမ်းရောင် စွက်နေတဲ့အခါ လူမမာအသားရေလိုဖြစ်နေတတ်တယ်
‎
တပုံလုံးကို ခြုံပြီးကြည့်လိုက်လို့ “အေးလွန်း” ဒါမှမဟုတ် “ပူလွန်း” နေတယ်လို့ ခံစားရရင်တော့ White Balance ကို ပြန်စစ်သင့်ပါတယ်။
‎
တခါတလေကျရင် ပုံထဲမှာ Skin tone က White Balance မှန်နေပြီး၊ နောက်ခံ Background ကျမှ လွဲနေတာမျိုးလဲ ဖြစ်တတ်ပါတယ်။ Background မှာ အလင်း(Ligh source)တွေ ရောသွားတဲ့အခါ White Balance လွဲသွားတတ်ပါတယ်။
‎
ဒါကြောင့် ဓါတ်ပုံရိုက်တော့မယ်ဆိုရင် ရိုက်ကွင်းထဲမှာ သက်ရောက်နေတဲ့ Lighting က ဘယ်လောက်ထိ ယုံကြည်ရလဲဆိုတာကို အရင်စစ်သင့်ပါတယ်။
‎
ဒါပေမယ့် White Balance ဆိုတာ အမြဲတမ်းကြီး “Perfect Neutral” ဖြစ်ရမယ်လို့ ပုံသေသတ်မှတ်ထားလို့လဲ မရပါဘူး။
‎
ကိုယ်ရိုက်မယ့် ပုံတွေရဲ့ mood အပေါ် မူတည်ပြီး၊ Sunset ပုံဆိုရင် warm tone ၊ မိုးရာသီတို့ ဆောင်းရာသီတို့လို mood မျိုးတွေဆို cool tone ရှိသင့်ပါတယ်။
‎
အရေးကြီးတာကတော့
✅ Natural ဖြစ်ရမယ်
✅ ရည်ရွယ်ချက် ရှိရမယ်
✅ Mood နဲ့ ကိုက်ညီရပါမယ်
‎
Editing လုပ်တဲ့အခါ White Balance ကို အရင်စစ်တဲ့ အလေ့အကျင့်က နောက်ဆုံးရလာဒ် ကို အကြီးအကျယ် ပြောင်းလဲသွားစေနိုင်ပါတယ်။
‎
(ပုံမပြင်ခင် White Balance ချိန်ထားတဲ့ အခြေနေ)
‎

💍 Pre-wedding / Wedding photo တွေအတွက် အဝတ်အစားပြောင်းတဲ့ Action လိုချင်လို့ မရှိဘူးလားတဲ့..❗
‎
ဟာ.. 😧
ကျနော်မသိလို့ ဓါတ်ဆရာတွေကို မေးပါရစေဗျာ..
အခုခေတ် Pre wedding လာရိုက်တဲ့ စုံတွဲတွေက ထမီရင်လျား၊ ပုဆိုးကွင်းသိုင်းနဲ့ပဲ ဓါတ်ပုံလာရိုက်နေကြလို့လားဗျာ..?
‎
Wedding ဝတ်စုံဆိုတာ တကူးတက ကြိုတင်စီစဉ်ပြီးမှ အကုန်ကျခံ ချုပ်လုပ်၊ အမှတ်တရ တန်ဘိုးထား ဝတ်ဆင်ကြတာ မဟုတ်လား..?
ဘာအတွက် အဝတ်အစားက ပြောင်းပေးဖို့ လိုဦးမှာလဲဆိုတာ.. ကျနော်တော့ လိုက်မမီတော့ဘူး။
‎‎
နည်းပညာ ဆိုပေမယ့်လဲ အဲ့လောက်ကြီးတော့ over consuming မလုပ်ကြပါနဲ့ဗျာ ✌️
‎
ကျနော်ကတော့ လူအစစ်တွေရဲ့ ဖန်တီးမှု Arts တွေကို ပိုပြီးတန်ဘိုးထားပါတယ်။ နောက်ကျ မကျန်ခဲ့ရအောင်သာ နည်းပညာကို အမီလိုက်နေရတာ၊ စာရေးတတ်ရင် လုပ်ချင်ရာ လုပ်လို့ရနေတာကြီးကို သိပ်တော့ ခံတွင်း မတွေ့လှဘူး။😏
‎
ပုံက စာနဲ့လိုက်အောင် ကလိထားတာပါ။ 😁
‎
Photo Credit : Aye Myat Thu

📣 ဓါတ်ပုံလုပ်ငန်းသုံး "ID Photo All In ONE" Photoshop Actions မကြာမီလာမည်..
Stay Tuned..! 😊
‎

မဖြစ်နိုင်တာကို အတင်းလုပ်ယူရင် တချိန်မှာ ပျက်စီးရတတ်တယ်..❗
‎
ကြိုးစားတယ်ဆိုတာ ကောင်းပါတယ် ဒါပေမယ့် မဖြစ်နိုင်တာကိုတော့ ဇွတ် အတင်းလုပ်မယူပါနဲ့၊ ရခဲ့ရင်လဲ ရေရှည်မခံဘူးဆိုတာ သင်ခန်းစာပါ။
အရာအားလုံးမှာ Limit ရှိပါတယ်။
‎
Hardware က Support မလုပ်နိုင်တဲ့ OS ကို patcher နဲ့ ကျော်ခွတင်သုံးရင်း ၃ လလောက်အကြာမှာ SSD ပျက်စီးသွားပါတယ်။ ကံကောင်းလို့သာ CPU ကို မထိခဲ့တာပါ။
‎
အကျိုးအမြတ်က ၃ လအတွင်းထဲမှာ နောက်ဆုံးပေါ် နည်းပညာအသစ်တွေကို သင်တန်းသားတွေနဲ့ public ကို ဝေမျှနိုင်ခဲ့ပါတယ်။
‎
ဆုံးရှုံးမှုကတော့ SSD ထက် ပိုတန်ဖိုးရှိတဲ့ Data တွေပါ။ တပတ်လောက် logic မျိုးစုံနဲ့ စဉ်းစားပြီး develop လုပ်နေဆဲဖြစ်တဲ့ Actions package တခုလုံး ပြန်မရတော့တာပါ။
‎
အခုတော့ Mac လေး နေပြန်ကောင်းသွားလို့ အလုပ်တွေ ပြန်လုပ်နေပါပြီ၊ လုပ်လက်စ package ကိုလဲ memory recall ခေါ်ပြီး အစကနေ ပြန်ဆောက်နေပါတယ်။
မကြာခင် Actions Package အသစ်နဲ့အတူ ပြန်လာခဲ့ပါမယ်။
‎
Mac user တွေကို တခုပဲ သတိပေးချင်ပါတယ်။
Apple ကို သွားမရှုပ်ပါနဲ့လို့..
‎